KAKƆNA KATA BIBLE?

Ngande wayalaso etena kavɔso?

ANTO AMƆTSHI FƆNYAKA dia etena kavɔ onto, ɛngɔ kɛmɔtshi ka lo demba diande tetemalaka nsɛna dihole dimɔtshi, etena kele akina mbetawɔka dia nyɔi ekɔ ekomelo ka ɛngɔ tshɛ. Kakɔna kafɔnyayɛ?

KƐNƐ KATA BIBLE

‘Wanɛ wambovɔ haweye ndooko dikambo.’ (Undaki 9:5) Etena kavɔso, sho hatoyala nto la lɔsɛnɔ.

NAA AWUI AKINA WAKOKASO MBEKA OMA LO BIBLE?

• Pami ka ntondo, Adama, akatongama ‘oma lo ditshu dia nkɛtɛ’ ndo nde akakalola lo ditshu etena kakandavu. (Etatelu 2:7; 3:19) Woho akɔ waamɛ mbele, wanɛ tshɛ wavɔ kalolaka lo ditshu.—Undaki 3:19, 20.

• Anto wambovɔ tshungɔka oma lo pɛkato yawɔ kana dimanyiyamaka pɛkato yawɔ. (Rɔmɔ 6:7) Ndooko dilanya dikina dia pɛkato diele l’ɔkɔngɔ wa nyɔi k’onto.

Onde wanɛ wambovɔ koka nsɛna nto?

ONDE WƐ AYOKADIMOLA WATE . . .

• Eelo

• Keema

• Ondo

KƐNƐ KATA BIBLE

‘Eolwelo kayoyala.’—Etsha 24:15.

NAA AWUI AKINA WAKOKASO MBEKA OMA LO BIBLE?

• Bible mbɛdikaka nyɔi la djɔ. (Joani 11:11-14) Nzambi koka memula wanɛ wambovɔ oko wakokaso memula onto oma lo djɔ.—Jobo 14:13-15.

• Bible ekɔ la bɛnyɛlɔ efula di’anto wakolɔ, kɛsɔ toshaka eshikikelo dia wanɛ wakavu wayoyala la lɔsɛnɔ nto.—1 Khumi ya Dikanga 17:17-24; Luka 7:11-17; Joani 11:39-44.