Dikambo dia ɛlɔngɔlɔngɔ la esekaseka aso

Nyoyalame oma le nyuma ya kɔlɔ

Alako: Adia ɔkɔndɔ wa lo Bible ɔnɛ lo dihole dia ki. Etena kadiayɛ avɛsa, yaɔsa dia ndo wɛ mbele l’atei w’anto watɛkɛtawɔ dikambo diawɔ lɔkɔ. Ɔsa dia wɛ ekɔ lo mɛna kɛnɛ kêta. Ɔsa dia wɛ ekɔ lo mboka kɛnɛ katɛkɛtama. Yaoka woho wayaoka anto watɛkɛtama l’etenyi kakɔ. Ɔsa ɔkɔndɔ ɔnɛ dia wekɔ mɛtɛ.

1 SƐDINGOLA ƆKƆNDƆ.—ADIA ETATELU 6:1-6 NDO ETSHA 19:11-20.

Ta woho wele waa Nefilimɛ wate kana wɛ ambowaɛnaka.

․․․․․

Oko leyɛ, kakɔna kakakomɛ ase Juda amɔtshi wɔtɛkɛtami lo Etsha 19:13-16 l’ɔkɔngɔ wa vɔ mpomana l’ɔdiɛngɛ ɔmɔtshi?

․․․․․

2 SALA EYANGELO EFULA.

Kamba la dihomɔ di’eyangelo diele la yɛ, ko wɛ ayeya akambo efula wendana la waa Nefilimɛ. Oko le yɛ, lande na katayɛ ɔnɛ vɔ waki la ngala k’efula?

․․․․․

Lo yoho yakɔna yakoka mbutama ɔnɛ nyuma ya kɔlɔ ‘wakatshike ahole awɔ’? (Adia Jude 6.) Oko le yɛ, lande na kakokayɛ mbuta ɔnɛ woho wakawayotshuka wamato w’ana w’anto ekɔ dui diaki kɔnɔngɔswama oma le Nzambi?

․․․․․

Wetshelo akɔna wamboyokondja oma l’ɛkɔndɔ ɛnɛ ehende lo kɛnɛ kendana la monga la diɔtɔnganelo l’ɛdiɛngɛ oma lo tshimbo y’awui wa dieyanelo kana wa ngala?

․․․․․

3 KAMBA LA KƐNƐ KAMBOYEKA. FUNDA KƐNƐ KAMBOYEKA LO KƐNƐ KENDANA LA . . .

Woho wele nyuma ya kɔlɔ la ngala ndo la nsaki ya dieyanelo.

․․․․․

WETSHELO EKINA.

Lam’ele nyuma ya kɔlɔ hawoyɔlɔta alemba w’anto, naa toho tɔmɔtshi ta lo mayɛlɛ takokawɔ monga la shɛngiya le yɛ?

․․․․․

Naa weho ɛmɔtshi wa tɔkɛnyɔ takɛnɛmɔla yimba ndo waonga wa nyuma ya kɔlɔ ɛlɔ kɛnɛ?

․․․․․

Ngande wakokayɛ mɛnya ɔnɛ wɛ amboyashikikɛ dia nshika tanga la ntondo ka tɔsɛngiya ta nyuma ya kɔlɔ? (Nyomadia Etsha 19:18, 19.)

․․․․․

4 DUI DIAKƆNA DIA L’ƆKƆNDƆ ƆNƐ DIOLEKI OHOMBA LE YƐ, NDO LANDE NA?

․․․․․

Naka wɛ kema la Bible, wɛ koka kikondja oma le Ɛmɛnyi wa Jehowa