Waewoyelo

◼ Ekanda wayotosha anto lo Ngɔndɔ ka Ntondo: Dibuku tshɛ dia ndjɛkɛ 192 diakatombe la ntondo ka 1985 diele lo lɔkɔtɔ l’etshumanelo. Tshumanelo diele bu l’abuku wa ngasɔ, kawosha anto dibuku La paix et la sécurité véritables : comment est-ce possible ? kana Kokaka We Monga la Loseno la Pondjo lo Paradiso ka la Kete. Ngɔndɔ ka Hende: Sheke y’Ɔngɛnɔngɛnɔ wa lo Nkumbo. Ngɔndɔ ka Sato: Ewo Katɔla Otsha lo Lɔsɛnɔ la Pondjo. Tayodja weolo wa lânde dia tatɛ mbeka l’anto Bible la wakawɔ. Ngɔndɔ ka Nɛi: Tshoto y’Etangelo la Réveillez-vous! Katongake la biukubuku Katɔlɔmba wonya tshɛ dia mbisha anto wɛnya saki ndo ntsha tshɛ dia tatɛ mbeka la wɔ Bible.

◼ Dikatshi di’okotsha diele lo numɛlɔ kɛnɛ k’Olimu Aso wa Diolelo diendana la losanganya la distrikɛ 1999 diayekama lo Losanganya l’Olimu la lomingu la Ngɔndɔ ka Dikumi l’Ahende 28, 1998.

◼ Apandjudi tshɛ wambobatizama wayonga lo Losanganya l’Olimu la lomingu la Ngɔndɔ ka Ntondo 4, wayolongola kartɛ ka “Instructions médicales/Pas de sang” la Cartes d’identité y’anawɔ.

◼ Tatɛ oma lo Ngɔndɔ ka Hende kana ka Sato 1, emendji w’otshimbedi wayoshaka dako di’oyoyo dia lo sɛkɛ diele l’ɔtɛ a dui ɔnɛ: “Wɛ Mɛnaka dia Mɛtɛ Nzambi Ekɔ?”

◼ Tshumanelo kadiɔsɛ tɛdikɔ t’eshika dia sala losanganya l’Eohwelo ɔnɔnyi ɔnɛ Lushi la Nɛi, Ngɔndɔ ka Nɛi 1, l’ɔkɔngɔ wa ɛɔtwɛlɔ ka wonya. Wetshetshelo wa tolembetelo pombaka tatɛ paka l’ɔkɔngɔ wa ɛɔtwɛlɔ ka wonya, oyadi kânga dako diakame esadi. Nyende dimɛna oshidi wɔtɔ wonya lo etenyi kanyu ka nkɛtɛ. Ayoleka dimɛna dia etshumanelo l’etshumanelo sala Eohwelo lânde, kânga mbatongaka dikambo sɔ wolo nshi tshɛ. L’ahole wasala tshumanelo efula nsanganya yawɔ lo Mbalasa ka Diolelo kakɔ kâmɛ, ondo ayokoka dia etshumanelo ɔtɔi kana efula l’atei adiɔ sala losanganya lɔsɔ l’ahole akina la dikɔlɔ sɔ. Wanɛ wele l’etena kokaka tshika taahe 40 l’asa losanganya la losanganya woho wa kondja etena ka mbisha angɛndangɛnda mɔyɔ, keketsha eyoyo, ndo kondja ɛlɔlɔ tshɛ w’oma lo losanganya lɔsɔ. Kanyokanane ndo lo dikambo dia tshikanɛ ahole wa mbeta ndo wa mbɛkɛ akalo. Olui wa dikumanyi kawote tɛdikɔ tahombama lo ndjela ngelo kawɔ. Lam’ele Eohwelo ekɔ dikɔlɔ dimɔtshi dia lânde dia kana yimba lo kɛnɛ kakatosalɛ Jehowa la Yeso Kristo, ayonga kɔlɔ dia kisala oko dambo dia ndɛ la nnɔ.

◼ Dako dia lânde dia lo 1999 diakalɔngɔswama dia salema lo nshi ya Eohwelo diayoshama Lushi la Lomingu, Ngɔndɔ ka Nɛi 18. Ɔtɛ a dui adiɔ: “Diokanelo di’Oshika la Nzambi ndo la Onyaso.” Nyayolongola ekongelo kadiɔ. Tshumanelo diayembwama oma le omendji w’otshimbedi lomingu lɔsɔ, kana diayonga la losanganya l’otshimbedi kana losanganya la lânde la lushi ɔtɔi, diayohokamɛ dako dia lânde lomingu layela. Ndoko etshumanelo kahomba mbisha dako sɔ la ntondo ka Ngɔndɔ ka Nɛi 18, 1999.

◼ Ekanda w’Eyoyo Wele lo Lɔkɔtɔ:

Falase: Index des publications de la Société 1996.