“Akɛndji Wa Wɔladi A Nzambi”—Losanganya La Distrikɛ 1996
1 L’atei w’anto 265750 wakɔtɔ lo losanganya la distrikɛ “Totombole Nzambi l’Ɔngɛnɔngɛnɔ” lo 1995 lo mbilo kaso, efula wakɛnya lowando lawɔ lo tokanyi tasha ekeketshelo, lo yoho ya lo nyuma. Etema aso wakalole l’ɔngɛnɔngɛnɔ lo dikambo dia ambeki 4318 wakabatizama dia mɛnya djembetelo ya ndjakimɔ kawɔ le Nzambi. Takangɛnangɛna dia kondja ekanda ehende w’eyoyo, Les Témoins de Jéhovah et l’instruction la Ewo Katɔla Otsha lo Lɔsɛnɔ la Pondjo. Woho wakatakondja ɛlɔlɔ oma lo ekongelo kasha ekeketshelo ɔnɔnyi wetshi ayohomba totshutshuya dia sho sala weolo aso tshɛ dia mbɔtɔ lo nsanganya ya distrikɛ 1996 “Akɛndji wa Wɔladi a Nzambi.” Mɛtɛ sho tshɛ tayolanga mbelɛ wanɛ weka laso Bible. Nsanganya shɔ yayoyala kiɔkɔ y’ekeketshelo le onto l’onto a l’atei aso, sho wanɛ walanga tetemala la kambɛ Jehowa l’ɔngɛnɔngɛnɔ lo nshi nyɛ y’ekomelo.
2 Nyotayalɔngɔsɔdi dimɛna kɔ̂mɔ dia nyu mbɔtɔ lo dambo sɔ dia lo nyuma di’ɔlɔ dia nshi shato, oma ko osambu wa mbɔtwɛlɔ polo ndo lo dɔmbɛlɔ dia ndjihelo. Lam’ayonyɔsa tɛdikɔ dia mbɔtɔ lo losanganya la woke, nyɛnya ngandji kanyu lo kanɛ wanɛ wele l’ohomba w’ekimanyielo, djekoleko wanɛ weke ka ndjasha lo mɛtɛ, dia ndo vɔ lawɔ ndjâla lâwɔ pindju la dikɔlɔ tshɛ. Ayonga ohomba efula sɛdingola waewoyelo wele lo dikatshi di’okotsha nɛ kâmɛ l’anto weka laso Bible ndo wasangoya mbɔtɔ lo losanganya la woke lɔsɔ. (Ngal. 6:6, 10) Lushi la Tanu, losanganya lakɔ layotatɛ la mishiki l’eshidi 9 la taahe 30 ko layoshila, la dikɔlɔ, otsha l’eshidi 4 la taahe 30. Lushi la Samalo, lɔ layotatɛ l’eshidi 9 la taahe 30 ko layoshila la dikɔlɔ otsha l’eshidi 4 la taahe 30 l’ɔkɔngɔ w’osambu la dɔmbɛlɔ. Etenyi ka lushi la Lomingu la pindju kayotatɛ l’eshidi 9 la taahe 30, ko losanganya layoyoshila la dikɔlɔ otsha l’eshidi 4. Waewoyelo wayela anɛ wayonyokimanyiya lam’ayalɔngɔsɔlanyu.
3 Ohangelo w’anto tosalemaka tena efula lo mvudu yakana. Sho pombaka mɛnya lowando laso le anangɛso l’akadiyɛso wetawɔ todjasha lawakawɔ. Ndo nto, hosungana dia anto walongolawɔ ngasɔ nanya ɔlɔlɔ ɔsɔ ndo tohika ɔnɛ wawasha luudu nshi efula la ntondo kana l’ɔkɔngɔ wa losanganya. Luudu la panga mbishamaka paka LO NSHI ya losanganya. Wanɛ washawɔ pango ya ngasɔ pombaka mbɔsa diangɔ dia kanga luudu la nɛmɔ, aha nanya ndoko ema, aha ntshɔ l’ahole wewɔ hawowaele ndo mbidja yimba dia ndo anawɔ sala ngasɔ. Naka akanga a mvudu wekɔ l’okakatanu ɔmɔtshi lo dikambo sɔ, vɔ pombaka mbewoya esadi wanɛ wakamba olimu wa pangia anto, ko wayonga l’ɔngɛnɔngɛnɔ dia mbakimanyiya.
4 Apandjudi amɔtshi, kâmɛ l’anawɔ, wekɔ l’ehomba wa lânde; ɔnkɔnɛ sho pombaka mbakokɛ. Etshumanelo k’otondo, ndo djekoleko dikumanyi, pombaka mbidja yimba dia kokɛ anto asɔ koko aha kitsha ɛkɛndɛ awɔ le wanɛ wakamba olimu wa pangia anto woye lo losanganya. Dikumanyi kana ase etshumanelo akina weya akambo awɔ kokaka mɛnya ngandji kawɔ lo mbakimanyiya la kɛnɛ kahombama. Tena efula dikambo sɔ mɛnyaka dia apandjudi pombaka ndjakiyanya l’ehomba w’ekambi wa lo tena ndo lo tena, esombe w’anto kana wanɛ wele la dikɔmɔ, ndo akina. Oko ɛnyɛlɔ, sho kokaka mbakimanyiya lo mbatɔla kana lo mbakokɛ lo weoho wotshikitanyi.—Jak. 2:15-17; 1 Joa. 3:17, 18.
