Ovuswelo Wendana La Kalasa K’olimu Wa Teokrasi
Ovuswelo waha la mbifola abuku wendana l’awui wakekama lo Kalasa k’Olimu wa Teokrasi lo ndjela asawo wakashama tatɛ oma lo lomingu la Ngɔndɔ ka Divwa 3 polo Ngɔndɔ ka Dikumi l’Ahende 24, 2001. Nyɔshi tɛtshi t’akatshi dia funda ekadimwelo anyu lɔkɔ lo ndjela lofulo la wembola wakokanyu kadimola lo yɛdikɔ ya wenya woshami.
[Diewoyelo: L’edja kayotshama ovuswelo a lofunda, paka Bible keto kahombama munandema dia kadimola lo wembola tshɛ. Ahole wotumbi wembola ndo wele l’ekomelo ka wembola ele dia nyokimanyia woho wa nyu ntsha eyangelo anyu. Esangɔ ɛmɔtshi, numɛlɔ ya ndjɛkɛ la y’edingɔ lo oseka Tshoto y’Etangelo tshɛ hɛnyama.]
Kadimola ɔnɛ Mɛtɛ kana Kashi lo ditelo diayela nɛ:
1. Lam’ele mbetawɔ ekɔ olowa ɔmɔtshi wa nyuma ka Nzambi, anto wele kema la mbetawɔ hawoyange dia kondja nyuma kɛsɔ, kana vɔ kiyangaka dia kotsha eyango awɔ wa kɔlɔ ndo vɔ ntonaka dia nyuma ka Nzambi nɔmbɔla nsɛnɔ yawɔ. (Luka 11:13; Ngal. 5:22) [rs lɛkɛ 168 od. 1]
2. Osambu 58:4 mɛnyaka mɛtɛ dia olui wetawɔ kɔbra ekɔ ‘l’atui’ koko nde hoke nɛ dia nde akatongama lohoke. [Wadielo wa Bible wa lomingu la lomingu; enda lo Rbi8 lɛkɛ 1583.]
3. “Ului a wuki” wa wamato watɛkɛtama l’Osambu 68:11 aki wamato w’ase wedja wakatshungɔ lo lɔhɔmbɔ oma le apami w’ase Isariyɛlɛ lam’akawalɛndja wedja w’atunyi awɔ. [Wadielo wa Bible wa lomingu la lomingu; enda lo w86 15/10 lɛkɛ 30 od. 6.]
4. Naka wonya ndo woho wa nyɔi kahomba onto mvɔ ambotashilaki la kongɛma oma ko eotwelo kana la ntondo ka nde mbotɔ, lâsɔ kete ndoko ohomba w’onto mbewɔ wâle ndo kokɛ yonge yande ya demba, kana mbɔsa tɛdikɔ dia kokɛ nsɛnɔ y’anto. [rs lɛkɛ 99 od. 1]
5. Ɛtɛkɛta waki Paulo w’ɔnɛ “untu tonyolaki nshi yaye y’olongo a pami” mɛnyaka dia Timɔtɛ aki l’ɛnɔnyi dikumi l’ɛmɔtshi kana êke kodikotshaka ɛnɔnyi 20 la yema. (1 Tim. 4:12) [w99 15/9 lɛkɛ 29 od. 1-3; lɛkɛ 31 od. 2]
6. Yeso mbele “Khumemi” katɛkɛtama l’Osambu 110:1. [Wadielo wa Bible wa lomingu la lomingu; enda lo w94 1/6 lɛkɛ 28 od. 5.]
7. Lo dibuku di’Esambu, lokombo Jehowa tanemaka suke la mbala 700, ndo yoho ya lokanga “Yah” mbala 43, lâsɔ lokombo la Nzambi fundama lo yɛdikɔ ya l’atei atei oko mbala 5 l’oseka Osambo tshɛ. [si lɛkɛ 104 od. 23]
8. Kânga mbele Afundelo tɛkɛtaka dia Yeso oko ‘nzambi’ ndo kânga oko “[Nzambi k]a Wulu” ndoko dihole diatɛkɛta Afundelo dia Yeso oko kanga nkudu tshɛ. (Joa. 1:1; Is. 9:6; Etat. 17:1) [rs lɛkɛ 110 od. 7]
9. Mbeka dibuku dia Tukedi nembetshiyaka mbeka lomba laki Sɔlɔmɔna hita. [si lɛkɛ 106 od. 1]
10. Dako dia lo Bible diele lo Tukedi 21:17, diata dia mbewɔ “nanga ndjangenyangenya” mɛnyaka dia tɔkɛnyɔ ekɔ kɔlɔ nɛ dia tɔ mbɔsaka wenya wahombama dia sala akambo woleki ohomba. [Wadielo wa Bible wa lomingu la lomingu; enda lo w97 1/10 lɛkɛ 27 od. 7.]
