Esambo
Le ɔnɔmbɔdi. Wa Davidɛ. Ngɛngu.
40 Dimi lakalongamɛ le* Jehowa la otema ɔtɔi,
Ko nde akahokɛ toyi diande* oya le mi ndo akoke delo diakamayangaka ekimanyielo.+
2 Nde akantondja oma lo difuku diadikita,
Oma lo lɔtɛkɛ l’otamu.
Ndo nde akakitsha ekolo ami laadiko dia dive;
Nde akashikikadia akaka ami.
3 Oma laasɔ, nde akadje osambo w’oyoyo l’onyɔ+ ami,
Wa ntombola Nzambi kaso.
Anto efula wayenda dui sɔ la wɔma
Ndo wayoyaɛkɛ le Jehowa.
4 Ɔngɛnɔngɛnɔ le onto layaɛkɛ le Jehowa
Ndo lahɛlɛɛ otsha le atɔmbɔki kana le akanga wa kashi.*
5 Ande efula k’akambo wamboyosala,
Wɛ Jehowa Nzambi kami,
Akambo ayɛ wa diambo ndo tokanyi tele la yɛ oya le so+ lee!
Ndooko lakoka mbɛdikama la yɛ;+
Naka dimi layohemba mbata kana mbatɛkɛta,
Vɔ wayonga efula kaheyama mbadia.+
Wɛ kɔnɔmba elambo wa lotshumba ndo elambo wa pɛkato.+
7 Ko dimi lakate nte: “Eenda, dimi lamboya.
Lo wɔɔmbɔ,* dui sɔ fundama lo dikambo diami.+
8 Dia nsala lolango layɛ, wɛ Nzambi kami, kele ɔngɛnɔngɛnɔ*+ ami,
Ndo ɛlɛmbɛ ayɛ nyɔngɔmɛ etale l’etei kami.+
9 Dimi mbewoyaka lokumu l’ɔlɔlɔ la losembwe lo etshumanelo ka woke.+
Eenda, dimi haashimbe ɛlɔmɔ ami,+
Oko wadieyayɛ dimɛna, wɛ Jehowa.
10 Dimi haakombe losembwe layɛ lo otema ami.
Dimi mbewoyaka kɔlamelo yayɛ ndo panda kayɛ.
Dimi halashɛ ngandji kayɛ ka kɔlamelo ndo mɛtɛ kayɛ lo etshumanelo ka woke.”+
11 Jehowa le, tonyimake kɛtshi kayɛ.
Ngandji kayɛ ka kɔlamelo ndo mɛtɛ kayɛ wankokɛke tena tshɛ.+
12 Mpokoso yambonyinga yekɔ efula kahakoke mbadia.+
Efula ka munga yami yambonkonya ewo ko haakoke mɛna mboka+ kami;
Yɔ ndeka divo dia l’ɔtɛ ami efula,
Ndo dimi lamboshisha otema.
13 Jehowa le, lam’alangayɛ, onga suke dia shimbɛmi.+
Jehowa le, samanya dia ndjonkimanyiya.+
14 Wanɛ tshɛ wayanga dia mbɔsa lɔsɛnɔ* lami
Washame nsɔnyi ndo walɔmbɔ.
Wanɛ wangɛnangɛna lo mpokoso kami
Wakalole ɛkɔngɔkɔngɔ lo mbishama nsɔnyi.
15 Wanɛ wambutɛ vate: “Aah! Aah!”
Waambe l’ɔtɛ wa nsɔnyi kawɔ hita.
Wanɛ walanga etsha ayɛ wa panda watake tena tshɛ vate:
“Jehowa atombɔme.”+
17 Koko dimi bu la ekimanyielo ndo lekɔ ose wola;
Jehowa ambidje yimba.