Nsanganya Y’olimu Ya Ngɔndɔ Ka Samalo
Lomingu la Ngɔndɔ ka Samalo 7
Taahe 10: Waewoyelo. Waewoyelo w’oma l’Olimu Aso wa Diolelo. Nsango ya Teokrasi.
Taahe 15: “Tambetshama oma le Jehowa.” L’ɔkɔngɔ wa wɛ mbisha kɔmatɛrɛ lo mbɔtwɛlɔ kahakoki kânga yaahe ɔtɔi, tetemala la sawo la wembola ndo ekadimwelo. Lɔmba ampokami amɔtshi dia vɔ kɔndɔla ɛlɔlɔ wakawakondja oma lo Kalasa k’Olimu wa Teokrasi, oma lo Kalasa k’Ambatshi Mboka, oma lo Kalasa k’Olimu wa Diolelo, nd’oma lo kalasa nkina. Ka epole ɔsɛkɛ lo woho wakakimanyiyama ekambi wa Jehowa diɛsɛ oma lo kalasa shɔ dia vɔ ndeka sambisha dimɛna.
Taahe 20: “Kamba Dimɛna la Wenya Ayɛ.” Ɔkɛtshanyelo l’asa ɔnɔmbɔdi ɔmɔtshi wa Wekelo wa Dibuku la opandjudi ɔtɔi kana ahende wahokɔ akambo efula, wanɛ wakɔndɔla nganɛ wakawalɔngɔsɔla wenya awɔ dia sambisha efula lo ndjela waaso wele lawɔ. Wɛnya ohomba wa monga l’ekongelo k’ɔlɔlɔ ndo watɛtɛ di’onto tshɛ monga l’ekongelo kɛmɔtshi. Wate nganɛ wewɔwɔ awui wakoka mbaɔsɛ wenya tshanana oko: otshimbotshimbo lo tatɛ sambisha, hayalɔngɔsɔla dimɛna la ntondo kana tasawolaka l’anto weyana la wɔ wonya wewɔ l’esambishelo. Enda awui weta l’etshumanelo kanyu ndo sha alako lo woho wakoka anto mbeya kamba la wenya awɔ.
Osambu 48 ndo dɔmbɛlɔ dia ndjihelo.
Lomingu la Ngɔndɔ ka Samalo 14
Taahe 10: Waewoyelo. Alapɔlɔ wa falanga.
Taahe 15: Ehomba wa l’etshumanelo.
Taahe 20: “Onde Wɛ Kokaka Mbisha Lonya?” Ekumanyi kɛmɔtshi ayɔkɛtshanya kamɛ l’ampokami. Sha ndo alako wele lo Réveillez-vous! wa Ngɔndɔ ka Dikumi 8, 1995, lɛkɛ 8-9, dia kimanyiya ambutshi wodja ana vamɛ. Lɔmba ambutshi amɔtshi dia vɔ mbuta lowando lele lawɔ l’ekimanyielo kalongolawɔ oma le ase etshumanelo akina.
Osambu 53 ndo dɔmbɛlɔ dia ndjihelo.
Lomingu la Ngɔndɔ ka Samalo 21
Taahe 10: Waewoyelo. Naka etshumanelo kekɔ la dibuku Les jeunes s’interrogent lo lɔkɔtɔ, kete ɛnya woho wa kamba ladiɔ lo Ngɔndɔ k’Esambele la k’Enanɛi, nshi yatotolekaka tana ɛlɔngɔlɔngɔ l’esekaseka efula la ngelo.
Taahe 17: Tokambe Dimɛna la Bandɛ ya Video ndo Adramɛ. Onde hatokoke kamba dimɛna la bandɛ video 10 ndo la adramɛ 11 wambotondja la Société? Onde wɛ la nkumbo kayɛ nyamendaka kana nongamɛ bandɛ shɔ tshɛ? Vusola ɛtɛ w’awui wa bandɛ yakɔ ndo ɛnya woho wakokayɔ tokimanyiya dia ndowanya walelo aso wa Bible, keketsha lonyuma laso ndo sambisha dimɛna. Dja bandɛ kasɛtɛ hiende kana shato lo tshena pe. Mbola ampokami dia vɔ mbuta bandɛ video kana adramɛ akɔna wakaleke mbakimanyiya dia vɔ keketsha nkumbo yawɔ kana nɔmbɔla anto w’eyoyo oya l’ɔlɔngɔswamelo. Kɔndɔla awui amɔtshi wɛnya etombelo w’ɔlɔlɔ wakakondja anto amɔtshi. (Enda lo Annuaire 1999, lɛkɛ 51-2.) Keketsha anto tshɛ dia kambaka dimɛna la bandɛ video ndo nongamɛka adramɛ.
