Esambo
91 Onto tshɛ ladjasɛ lo dihole dia woshamu diaki Ɔnɛ-Laheme-Tshɛ+
Ayohanga l’ɛse ka dɛdi dia Kanga-Wolo-Tshɛ.+
3 Nɛ dia nde ayokohandja oma lo djonga y’omambi wa tofudu,
Oma lo elando wadiakana.
Kɔlamelo+ yande yayonga engawo ka woke+ ndo ehele k’ekokelo.
5 Wɛ hatoka waale wa l’otsho wɔma,+
Kana mpito yeteta la yanyi,+
6 Kana elando weteta lo wodjima,
Kana elanyelo kashila oshiki la midi.
7 Anto kinunu (1 000) wayɔkɔ laleyɛ
Ndo nunu dikumi (10 000) lo lonya layɛ l’omi,
Koko dui sɔ hadiotokoma suke la yɛ.+
8 Wɛ ayɛna dui sɔ tsho la washo ayɛ
Oko onto lɛna dilanya* di’akanga wa kɔlɔ.
9 Lam’ele wɛ akate wate: “Jehowa kele eshamelo kami,”
Wɛ aketɛ Ɔnɛ-Laheme-Tshɛ edjaselo*+ kayɛ;
10 Ndooko mpokoso kayokokomɛ,+
Ndo ndooko sui diayoya suke la luudu layɛ la di pɛma.
13 Wɛ ayokamɛ ɔsɔngɔ wa ntambwɛ ndo oloyi wa kɔbra;
Wɛ ayɔhɔtshahɔtsha ntambwɛ kele la alɛfulɛfu ndo oloyi wa woke.+
14 Nzambi akate ate: “Lam’ele nde nangakami,* dimi layowotsha.+
Dimi layowokokɛ, nɛ dia nde mbeyaka lokombo lami.+
15 Nde ayombelɛ,* ko dimi layowetawɔ.+
Dimi layonga kaamɛ la nde lo asui.+
Dimi layowotsha ndo layowosha lotombo.