Waewoyelo
◼ Losha la Tshango: Ɔsɔhanyelo wa tobukubuku tosato ta ndjɛkɛ 32. Yâta Afusa: Tobukubuku. Asase a Ndjoko: Kokaka We Monga la Loseno la Pondjo lo Paradiso ka la Kete. Mɔmbi: Kokaka We Monga la Loseno la Pondjo lo Paradiso ka la Kete la tobukubuku. Yitshu: Les Saintes Écritures — Traduction du monde nouveau la dibuku La Bible: Parole de Dieu ou des hommes? Mam’ɛkɔngɔ la Tange: Le plus grand homme de tous les temps.
◼ Naka nyu konongola “Scrutons les Écritures” ya 1996, kete tambonyolaka dia nyu tokɔsa avɛsa wa lushi la lushi wa ngɔndɔ y’oma l’etatelo ka 1995 lo tshanda yenyu lo kongɛ. Nyoyele paka nshi ya ngɔndɔ. Oko ɛnyɛlɔ, lushi l’Ɔtɔi, Tshango 1, 1996, kanyɔsɛ divɛsa dia lushi la Lomingu, Tshango 1, 1995.
◼ Tshumanelo diayɔsa tɛdikɔ t’eshika lo dikambo dia Eohwelo ka Nyɔi ka Yeso kayosalema l’ɔnɔnyi ɔnɛ lushi la Hende, Mɔmbi 2 l’ɔkɔngɔ wa ɛɔtwɛlɔ ka onya. Ayoleka dimɛna dia etshumanelo l’etshumanelo sala Eohwelo ka Nyɔi ka Yeso lânde, kânga mbatongaka dikambo sɔ wolo nshi tshɛ. L’ahole wele tshumanelo efula salaka nsanganya yawɔ lo Mbalasa ka Diolelo kakɔ kâmɛ, ondo ayokoka dia etshumanelo ɔtɔi kana efula l’atei ayɔ sala losanganya lɔsɔ l’ahole akina la dikɔlɔ sɔ. Eohwelo ka Nyɔi ka Yeso hakoke ndjotatɛ k’ɔkɔngɔ diko, edja ndo saki k’anto weke ka ndjasha ndjôndɔ wôndondɔ. Lo wedi okina, aha susa wonya efula woho wa pomba ndo etena efula ka mbisha wanɛ wakatelɛ mɔyɔ, oyadi la ntondo kana l’ɔkɔngɔ wa losanganya ndo etena ka sɛngɔla amɔtshi dia sho tetemala la mbakimanyiya lo nyuma, kana etena ka keketshana lam’asaso. L’ɔkɔngɔ a sɛdingola l’ɔlɔlɔ tshɛ akambo wahombama, dikumanyi diayoshikikɛ kɛnɛ kasungana sala dia mbisha anto tshɛ wayoya l’Eohwelo ka Nyɔi ka Yeso diaaso dia vɔ kondja ɛlɔlɔ tshɛ watomba oma lɔkɔ.
◼ Dako dia lânde diayoshama lo tshumanelo tshɛ lushi la Lomingu, Mɔmbi 21, 1996. Diayonga l’ɔtɛ a dui w’ɔnɛ: Toyalake aha l’onongo l’atei wa lɔlɔnga la kɔlɔ. Katodje yimba dia mbelɛ anto tshɛ wayɔtɔ lo losanganya la Eohwelo ka Nyɔi ka Yeso ɔnɔnyi ɔnɛ. Tayoyatshutshuya djekoleko dia kimanyiya miliyɔ y’anto weka Bible.
◼ Lo losanganya l’olimu la Tshango 8, pombaka mombɛ opandjudi tshɛ wambolongolaka batismu kartɛ ka “Instructions médicales — Pas de sang” la cartes d’identité y’anawɔ.
◼ Ekongelo ka wekelo wa dibuku: Tatɛ oma lo Mɔmbi 29 polo lo Lovula 2, 1996, tayeka awui wele lo dibuku di’oyoyo diele l’ɔtɛ a dui w’ɔnɛ: Ewo Katɔla Otsha lo Lɔsɛnɔ la Pondjo. Tambokeketsha onto tshɛ dia nde tasombi dibuku diande nshi nyɛ. Dikambo sɔ nembetshiyaka ɔnɛ lo datɛ sɔ ekongelo katatayele kayohembɔma dia sho mbɔtɔ lo lokolo ɔtɔi kâmɛ l’anangɛso tshɛ wa l’andja w’otondo.