Taahe 18: “Onde Wɛ Mendaka Paka Ɛnamelo Kele l’Onto Keto?” Dako ndo ɔkɛtshanyelo l’ampokami. Tɛtɛ bonde kahatakoke mongaka esadi eto la tokanyi tɔmɔtshi lo dikambo di’anto wahomana la so. Vusola lo tshena pe wetshelo wakasha Jehowa Jɔna, ɔnɛ lakakanɛka anto kɔlɔ lo monga la kanyi ya wɛngɛngɛ. (Enda Tshoto y’Etangelo ya Ngɔndɔ k’Enanɛi 15, 1997, lɛkɛ 21-22, odingɔ 17-19.) Lɔmba ampokami dia vɔ mbisha kɔmatɛrɛ dia weho w’anto wotshikitanyi wahomana lawɔ lo mbilo kawɔ, lo mɛnya woho wahawakanɛ anto asɔ kɔlɔ koko tshikaka tshɛ l’anya wa Jehowa.
Osambu 77 ndo dɔmbɛlɔ dia ndjihelo.
Lomingu la Ngɔndɔ ka Samalo 28
Taahe 12: Waewoyelo. Ohola anto tshɛ dia vɔ kimɔ alapɔlɔ w’olimu wa Ngɔndɔ ka Samalo. Ewoya ekanda wayotosha anto lo Ngɔndɔ k’Esambele. Ɛnya tobukubuku tele laso efula lo lɔkɔtɔ ndo ta dikambo ɔtɔi kana akambo ahende wakokaso mbika epole ɔsɛkɛ l’asawo. Kɔlɔngɔsɔlɛ ndo ɛnyɛlɔ kɛmɔtshi kakalɔngɔswama dimɛna.
Taahe 13: Bonde Ketawɔ Jehowa di’Ekambi Ande Pɛnyahɛnyama? Dako oma le ekumanyi kɛmɔtshi, oma lo dibuku Les Témoins de Jéhovah: Prédicateurs du Royaume de Dieu, lɛkɛ 676-7. Oko wakatatshi Yeso, sho ‘mpetshamaka oma le wedja tshɛ.’ (Mat. 24:9) Sho mbeyaka pomana la wekamu lam’atatasambisha, lam’adjasɛso l’ewotɔ aso wa l’andja ɔnɛ, lam’akambaso l’anto waha Ɛmɛnyi wa Jehowa kana la kalasa. Ɔtɛkɛtshi ekɔ lo nembetshiya lo yoho y’ɔlɔlɔ bonde ketawɔ Jehowa sho pɛnyahɛnyama ndo nganɛ wayotokondja ɛtshɔkɔ oma lo mbikikɛ ɛhɛnyɔhɛnyɔ akɔ.
Taahe 20: Totshu Lɛnɛ Ele Anto! Dako diotumbi oma lo Annuaire 1997, lɛkɛ 42-8. Kânga mbahombaso tetemala la sambisha lo luudu la luudu, sho pombaka nyanga waaso wa sambisha lo tshakitudi, wonya tshɛ ndo l’ahole tshɛ. Kɔndɔla awui amɔtshi w’oma lo Annuaire wɛnya nganɛ wakakondja anto amɔtshi etombelo w’ɔlɔlɔ lam’akawatshe ngasɔ lo wa bisi, lo toshinga kana l’abongo, lɛnɛ emewɔ mituka, lo mvudu yahawɔtɔ wɔtɔtɔ, lo telefɔnɛ, kana lo fundanɛka mikanda. Naka etena kekekɔ, lɔmba ampokami dia vɔ kɔndɔla awui amɔtshi wakawɛnyi vamɛ. Keketsha anto tshɛ dia vɔ kamba l’oseka diaaso tshɛ diakondjawɔ dia sambisha oseka dihole tshɛ diele anto.
Osambu 75 ndo dɔmbɛlɔ dia ndjihelo.