Ekongelo ka losanganya l’olimu
Lomingu la Ngɔndɔ ka Hende 14
Min. 10: Waewoyelo. Waewoyelo w’oma l’Olimu Aso wa Diolelo.
Min. 15: “Sambisha Ɔtɛkɛta . . . l’Etete.” Sala mbɔtwɛlɔ kahakoke kânga minitɛ ɔtɔi, ko wɛ ndjêta lo wembola l’ekadimwelo. Dja ndo awui wele lo dibuku Notre ministère, lɛkɛ 170. Sha alako amɔtshi wakoka anto kamba lawɔ wɛnya woho wa pamia olimu w’esambishelo.
Min. 20: “Woho wa Pamia Akoka wa Kana Yimba.” Dako ndo wɛnyɛlɔ. Lembetshiya lande na kele dikoka dia kana yimba diekɔ ohomba efula l’esambishelo ndo woho wokokiso dikondja. Apandjudi ahende wakoka wayosawola woho wa ndjalɔngɔsɔla l’olimu w’esambishelo lo ndjela kɛnɛ kɛnyishawɔ l’odingɔ 3 wa sawo nɛ, ko l’ɔkɔngɔ vamɛ wayosala wɛnyɛlɔ.
Osambo 182 ndo dɔmbɛlɔ dia ndjihelo.
Lomingu la Ngɔngɔ ka Hende 21
Min. 10: Waewoyelo. Alapɔlɔ wa falanga.
Min. 15: ‘Wamato Wakamba Efula lo Nkumadiɔndjɔ.’ Sala mbɔtwɛlɔ kahakoke kânga minitɛ ɔtɔi, ko wɛ ndjêta lo wembola l’ekadimwelo. Dja awui wele lo Tshoto y’Etangelo ya Ngɔndɔ ka Dikumi 1, 1996, lɛkɛ 12-13, odingɔ 18-19. Andola akadiyɛso l’otema ɔtɔi dia osukɔ wakiwɔ wa la lolango, elimu wakambawɔ di’ɔlɔlɔ w’akina, ndo kɔlamelo yawɔ l’olimu w’esambishelo.
Min. 20: “Kakɔna Kokoki Tokimanyia dia Shikikala lo Mbetawɔ?” Dako oma le ekumanyi kɛmɔtshi. Tekɔ lo sɛna lo tena dia pâ, ndo sho tshɛ tekɔ l’ohomba w’ekimanyielo l’akambo amɔtshi. Vusola woho wokoki dikumanyi la ekambi w’olimu sala dia keketsha wanɛ wambɔkɔmɔ l’ekakatanu. (Enda ɔtɛ a dui “Elami Wodia Ɛkɔkɔ Dimɛna” wele lo Tshoto y’Etangelo ya Ngɔndɔ ka Divwa 15, 1993, lɛkɛ 21-23.) Lembetshiya woho wokokiso keketshanya lo toho tayotokimanyiya dia sho shikikala lo nyuma.—Romo 1:11, 12.
Osambo 82 ndo dɔmbɛlɔ dia ndjihelo.
Lomingu la Ngɔndɔ ka Hende 28
Min. 8: Waewoyelo. Ohola onto tshɛ dia kimɔ alapɔlɔ w’olimu w’esambishelo wa Ngɔndɔ ka Hende. Vusola lo tshena pe “Atako Anɛi wa Wɔdu” wofundami lo lɛkɛ 4 l’Olimu Aso wa Diolelo wa ngɔndɔ ketshi wɛnya woho wakokaso kamba la traktɛ dia tatɛ sawola l’anto. Sala wɛnyɛlɔ dia mɛnya woho wokokiso kamba la traktɛ Loseno la woladi lo andja w’oyoyo dia mbɔtshiya sawo otsha lo dibuku Ewo. L’ɔkɔngɔ wa mboka wembola wele l’odingɔ wa mbɔtwɛlɔ wa traktɛ, adia odingɔ wa ntondo wa lo lɛkɛ 3, kâmɛ ndo Osambu 37:29. Naka onto ambɛnya saki, fola dibuku Ewo lo lɛkɛ 5, adia kiombokombo, ndo sɛngɔlande dia nyu mbeka Bible. Ngɔndɔ kɛnɛ, onto tshɛ pombaka mbidja weolo wa lânde dia mbeka l’ambeki w’eyoyo Bible.
Min. 5: Ekadimwelo wa Wembola Anyu. Dako ma le ekumanyi kɛmɔtshi.
Min. 17: Ekongelo kaso ka wokelo wa Mbalasa ya Diolelo kekôtatshu esadi esadi. Oma le omendji walɔmbɔla. Nde ayɔsɛdingola mukanda wa Ngɔndɔ ka Dikumi l’Ahende 1, 1999, wendana la wokelo wa Mbalasa ya Diolelo. Awui efula wa sala wekɔ. Lembetshiya dia Bɛtɛlɛ mbayɔlɔmbɔla elimu wa wokelo ɛsɔ tshɛ. Kɔkɔmiya dia tayonga l’ohomba w’anangɛso wele nge lo nyuma ndo wetsha wahɔ wa Diolelo la ntondo. Vɔ hawohombe monga anto w’ɛtɛ wolo ndo wele bu suke dia nɛnya ɛlɛmbɛ, ndo ɛlɛmbɛ wendana l’akambo wa wokelo ndo wa mbewɔ wâle. Keketsha anangɛso wele l’akoka dia ndjâkimɔ.
