Waewoyelo

◼ Ekanda wayotosha anto lo Ngɔndɔ ka Hende: Sheke y’Ɔngɛnɔngɛnɔ wa lo Nkumbo. Ngɔndɔ ka Sato: Ewo Katɔla Otsha lo Lɔsɛnɔ la Pondjo. Katoyasha efula dia tatɛ mbeka l’anto Bible lawakawɔ. Ngɔndɔ ka Nɛi la ka Tanu: Tshoto y’Etangelo la Réveillez-vous ! Katongake la biukubuku Katɔlɔmba dia mbisha anto wele la saki ndo sala tshɛ dia tatɛ mbeka la wɔ Bible lawakawɔ.

◼ Numɛlɔ ya telefɔnɛ ya Bɛtɛlɛ yambotshikitana. Nyoyilembete dimɛna. Aya telefɔnɛ OCPT: (12) 71863, (12) 71647, (12) 71439, (12) 71660; Télécel: 88 43213; Fax: 88 46944.

◼ Sekeletɛlɛ nde la omendji w’olimu pombaka menda okambelo w’olimu waki ambatshi mboka wa pondjo tshɛ. Naka ɔmɔtshi ekɔ l’okakatanu wa kotsha lofulo la wenya walɔmbama, dikumanyi pombaka ndjalɔngɔsɔla dia mbokimanyiya. Dia tana alako, nyende lo mukanda wa S-201 wa Ngɔndɔ ka Dikumi 1, watoma Société ɔnɔnyi tshɛ. Enda nto lo lɛkɛ 3 odingɔ 1-9 w’Olimu Aso wa Diolelo wa Ngɔndɔ ka Tanu 1987 (lo Falase).

◼ Lo kɛnɛ kendana l’ekongelo k’oyoyo k’okahanyelo w’ekanda, dikumanyi kâmɛ l’anangɛso wakasɔnama dia kahanyaka ekanda pombaka ndjela alako w’eyoyo wendana l’okondjelo w’ekanda walɔmbama paka lo yoho ya lânde, ɛnyɛlɔ oko: Bible de luxe, Étude perspicace des Écritures, Bible avec notes et références, vɔlimɛ rɛlie ya Tshoto y’Etangelo ndo ya Réveillez-vous !, la wa bandɛ ya video ndo y’aradiyo, ndo weho ekina tshɛ w’ekanda wa woho ɔsɔ. Weho w’ekanda wa ngasɔ kokaka nɔmbama paka etena kasala onto ɔmɔtshi kɔmandɛ. Anangɛso pombaka sɛna wolo dia nembetɛ ɔlɔmbɛlɔ wa periodikɛ kana w’ekanda lo lofulo la tshambandeko oma le anto amɔtshi wakɔsaka kana wakakahanyaka paka ekanda yema tshitshɛ tsho lo nshi ya ntondo. Pombaka menda dikambo sɔ ɔlɔlɔ. Ondo ayonga ohomba mɛnana l’amɔtshi lo yoho ya lânde dia nyomâkɔkɔmiya ɔnɛ ekongelo k’oyoyo kɛnɛ halange nembetshiya ɔnɛ taya la lotshungɔ la takahɛka oseka onto tshɛ ekanda, oyadi kânga wanɛ wele bu la mposa k’akambo wa mɛtɛ ndo wahalange mbadia ekanda akɔ. Anangɛso tshɛ wenda awui wa periodikɛ kana w’ekanda pombaka sɛna ɔlɔlɔ di’aha ekanda nanyema olanyemalanyema.

◼ Kɔmandɛ ya periodikɛ ya tshumanelo tshɛ yaki l’ɛse ka lofulo l’apandjudi yakakotshama woho wa kimanyiya onto tshɛ dia kondja Tshoto y’Etangelo yande ndamɛmɛ wenya wa nsanganya. Lo yoho shɔ mbakoka onto tshɛ tayilɔngɔsɔlaki la ntondo. La Société kombolaka di’opandjudi tshɛ ndjela wetshelo l’ekimanyielo ka Tshoto y’Etangelo yande. Ɔnɔmbɔdi wa Tshoto y’Etangelo ayendaka kana dikambo sɔ diekɔ lo salema ɔsɔku.

◼ Ekanda w’eyoyo wamboya:

Lo Falase: Biukubuku Onde Nzambi tokaneka mete ondo?; Le plus grand des noms (T-72)

Lo Zande: Dikongelo dakona diele la wakiso wa ngandji wane wakavu na? (T-16)

◼ Bandɛ ya Video y’eyoyo yamboya:

Lo Falase: Les Témoins de Jéhovah : Un nom, une organisation

◼ Bandɛ y’Aradiyo y’eyoyo yamboya:

Lo Falase: Faisons la volonté de Dieu avec zèle