Nsanganya Y’olimu Ya Ngɔndɔ Ka Nɛi
Lomingu la Ngɔndɔ ka Nɛi 5
Taahe 10: Waewoyelo. Waewoyelo wendana l’Olimu Aso wa Diolelo. Vusola sawo diele l’ɔtɛ a dui ɔnɛ: “Onde Ayokoka sho Kahɛ Anto Dibuku Créateur?” Tɛɛ wanɛ tshɛ wayasha dia vɔ ndja lo dako dia lânde diayoshama Ngɔndɔ ka Nɛi 18. Dako diakɔ diekɔ l’ɔtɛ a dui ɔnɛ: “Lɔngɛnyi l’Oshika Sho la Nzambi ndo la Onyaso Onto.”
Taahe 15: “Toyale la Mposa ka Wolo ka Sambisha Lokumu l’Ɔlɔlɔ.” Mbɔtwɛlɔ ka sawo nɛ hahombe ndekana yaahe ɔtɔi; oma lâsɔ ko wɛ tatɛ kɛtshanya l’ampokami. Dia wɛ komiya, keketsha ampokami l’awui wa lo Manuel pour l’École, lo lɛkɛ 190-191, odingɔ 12-13.
Taahe 20: “Woho Watokimanɛka Ase Nkumbo dia Kamba Olimu wa Nzambi lo Yɛdikɔ y’Efula.” Sawo oma le nkumbo kɛmɔtshi. Dja dikako vɔlɛ lo ɛkɔkɔ wɛnya bonde kahomba nkumbo k’otondo mbɔsa olimu wa sambisha oko mbekelo ka lomingu tshɛ kahomba onto tshɛ monga la tɔ. Vusola awui w’ekeketshelo wa lo Tshoto y’Etangelo ya Ngɔndɔ ka Divwa 1, 1993 (lo Falase), lo lɛkɛ 17-19, odingɔ 9-12. Kɔnya ambutshi amɔtshi dia vɔ mbuta woho wakawatondoya lo ntsha ekongelo ka nkumbo k’otondo sambishaka lomingu tshɛ.
Osambu 67 ndo dɔmbɛlɔ dia ndjihelo.
Lomingu la Ngɔndɔ ka Nɛi 12
Taahe 10: Waewoyelo. Alapɔlɔ wa falanga.
Taahe 15: Ehomba wa l’etshumanelo.
Taahe 20: “Toleke Sambisha nɛ dia Ekomelo Aya Suke.” Wembola ndo ekadimwelo. Kɔnya opandjudi ɔtɔi kana apandjudi ahende, wanɛ waki kɔfɔnyaka ntondo ɔnɛ wokosambisha lushi lɔmɔtshi koko ɛlɔ kɛnɛ wosambisha efula nɛ dia vɔ wamboyɛna ohomba wa pandjola losango la Diolelo esadi esadi. Naka etena kekɔ, sanya ndo awui wa l’Annuaire 1997, lo lɛkɛ 42-48, dia mɛnya woho wakayaketembola apandjudi amɔtshi l’olimu wa sambisha lo ntshɔka lɛnɛ ele anto.
Osambu 93 ndo dɔmbɛlɔ dia ndjihelo.
Lomingu la Ngɔndɔ ka Nɛi 19
Taahe 5: Waewoyelo.
Taahe 10: “Onde Wɛ Ekɔ la Kɔmandɛ ka Shikaa ka Periodikɛ?” Ayoleka dimɛna dako nɛ mbishama oma le ekumanyi kana okambi w’olimu watokahanɛka periodikɛ. Ewoya etshumanelo lofulo la periodikɛ yalongɔma ngɔndɔ tshɛ ndo lofulo la l’atei atei lakahanyema lo ndjela alapɔlɔ wakimɔma. Hatokoke tshikaka periodikɛ mbɔtɔka loombo. Shawɔ tokanyi tɔmɔtshi tɛnya woho wa kahɛka anto periodikɛ y’edjedja—Enda Olimu Aso wa Diolelo wa Ngɔndɔ ka Ntondo 1994, lɛkɛ 1 (lo Falase).
Taahe 30: “Olimu w’Ombatshi Mboka Ekɔ Yoho ya Kamba la Tena Diaso la Lomba!” Wembola ndo ekadimwelo. Sɔna anto asato wotshikitanyi dia vɔ kɔndɔla ɛkɔndɔ wa lo odingɔ 5-7. Dia wɛ komiya, keketsha wanɛ tshɛ wakoka dia vɔ kana yimba dia mbɔsa olimu w’ombatshi mboka wa tshanda kana wa pondjo. Adɛmandɛ wekɔ le ekumanyi tshɛ ka Kɔmite k’Olimu ka l’Etshumanelo. Tɛɛ anto ɔnɛ wonya wekekɔ di’onto ndodja dɛmandɛ di’ombatshi mboka wa tshanda lo Ngɔndɔ ka Tanu ndo keketshawɔ dia ndodja adɛmandɛ akɔ.
Osambu 165 ndo dɔmbɛlɔ dia ndjihelo.
Lomingu la Ngɔndɔ ka Nɛi 26
Taahe 10: Waewoyelo. Ohola anto tshɛ dia vɔ kimɔ alapɔlɔ w’olimu wa Ngɔndɔ ka Nɛi. Ewoya nkombo ya wanɛ wayonga ambatshi mboka wa tshanda Ngɔndɔ ka Tanu. Sha ampokami tokanyi tɔmɔtshi t’eshika tɛ̂nya woho wakokawɔ kotola yambalo y’anto oya lo periodikɛ yêke ka tomba.—Enda Olimu Aso wa Diolelo wa Ngɔndɔ ka Dikumi l’Ɔtɔi 1996, lɛkɛ 8 (lo Falase).
Taahe 17: “Ahombami Ntsha la Lɔsɛnɔ Lami Na?” L’ɔkɔngɔ a wɛ vusola sawo nɛ lo tshena pe wɛ l’ampokami, dikɛnda dimɔtshi ayosawola l’ombutshi ande kɛnɛ kasangoyande ndjosala naka nde amboshidiya kalasa ka sɛkɔndɛrɛ. Vɔ akɔ ahende wayɔsɛdingola Olimu Aso wa Diolelo wa Ngɔndɔ k’Enanɛi 1998, lɛkɛ 4. Ombutshi akɔ ayowosha alako wɔtɔnɛ la kɛnɛ kofundami lo Tshoto y’Etangelo ya Ngɔndɔ ka Hende 1, 1996, lɛkɛ 14, la Ngɔndɔ ka Dikumi l’Ahende 1, 1996, lɛkɛ 17-19 (lo Falase). Etena kɛnɛ kambowokitshakitsha lofulo la wenya lalɔmbawɔ ambatshi mboka, ɔnakɔ ekɔ lo kana dia kamba oko ombatshi mboka l’etena kayangande shidiya kalasa.
Taahe 18: Kɔnya Ambatshi Mboka wa Tshanda. Omendji w’olimu ayɔkɔnya apandjudi amɔtshi wakamba oko ambatshi mboka wa tshanda ngɔndɔ kɛnɛ ndo wanɛ wakakambe ngɔndɔ yetshi. Lɔmbawɔ dia vɔ mbuta ɛtshɔkɔ ɛmɔtshi wakawakondja, kɛnɛ kakawasale, ndo lande na kakombolawɔ kamba oko ambatshi mboka wa tshanda ngɔndɔ ɔtɔi kana hiende ɔnɔnyi tshɛ.
Osambu 69 ndo dɔmbɛlɔ dia ndjihelo.