Akristo tshɛ wekɔ lo tasake lowango dia nkondja difuto dia lɔsɛnɔ la pondjo. Koko l’ɔtɛ wa pɛkato kakatahowɔ, sho takanaka. Sawo nɛ diayotokimanyiya dia mbishola awui atanu wakoka totakanya dia sho nsala kɔlɔ ndo diayotɛnya woho wakokaso mbaewɔ diaha vɔ todja otshumba.

▪ Onde wɛ ekɔ la ‘otema wa mbeya’ Jehowa?

Dibuku dia Jɛrɛmiya totɛka akambo efula wendana l’otema aso. Sawo nɛ diayotɛnya kɛnɛ kalembetshiya ‘otema wa lokeso’ ndo woho wakokawɔ monga waale le Okristo. Diɔ diayotɛnya nto woho wakokaso monga ‘la otema wa mbeya’ Jehowa.—Jer. 9:26; 24:7.

▪ Lam’ele ‘tambeya Nzambi,’ ahombaso nsala kakianɛ?

Naa wanya wahombaso ntakola dia mbeya Nzambi ndo mbeyama le nde? Ngande ndo lande na kahomba Okristo ntetemala mpama lo nyuma kaanga nde ambotshunda lo nyuma? Sawo nɛ diayotokimanyiya dia sho nkondja ekadimwelo wa ambola asɔ.

▪ Jehowa ekɔ edjaselo kaso

Tekɔ lo nsɛna l’andja wa kɔlɔ, koko hatohombe mboka wɔma. Sawo nɛ diayotɛnya woho wakokaso ntana ekokelo le Jehowa Nzambi kaso.

▪ Tɔlɛmiya lokombo la woke la Jehowa

Kakɔna kalembetshiya mbelamɛ lo lokombo laki Nzambi? Nkɛndakɛnda lo lokombo lakɔ? Ndo ngande wɔsa Nzambi anto wɔnyɔla lokombo lande? Sawo nɛ mbishaka ekadimwelo wa ambola asɔ.

ASAWO AKINA WELE LO NUMƐLƆ KƐNƐ

18 Tosambeme ndo tosambe anto akina

29 Onde Josèphe mɛtɛ mbakadifunde?

30 Toshishake pondjo elongamelo

LOHOSO: Finlande ekɔ wodja wele la asɛnga efula. Vɔ wekɔ nto la nunu di’eduwa wa weke, djekoleko l’atei atei awɔ ndo la Finlande ka l’ɛstɛ. Apandjudi amɔtshi watshɔ lo tshanda mɔtshi dia tosambisha lɛnɛ ele ohomba efula w’apandjudi tshɔka lo masuwa

FINLANDE

LOFULO L’ANTO:

5 375 276

YƐDIKƆ YA L’ATEI ATEI:

Ɔmɛnyi 1 ekɔ l’ɔkɛndɛ wa nsambisha anto 283

AMBATSHI MBOKA WA PONDJO:

1 824