Min. 15: “Tosambisha Lokumu l’Ɔlɔlɔ l’Eshikikelo ka Wolo.” Sala mbɔtwɛlɔ ka dimɛna efula ka minitɛ hiende kana shato k’awui la avɛsa woshilami l’odingɔ 1 la 2. Oma lâsɔ ko wɛ ndjêta lo wembola l’ekadimwelo tatɛ oma l’odingɔ 3 polo 12.
Osambo 61 ndo dɔmbɛlɔ dia ndjihelo.
Lomingu la Ngɔndɔ ka Sato 6
Min. 5: Waewoyelo.
Min. 15: “Tɔlɔmbɛ Okundji lo Yoho Yakoka.” (w98-OT 1/10 18-21). Dako oma le ekumanyi kɛmɔtshi. Ɔtɛkɛtshi ayoka epole ɔsɛkɛ lo ɔkɔkɔ wakafundama sawo sɔ ndo mɛnya ɔnɛ bu dikambo dia mbɔsa oko sawosawo. Nde kohole dia ‘Okristo wahika osekande okundji wa tshambandeko la lohehe koka mbitshanyema oma l’atei w’etshumanelo naka nde hayatshumuyisha.’ Kɛ̂nya dia lo wedja efula Lɛɛta ambemɛka oshinga wahakoke ndekana lo kɛnɛ kendana l’okundji. Ɛnyɛlɔ, lo Congo-Brazzaville, “onto ndamɛ kalanga, . . . okundji kokaka kimɔma l’akuta kana lo diangɔ, . . . koko ndoko okundji wahomba ndekana 50 000 francs CFA [falanga yele la nɛmɔ dia dɔlara 85 di’ase États-Unis]. . . . Onto lalɔmba okundji wolekanyi lofulo lɔnɛ kana akuta anɛ kondjaka dilanya oma le lɛɛta.” Wedja efula wakashikikɛ lofulo l’akuta la woho ɔsɔ. Akristo nɛmiyaka tɛdikɔ ta ngasɔ tashimba ambutshi amɔtshi di’aha monga la lohehe la falanga. Oyadi kânga lɛɛta hayelana l’anto wahindola ɔlɛmbɛ ɔsɔ, Okristo wa mɛtɛ nangaka mbɔlɛmiya. Lo yoho shɔ, nde namaka nkum’otema k’ɔlɔlɔ la ntondo ka Nzambi ndo honge dive di’otakanya le anto akina. Ɔnangɛso latshukanya ɔnande la womoto kokaka shisha ɛkɛndɛ ande, kana hakoke kondja ɛkɛndɛ l’etshumanelo, naka nde mbetawɔ mbahemamɛ la mbekelo y’ashidi kana dihikahika dia tshambandeko di’ase nkumbo, ndo naka nde tshika anango, waa nyango pami, kana ase nkumbo akina mbɔsa tɛdikɔ lo dihole diande la mposa ka kondja falanga efula. Ɔnɛ layosha dako nɛ kakɔndɔlɛ ɛkɔndɔ ɛmɔtshi wa mɛtɛ wambosalemaka lo ngelo kana lo lɛtshi la nkɛtɛ lodjashinyu.
Min. 10: “Nyodje Yimba lo Woho Wahokamɛnyu.” Ombutshi wa pami ekɔ lo sawola la wadɛnde kâmɛ l’ana kɛnɛ kakokawɔ sala dia kondja wahɔ tshɛ waya oma lo nsanganya ya l’etshumanelo ndo nsanganya ya weke ya weho tshɛ. Nde ekɔ lo mɛna dia onto tshɛ la lo nkumbo kokaka sala la wolo. Wekɔ lo vusola alako wakawoke ndo wekɔ lo menda woho wakokawɔ kitanyiya oseka dako tshɛ, mbidja ndo ohomba wa sawolaka efula lo kɛnɛ kendana l’awui wakekami. Vɔ wekɔ lo kana woho wokokiwɔ kotsha eshikikelo kawɔ k’aha pandja oseka losanganya tshɛ kana etenyi kɛmɔtshi ka losanganya la woke naka kokaka.
Min. 15: “Tosambisha Lokumu l’Ɔlɔlɔ l’Eshikikelo ka Wolo.” L’ɔkɔngɔ wa wɛ vusola lo tshena pe edingɔ dikumi l’ehende wa ntondo wa lo dikatshi di’okotsha wakanyasɛdingola lomingu letshi, ko wɛ mbeta lo wembola l’ekadimwelo oma l’odingɔ 13 polo 24. Kamba dimɛna l’avɛsa woshilami.
Osambo 186 ndo dɔmbɛlɔ dia ndjihelo.