‘Olamake otema ayɛ’
Losanganya la Distrikɛ l’Ɛmɛnyi wa Jehowa
ƆTƐ A DUI WA LUSHI LA TANU
‘Kele Jehowa atendaka otema’—1 SAMUELE 16:7.
ƆTƐ A DUI WA LUSHI LA SAMALO
‘Oma l’efula k’akambo wele l’otema mbatɔtɛkɛta onyɔ’—MATEU 12:34.
ƆTƐ A DUI WA LUSHI LA LOMINGU
‘Tokambe Jehowa la etema aso tshɛ’—1 EKONDO 28:9.
Bible kambaka la tshɛkɛta otema suke la mbala kinunu. Lo tena dimɔtshi, tɔ hakambe l’otema lo yoho ya mɛtɛ mɛtɛ, koko ya didjidji. Ko otema wa didjidji kɛdikɛdi na? Tshɛkɛta shɔ koka nembetshiya kɛnɛ kele l’otema w’onto, mbuta ate tokanyi, nsaki ndo nango yande.
Ko lande na kahombaso nama otema aso wa didjidji? Nzambi akasambiya Sɔlɔmɔna dia nde mfunda ɔnɛ: “Okolamelaki nama utema aye l’eteti, ne dia uma loko katutumbaka teko dia lumu.” (Tukedi 4:23) Monga l’ɔngɛnɔngɛnɔ nshi nyɛ ndo nshi yayaye nemanɛka la kɛnɛ kele l’otema aso wa didjidji. Lande na? Nɛ dia Nzambi atendaka kɛnɛ kele l’otema aso. (1 Samuele 16:7) Woho w’onto weso l’etei k’otema, mbuta ate ‘lonto laso la l’etei k’otema’ mbashikikɛ woho watɔsa Nzambi.—1 Petero 3:4.
Ngande wakokaso nama otema aso? Tayokondja okadimwelo wa dimbola sɔ lo Losanganya la distrikɛ l’Ɛmɛnyi wa Jehowa layosalema l’andja w’otondo l’etatelo ka ngɔndɔ kɛnɛ. Tambokelɛ l’ɔngɛnɔngɛnɔ tshɛ dia wɛ ndjosangana laso lo losanganya la nshi shato lɔsɔ.a Kɛnɛ kayoyoteka lɛkɔ kayokokimanyiya dia wɛ ngɛnyangɛnya otema wa Jehowa.—Tukedi 27:11.
[Nɔte ka l’ɛse ka dikatshi]
a Dia wɛ mbeya akambo akina wendana la losanganya lɔsɔ, enda sitɛ kaso k’Ɛtɛrnɛtɛ www.jw.org. Wɛ koka nsawola nto l’Ɛmɛnyi wa Jehowa wa l’ɛtshi kanyu ka nkɛtɛ kana fundɛ afundji wa periodikɛ kɛnɛ dia wɛ mbeya dihole diayosalema losanganya lɔsɔ.
[Efundelo wɛnya kanga osato wa lo lɛkɛ 32]
Photo ka lo lonya l’omi: Aus dem Fundus der MÜNCHNER OLYMPIAPARK GMBH, München