Kadimola lo wembola wayela ɛnɛ:
11. Kakɔna kakɛnyaka engwelo kakasha Yeso Mata l’ɛtɛkɛta w’amɛna na? (Luka 10:40, 41) [w99 1/9 lɛkɛ 30 od. 7]
12. Lo “lutumbu” lakɔna lakakonya Jehowa omembi w’esambo? (Osam. 73:24) [Wadielo wa Bible wa lomingu la lomingu; enda lo w86 15/12 lɛkɛ 28 od. 3.]
13. Ngande wakɔsaka omembi w’esambo waɛsɛ ande w’olimu wendana l’ɔtɛmwɛlɔ, oko wɔtɛkɛtamidiɔ l’Osambu 84:1-3? [Wadielo wa Bible wa lomingu la lomingu; enda lo w97 15/3 lɛkɛ 8 od. 5-7.]
14. Ngande wɛnya Enyelo 22:17 la Romo 2:4, 5 dia Jehowa heye la ntondo kana kokongɛ la ntondo kɛnɛ tshɛ kasala anto na? [rs lɛkɛ 102 od. 1-2]
15. Lam’ele Akristo wa ntondo waketawɔka Lowandji l’Ɛnɔnyi Kinunu laki Yeso latɛkɛtama lo dibuku di’Enyelo, kakɔna kakayotshutshuya Akristo wakakome apɔsta dia vɔ tona wetshelo waki Nzambi ɔsɔ na? [w99 1/12 lɛkɛ 6 od. 3–lɛkɛ 7 od. 5]
16. Polo lo yɛdikɔ yakɔna yahomba Akristo menda “akambu w’antu akina”? (Fil. 2:4) [w99 1/12 lɛkɛ 29 od. 1]
17. Alanga mbuta ɛtɛkɛta watanema l’Osambu 128:3 w’ɔnɛ ana wayodinga mɛsa ayɛ ‘oko totambatamba t’osongo w’ɔlivɛ’? [Wadielo wa Bible wa lomingu la lomingu; enda lo w00 15/8 lɛkɛ 30 od. 4.]
18. Mbeya dia elimu waki Nzambi wekɔ diambo, ayonga la shɛngiya yakɔna le so? (Osam. 139:14) [Wadielo wa Bible wa lomingu la lomingu; enda lo w93 1/10 lɛkɛ 15 od. 18.]
19. Bonde katɛkɛta Tukedi 5:3, 4 ɔnɛ etombelo w’oma l’awui wa mindo wa dieyanelo wekɔ “ululu uku kundju” ndo “uku yombo ya pemo wedi ehendi”? [Wadielo wa Bible wa lomingu la lomingu; enda lo w00 7/15 lɛkɛ 29 od. 2.]
20. Lo ndjela Tukedi 14:29, ngande wakoka shɛnɔdi tokimanyiya dia mbewɔ etombelo wa kɔlɔ w’oma lo solo di’aha la lotutsha kana oma lo nkɛlɛ ka tshambandeko? [Wadielo wa Bible wa lomingu la lomingu; enda lo w97 3/15 lɛkɛ 13 od. 7-8.]
Kotsha ditelo diayela nɛ:
21. Amvutshi wa mɛtɛ wakatɛkɛta lo __________________________ ndo wakeyanya __________________________. (Euh. 18:18-20; 1 Joa. 4:1-3) [rs lɛkɛ 152 od. 1-3]
22. Eyango ehende wele la dibuku dia Tukedi ele mbisha __________________________ ndo __________________________. (Tuk. 1:1-4) [w99 9/15 lɛkɛ 13 od. 1]
23. “Ekumbelu ka Khum’Ulungu” ekɔ dihole dia __________________________ le wanɛ wambeta la Nzambi wedi oko wende __________________________ diɔ diekɔ “woshamu,” kana hadieyama le anto wele kema la __________________________. (Osam. 91:1) [Wadielo wa Bible wa lomingu la lomingu; enda lo w86 15/12 lɛkɛ 29 od. 6.]
24. ‘Aha mbohɛ elimu tshɛ wa Jehowa’ nembetshiyaka mɛtɛ __________________________ lo “etsha” ande ndo l’elimu ande wɛnya ngandji kande k’otamanya oko wɔkɔndwamiwɔ l’Osambu wa 103. (Osam. 103:2) [Wadielo wa Bible wa lomingu la lomingu; enda lo w99 15/5 lɛkɛ 21 od. 5-6.]
