1 Samuɛlɛ

2 Ko Hana akate lo dɔmbɛlɔ ate:

 3 Tanyotetemalake ntɛkɛta la lotamanya;

 8 Nde monyiyaka mbolambola oma lo ditshu;

Ndo ayodiya loseke* l’okitami ande w’esɔ.”+

11 Oma laasɔ, Elekana akakalola otsha lakande la Rama, koko ɔnakɔ akayala okambi wa* Jehowa+ lo ɛlɔmbwɛlɔ k’ɔlɔmbɛdi Eli.

12 Ana w’apami waki Eli waki anto wa kɔlɔ.+ Vɔ kɔmbɔsaka Jehowa la nɛmɔ. 13 Nganɛ mbakawasalaka la kɛnɛ kakahombaka ɛlɔmbɛdi nongola oma le anto:+ Etena tshɛ kakalambolaka onto ɔmɔtshi olambo, okambi w’ɔlɔmbɛdi akayaka la lɔsɔmɔ la nsɔdi 3 lo lonya lam’akakatemaka nyama, 14 ko nde akalitshuhaka lo dɔnga dia woke, lo mpoke k’eseka 2, lo mpoke ka diwomba kana lo mpoke k’oseka 1. Kɛnɛ tshɛ kakɛmbamaka lo lɔsɔmɔ, ɔlɔmbɛdi akakiɔsaka. Kɛsɔ mbakawasalaka la Shilo le ase Isariyɛlɛ tshɛ wakayaka lɛkɔ. 15 Ndo nto, kaanga la ntondo ka ɔnɛ lalambola olambo ntshumba wata,+ okambi w’ɔlɔmbɛdi akayaka ndo akawotɛka ate: “Sha ɔlɔmbɛdi nyama ka mfumba. Nde hatɔsa nyama ka lokatɛ oma le yɛ, paka k’oyoyo.” 16 Etena kakataka onto akɔ ate: “Tokotshika dia wata tokotshumbama+ kele yɔshi kɛnɛ tshɛ kalangayɛ,”* nde akataka ate: “Keema, ombisha kakiye. Naka bu, kete layɔsa la wolo!” 17 Ɔnkɔnɛ, pɛkato k’ekambi kakayala woke efula la ntondo ka Jehowa,+ nɛ dia vɔ kɔmbɔsaka olambo wa Jehowa la nɛmɔ.

18 L’etena kɛsɔ, Samuɛlɛ akakambaka+ la ntondo ka Jehowa ɔlɔtshi* efodɛ+ wa linɛnɛ kaanga mbakinde eke dikɛnda. 19 Ndo nto, nyango akɔɔtɛlɛka kutukutu yele bu l’anya ko nde akawelakayɔ ɔnɔnyi l’ɔnɔnyi lam’akandayaka nde la omɛnde dia ndjolambola olambo+ w’ɔnɔnyi l’ɔnɔnyi. 20 Eli akatshɔkɔlaka Elekana la wadɛnde ndo akataka ate: “Jehowa akosha ɔna oma le womoto ɔnɛ lo dihole dia ɔnɛ lakakimɔma le Jehowa.”+ Ko vɔ wakakalolaka la ngelo. 21 Jehowa akohɔ Hana, ko nde akatshu diemi+ ndo akote ana akina 3 w’apami ndo 2 wa wamato. Samuɛlɛ akatatetemalaka mbola la ntondo ka Jehowa.+

22 Eli akayala osombe wa lokosombe, ndo nde akokaka awui tshɛ wakasalɛka anande w’apami+ ase Isariyɛlɛ tshɛ ndo woho wakaweyanaka la wamato wakakambaka la soko dia luudu la dipɛma l’esanganelo.+ 23 Nde akawatɛka ate: “Lande na katetemalanyu nsala akambo wa nganɛ? Nɛ dia kɛnɛ kokami lo dikambo dianyu oma le anto tshɛ kekɔ kɔlɔ. 24 Keema anami, kɛnɛ kokami katate anto waki Jehowa bu dimɛna. 25 Naka onto salɛ osekande onto kɔlɔ, onto okina mbeyaka nsɛngasɛnga Jehowa lo dikambo diande.* Ko naka onto ambosalɛ Jehowa+ pɛkato, ayokoka mbɔlɔmbɛ?” Koko vɔ konanga mpokamɛ shɛwɔ, nɛ dia Jehowa akɔshi yɛdikɔ ya mbadiaka.+ 26 L’etena kɛsɔ, Samuɛlɛ akatatetemalaka mbola lo diema ndo lo mbetawɔma le Jehowa ndo le anto.+

