‘Yee, otondongaka anto tshɛ wekɔ oko vɔ lee!’

Ɔsɔ aki ɛtɛkɛta w’ofundji wa jurunalɛ mɔtshi yelɛwɔ ɔnɛ: Letzebuerger Journal ya la Luxembourg. Wa na wakandataka asɔ na?

Nde aki la Pologne la tokonga difɛstɔ dia 50 dia eohwelo k’otshungwelo wa Auschwitz ko nde akɛnyi dia vɔ kɔtɛkɛta ndoko yema lo dikambo di’olui ɔmɔtshi wa wanɛ wakɛnaka pâ efula lɛkɔ. Lo jurunalɛ yande ya Yâta Afusa 2, 1995, nde akɛnya dia olui ɔsɔ w’anto aki Ɛmɛnyi wa Jehowa ko nde akafunde ate: “ Ndoko dui diakakoke mbakonya lo vɔ tona mbetawɔ kawɔ, oyadi lokanu loleki wolo lakawadjama kana lo luudu la lokanu la nyɛ, kânga ndjala ka kasha kakawadakaka l’atei wa shɔkɔ ya mamba koyanga nyɔi ka pembola ɔtɛ la shɔka kana lo mashinyi ɔmɔtshi.” Nde akatetemala mbuta ate: “Kânga asɔlayi wa SS wakâlamaka wakambe otema wolo waki l’Ɛmɛnyi wa Jehowa polo ndo lo nyɔi yawɔ.”

Ɛmɛnyi wa Jehowa hawokombola dia ndjâla amvuedi. Koko, oko Akristo waki l’eleko ka ntondo, nunu dia l’atei awɔ mɛnaka dimɛna mvɔ lo dihole dia pindola ɛlɛmbɛ w’Okristo. Woho wa mbetawɔ kɛsɔ akawaetɛ oko anto wotshikitanyi lo nshi shɔ ya wodjima ya lowandji l’Ase Nazi.

Ofundji akɔ wa jurunalɛ akadihiya ate: “Yee, otondongaka anto tshɛ wekɔ oko Ɛmɛnyi wa Jehowa lee!” Otowonga ngasɔ, tshike ta dia hende di’andja w’otondo kotomba.

Kânga l’atei w’andja ɔnɛ wambofukutana, wɛ kokaka monga l’ɔngɛnɔngɛnɔ oma l’ewo k’oshika ka Bible k’endana la Nzambi, la Diolelo diande, ndo la sangwelo diande di’ɔlɔlɔ diakandasangoya dikambo di’anto. Naka wɛ nangaka mbeya awui akina wa lâdiko kana onto ɔmɔtshi ndja dia ndjokêtsha Bible lakayɛ aha la kɔlɔmba falanga, fundɛ Association “Les Témoins de Jéhovah” mukanda lo dihole diɛnayɛ ɔlɔlɔ lo lɛkɛ 2

[Caption on page 32]

Onde Wɛ Nangaka Onto Ndja dia Ndjokenda Oka?