Wanɛ Wayɔtɔ lo Losanganya la Woke Lokina
5 Esangɔ efula, losanganya lokelewɔ mongaka lɔnɛ loleki suke la lakayɛ. Tɛdikɔ takɔsama lo ndjela lofulo l’ahole, l’ekanda, la diangɔ dia ndɛ, la mvudu ya pangia anto, ndo awui akina, lo ndjela lokanyi l’ɔnɛ apandjudi efula wayɔtɔ lo losanganya lakawelamɛ. Koko, naka wɛ pombaka mbɔtɔ lo losanganya lokina l’ɔkɔkɔ ɔmɔtshi w’oshika, kete mboka kekɔ hwe.
Ekimanyielo Kakinyu Kekɔ Ohomba Mɛtɛ
6 Ekimanyielo k’onto l’onto kekɔ ohomba di’olimu wa pangia anto kɛndakɛnda dimɛna. (Heb. 13:17) Diɔ diakɔ dialɔmbaso anto tshɛ dia vɔ kamba kâmɛ la wanɛ wakamba olimu wa pangia anto wakalɔngɔsɔla la Société. Ɔsɔku mbayotokitshakitsha lofulo l’ekakatanu watokomɛ.
7 Lam’eso lo ndjalɔngɔsɔla dia mbɔtɔ lo nsanganya ya distrikɛ 1996, “Akɛndji wa Wɔladi a Nzambi,” kâmɛ l’anangɛso l’akadiyɛso, he katokanyiya ndo di’ekimanyielo ka l’emunyi ndo ka la falanga kakokaso mbela di’ɔlɔngɔswɛlɔ wa dambo sɔ dia lo nyuma! Oko Ase Isariyɛlɛ l’Akristo wa ntondo, tatotshɔke lɛkɔ anya hwe.—Euh. 16:16, 17; 2 Kor. 8:12.
[Caption on page 4]
[List of Assembly locations]
Nsanganya Ya Distrikɛ 1996
NSHI AHOLE ETSHIMBEDI WAKELAMƐ
Lotena Eduwa 05-07 Kinshasa (F) KIN-4, KIN-7, KIN-10
Lotena Eduwa 12-14 Kinshasa (LI-1) KIN-1, KIN-3, KIN-8, KIN-12, KIN-13
Kananga KA-1, KA-14, KA-18, KA-19, KA-28, KA-30
Bujumbura/Uvira KI-8, BU-1, BU-2, BU-3
Malemba Nkulu S-8, S-9, S-10, S-14, S-16
Lotena Eduwa 19-21 Kinshasa (LI-2) KIN-2, KIN-5, KIN-6, KIN-9, KIN-11
Bukavu KI-1, KI-11, KI-12
Ilebo KA-10, KA-15, KA-21, KA-29
Mbuji-Mayi KA-2, KA-5, KA-13, KA-16, KA-17, KA-20, KA-25
Butembo KI-5, KI-7, KI-9, KI-10
Lotena Eduwa 26-28 Bunia HZ-4, HZ-12
Matadi BZ-1, BZ-2, BZ-5, BZ-8
Kasongo Lunda B-7, B-13, B-17
Mbandaka E-2, E-7, E-16, E-17, E-23, E-24
Goma KI-2, KI-6
Mwene-Ditu KA-3, KA-8, KA-9, KA-24
Loseketanya 02-04 Brazzaville CO-1, CO-4, CO-5, etenyi CO-7, etenyi CO-8
Lubumbashi S-1, S-2, S-13, S-17, S-20
Bandundu B-1, B-10
Gemena E-1, E-14, E-18
Isiro HZ-2, HZ-6, HZ-13, HZ-17, HZ-18
Mbanza Ngungu BZ-3, BZ-4, BZ-6, BZ-7
Loseketanya 09-11 Kenge B-3, B-9, B-21
Pointe-Noire CO-2, CO-6, etenyi CO-8
Kolwezi S-3, etenyi S-5, etenyi S-15
Nioki B-4, B-6, B-14, B-15
Gbadolite E-5, E-9, E-19
Kisangani HZ-1, HZ-5, HZ-7, etenyi HZ-9, HZ-10, HZ-14, etenyi HZ-16
Loseketanya 16-18 Sandoa etenyi S-5, S-21
Kongolo KI-4, etenyi S-18
Kikwit B-2, B-5, B-8, B-16, B-19, B-20, B-22
Buta HZ-8, HZ-11
Lisala E-8, E-11, E-21
Loseketanya 23-25 Ouesso CO-3, etenyi CO-7
Bumba E-4, E-12, E-15, E-20, E-22, HZ-3, HZ-15
Moba S-11, S-12, etenyi S-18, S-19
Boende E-3, E-6, E-10, E-13, E-25, E-26
Loseketanya 30 - Lovula 01 Kamina S-4, S-6, S-7, etenyi S-15
Tshikapa KA-6, KA-22, KA-23
Kindu KI-3, etenyi HZ-9, etenyi HZ-16
Lodja KA-4, KA-7, KA-11, KA-12, KA-26, KA-27
Lovula 27-29 Mukedi B-11, B-12, B-18, B-23