Woho wa nkamba la biukubuku nyɛ

Lo ndjɛkɛ yayela, wɛ ayɛna dia lushi tshɛ lekɔ la divɛsa dialɔ ndo kɔmatɛrɛ ka divɛsa diakɔ. Kaanga mbele kɔmatɛrɛ ya divɛsa kokaka sɛdingɔma wonya tshɛ wa lo lushi, anto efula mɛnaka dimɛna nsala dui sɔ la pindju. Lo nsala ngasɔ, vɔ kokaka nkanyiya akambo wakawasɛdingodi lushi l’otondo. Sɛdingolaka divɛsa lo nkumbo ekɔ la wahɔ w’efula. Ase nkumbo ka Bɛtɛlɛ ya l’andja w’otondo salaka dui sɔ etena kalɛwɔ yangɔ ya la pindju.

Kɔmatɛrɛ mbɔsama lo Tshoto y’Etangelo (w) numɛlɔ ka Ngɔndɔ ka nɛi 2015 polo Ngɔndɔ ka sato 2016. Toshifidi tahɔnyi la adatɛ wa Tshoto y’Etangelo mɛnyaka numɛlɔ ka sawo dia wekelo (1, 2, 3, 4, kana 5) diele lo Tshoto y’Etangelo ndo toshifidi tahɔnyi la numɛlɔ ka sawo dia wekelo mɛnyaka edingɔ wa lɛnɛ okoki tanema kɔmatɛrɛ nkina ya divɛsa diakɔ. (Enda ɛnyɛlɔ kele l’ɛse kengo.) Awui akina wendana la sawo kokaka tanema lo sawo diakɔ dia wekelo. Dia mbeya lɛnɛ otate oseka sawo tshɛ, enda lohoso la numɛlɔ ka Tshoto y’Etangelo yakɔ.