Kakɔna kata Bible?

Onde Nzambi kadimolaka alɔmbɛlɔ tshɛ?

ONDE WƐ AYOTA WATE NDE . . .

• Kadimolaka alɔmbɛlɔ w’onto tshɛ

• Kadimolaka alɔmbɛlɔ w’anto amɔtshi

• Hakadimola ndooko dɔmbɛlɔ di’onto

KƐNƐ KATA BIBLE

“Jehowa ekɔ suke la wanɛ tshɛ . . . wawelɛ lo mɛtɛ.”—Osambo 145:18.

NAA AWUI AKINA WAKOKASO MBEKA OMA LO BIBLE?

• Nzambi hahokamɛ alɔmbɛlɔ w’anto wɔtɔmbɔkwɛ. (Isaya 1:15) Koko vɔ koka mbidja la nde “akambo l’ɔnɔngɔ” lo ntshikitanya mboka yawɔ.—Isaya 1:18.

• Dia Nzambi nkadimola dɔmbɛlɔ, diɔ pombaka mbɔtɔnganɛ la kɛnɛ kalɔmbande katanema lo Bible.—1 Joani 5:14.

Onde sho pombaka monga lo kiongamu ya laande etena kalɔmbaso?

ANTO AMƆTSHI MBUTAKA dia vɔ pombaka mbikaka adwe, kɔlɛka ɛtɛ kana sanganyaka anya akɔ ahende etena kalɔmba onto. Kakɔna kafɔnyayɛ?

KƐNƐ KATA BIBLE

Nzambi aketawɔ alɔmbɛlɔ w’anto ‘wakadjasɛ lodjasɛ, wakemala, wanɛ waketama ekukumadi kana wa wanɛ wakake adwe.’ (1 Ɛkɔndɔ 17:16; 2 Ɛkɔndɔ 30:27; Ɛzɛra 10:1; Etsha 9:40) Nde hahike ndooko kiongamu mɔtshi ya shikaa etena kalɔmbaso.

NAA AWUI AKINA WAKOKASO MBEKA OMA LO BIBLE?

• Nzambi pokamɛka alɔmbɛlɔ w’anto wele la okitshakitsha.—Osambo 138:6.

• Wɛ koka nɔmba l’oseka ɔtɛkɛta tshɛ oyadi l’otema.—2 Ɛkɔndɔ 6:32, 33; Nɛhɛmiya 2:1-6.