25. Yokedi ekɔ ɔtɛkɛta wa mondo watɛkɛtama dia __________________________ ndo yekɔ l’oyango wa tshutshuya __________________________. [si lɛkɛ 107 od. 6]
Ekɛ oshidi l’ekadimwelo wa mɛtɛ wa lo ditelo diayela nɛ:
26. Kânga mbakinde la shadiya ya momala efula lo menda woho wakɔhɛnyahɛnyaka Saulo, Davidi kombotshela kɔlɔ nɛ dia (nde akeyaka dia Saulo kema kokele ndo ɔnɛ ekambi waki Nzambi pombaka dimanyiyanaka; nde akohɔka dimɛna diɔtɔnganelo diasande la Jehowa; nde akeye dia bu dimɛna monga ɔmɔnyɔdi). (1 Sam. 24:6, 15) [w99 8/15 lɛkɛ 8 od. 7]
27. (Lomba; Ohokwelo; Losembwe) ekɔ ɔsɔhanyelo w’akambo efula oko, eokelo, shɛnɔdi, kɛsɔ, ndo dikoka dia kana yimba; (ɔlɔlɔ; eokelo; ekanelo k’ɔlɔlɔ) ekɔ dikoka dia menda dikambo dimɔtshi ndo sɛdingola akambo wendana ladiɔ lo shihodia diɔtɔnganelo diele lam’asa tenyi diadɔ la otondo adiɔ woho wa mpotɔ dikambo diakɔ dimɛna. (Tuk. 1:1-4) [w99 15/9 lɛkɛ 13 od. 2]
28. Wolo waki la Yɔsɛfu wa shika tanga lo tɔsɛngiya ta wadi aki Pɔtifara lakonaka dia mbeyana la nde wakaye oma lo (ewo kaki lande k’ɛlɛmbɛ waki Mɔsɛ wakasekɛka monanyi; dilɛmiyɛlɔ di’efula diaki lande otsha le omɛnde laki lo dihole dia lâdiko; nɛmɔ diakandɔsaka diɔtɔnganelo diasande la Jehowa). (Etat. 39:7-9) [w99 1/10 lɛkɛ 29 od. 3]
29. Ofundji w’Osambu 119 akangɛnangɛnaka efula (ɔtɛkɛta, kana ɛlɛmbɛ wa Nzambi; woshasha wa lɔsɛnɔ; elongamelo ka panda), wofundami lo suke l’avɛsa tshɛ wa l’osambo akɔ. [Wadielo wa Bible wa lomingu la lomingu; enda lo w99 1/11 lɛkɛ 9 od. 5; w87 3/15 lɛkɛ 24 od. 2.]
30. Lo totshapita tohende t’etatelo ta mukanda waki Paulo le ase (Rɔma; Ngalatiya; Hɛbɛru), sho tanaka oshilelo w’avɛsa w’oma l’Esambo wɛnya (dihole dia lâdiko; batismu; olimu wa la nkɛtɛ) dia Yeso Kristo. [si lɛkɛ 106 od. 28]
Ɔtɔnganyiya ditelo diayela nɛ l’avɛsa anɛ:
Tuk. 2:19; 14:15; 18:17; Romo 10:17; Heb. 13:18
31. Di’onto monga la mbetawɔ, pombaka ntondotondo nde mboka kɛnɛ kata Bible ndo kisɛdingola dimɛna. [rs lɛkɛ170 od. 2]
32. Akristo hawokoke sala okanda wa lokeso kana wahalɛnya wahɔ wahomba anto akina monga lawɔ. [w99 9/15 lɛkɛ 10 od. 2]
33. Wanɛ wayasha l’akambo wa mindo wa dieyanelo mbeyaka ndjokoma l’etena ka hawoyeya kalola, mbut’ate lo nyɔi la ntondo ka vɔ sala etshikitanu wahombama. [w99 15/11 lɛkɛ 27 od. 4-5]
34. Onto lele la lomba ndo la shɛnɔdi kanyiyaka etombelo wayonga l’akambo wasalande ndo nde hayele mboka kɛmɔtshi oko kanga tshungu paka l’ɔtɛ w’ɔnɛ anto efula wekɔ lo kiyela. [Wadielo wa Bible wa lomingu la lomingu; enda lo g94 8/12 lɛkɛ 16 od. 1.]
35. Kânga mbokoki ɛtɛkɛta w’onto ɔmɔtshi mbokɛma hwe ndo shikaa, ekɔ dikambo dia lomba dia tokolonga enyɔ akɔ ehende la ntondo ka sambola dikambo. [si lɛkɛ 111 od. 36]