27 Okambi ɔmɔtshi waki Nzambi akaye le Eli ko akayowotɛ ate: “Jehowa kata ate: ‘Onde dimi kondjashola hwe le ase luudu la shɔ etena kakiwɔ l’Edjibito oko ɛhɔmbɔ lo luudu la Farawɔ?+ 28 Ndo nde akasɔnama oma lo waoho tshɛ w’Isariyɛlɛ+ dia nkamba oko ɔlɔmbɛdi ami ndo dia mbidɛka lo elambwelo+ kami dia nambola elambo, dia ntshumba tshɔ* ndo dia ndɔta efodɛ la ntondo kami. Ndo dimi lakasha ase luudu la tshɛyɛ elambo tshɛ watshumbama lo dja w’oma le ase Isariyɛlɛ.*+ 29 Lande na kɔnyɔlanyu* olambo ami ndo woshasha ami wakamadjanga lo dihole diadjasɛmi?+ Lande na katetemalayɛ mbisha anayɛ kɛnɛmɔ kondeki lo nyu tanunanɛka la tenyi dioleki amɛna di’oma lo weshasha tshɛ wela wodja ami, Isariyɛlɛ?+

30 “‘Diakɔ diata Jehowa Nzambi k’Isariyɛlɛ ate: “Dimi lakate mɛtɛ dia ase luudu layɛ ndo ase luudu la tshɛyɛ wayɔkɛndakɛndaka nshi tshɛ la ntondo kami.”+ Koko kakianɛ, Jehowa ambota ate: “Dimi bu la kanyi ya nsala dui sɔ, nɛ dia wanɛ wanɛmiya mbayomɔlɛmiya,+ koko wanɛ wamɔnyɔla wayɔnyɔma.” 31 Eenda, nshi yekɔ lo ndjaye yayomonya wolo* ayɛ ndo w’ase luudu la shɔ diaha kaanga onto la lo luudu layɛ ntshunda osombe.+ 32 Wɛ ayenda otunyi ayɛ lo edjaselo kami l’atei w’akambo w’ɛlɔlɔ tshɛ wasalema lo Isariyɛlɛ+ ndo osombe w’onto hatanemaki nto pondjo lo luudu layɛ. 33 Onto ayɛ lahamatodiaka ndo layomotshika dia kambaka lo elambwelo kami ayokola washo ndo ayokela lɔkɔnyɔ, koko efula k’anto wa lo luudu layɛ wayovɔ la lokuwa la ta l’oma le anto.+ 34 Ndo kɛnɛ kayanga nkomɛ anayɛ 2, Hɔfɛni nde la Finehasi ayonga djembetelo le yɛ: Vɔ akɔ 2 wayovɔ+ lushi 1. 35 Oma laasɔ, dimi layoyatondjɛ ɔlɔmbɛdi wa kɔlamelo.+ Nde ayosala akambo lo yoho yɔtɔnɛ la kɛnɛ kakombola otema ami,* ndo dimi layowokɛ luudu la pondjo ndo nde ayɔkɛndakɛndaka la ntondo k’okitami ami w’esɔ nshi tshɛ. 36 Onto tshɛ la lo luudu layɛ layotshikala ayoyaka ndo ayowokusamɛka dia nyanga difuto dia falanga ndo yangɔ ya ndɛ, ko nde ayota ate: “Lam’alangayɛ, ombidje l’olimu ɔmɔtshi wendana l’ɔlɔmbɛdi kele kankondjake yangɔ ya ndɛ.”’”+