Ekongelo Ka Losanganya L’olimu

Lomingu la Ngɔndɔ ka Dikumi l’Ahende 10

Osambo 205

Min. 13: Waewoyelo. Waewoyelo w’oma l’Olimu Aso wa Diolelo. Keketsha anto tshɛ dia vɔ menda bandɛ vidɛo Jusqu’aux extrémités de la terre woho wa vɔ ndjalɔngɔsɔla l’ɔkɛtshanyelo wa lo Losanganya l’Olimu la lomingu la Ngɔndɔ ka Dikumi l’Ahende 24, kana vɔ vusola awui wele lo dibuku Prédicateurs lɛkɛ 521-546. Lo kamba l’alako wa lo lɛkɛ 8, ɛnya woho wa mbisha anto (1) Tshoto y’Etangelo ya Ngɔndɔ ka Dikumi l’Ahende 15 ndo (2) Réveillez-vous ! wa Ngɔndɔ ka Dikumi l’Ahende 22.

Min. 12: Ehomba wa l’etshumanelo.

Min. 20: “Ɛtshɔkɔ Wakondjaso lo Mɛnya Lowando Laso lo Ngandji ka Jehowa​—⁠Etenyi 2.”a Lam’akɛtshanyanyu odingɔ wa 2-6, lɔmba apandjudi dia vɔ kɔndɔla awui wakahomana lawɔ lam’akawasambisha lo tshakitudi, lo mikanda, ndo lo telefɔnɛ. Lɔngɔsɔla la ntondo dia sala ɛnyɛlɔ ɔtɔi kana dihende diele oko kiɛnyɔ.

Osambo 222 ndo dɔmbɛlɔ dia ndjihelo.

Lomingu la Ngɔndɔ ka Dikumi l’Ahende 17

Osambo 211

Min. 10: Waewoyelo. Alapɔlɔ wa falanga. Ewoya yɛdikɔ ya lânde yambɔsama dikambo dia losanganya l’otsha l’esambishelo lo Ngɔndɔ ka Dikumi l’Ahende 25 ndo lo Ngɔndɔ ka Ntondo 1.

Min. 22: “Manyamanya Ɔtɛkɛta wa Nzambi Dimɛna.”b Ambokoma l’odingɔ wa nɛi, ko wɛ sala ɛnyɛlɔ kɛmɔtshi ka dimɛna. L’ɔkɔngɔ wa lâsɔ, ko wɛ nɔmba ampokami dia vɔ mbisha kɔmatɛrɛ yɛnya dia kamba la Bible l’esambishelo ayowakimanyiya dia kondja etombelo w’amɛna efula.

Min. 13: ‘Nyu Nyekɔ la Bible Kanyu Hita.’ Ɔkɛtshanyelo l’ampokami w’awui wele lo dibuku Comment raisonner, lɛkɛ 411. Naka anto hawolange tohokamɛ nɛ dia tekɔ lo kamba la Traduction du monde nouvau, akokaso mbuta na? Talɔngɔsɔdi la ntondo di’apandjudi mbisha ekadimwelo woshami l’ɛtɛkɛta awɔ hita.

Osambo 225 ndo dɔmbɛlɔ dia ndjihelo.

Lomingu la Ngɔndɔ ka Dikumi l’Ahende 24

Osambo 218

Min. 10: Waewoyelo. Ewoya ekanda wayotokahɛ anto lo Ngɔndɔ ka Ntondo ndo abuku wele lo eombelo k’etshumanelo. Lo kamba l’alako wele lo lɛkɛ 8, nyosale bɛnyɛlɔ dihende dia tomondo diɛnya woho wa mbisha anto periodikɛ, kɛmɔtshi l’ekimanyielo ka Tshoto y’Etangelo ya Ngɔndɔ ka Ntondo 1, ndo kekina l’ekimanyielo ka Réveillez-vous ! wa Ngɔndɔ ka Ntondo 8. Ɛnyɛlɔ kɛmɔtshi kasaleme oma le dikɛnda.

Min. 10: “Kalasa k’Olimu wa Teokrasi ka lo 2002.” Dako oma le omendji wa kalasa. Keketsha anto tshɛ dia vɔ kotshaka ɛkɛndɛ awɔ.

Min. 25: “Vɔ Sambishaka Polo lo Tokoma ta Nkɛtɛ.” Ɔkɛtshanyelo l’ampokami. Keketsha anto tshɛ dia vɔ kana yimba dimɛna woho wokokiwɔ nyomoleka sambisha anto akina lokumu l’ɔlɔlɔ oyadi lo ngelo kawɔ kana l’ahole wele ohomba wekɔ efula. Enda Olimu Aso wa Diolelo wa Ngɔndɔ k’Esambele 2001 lɛkɛ 4. Naka nyu bu la bandɛ vidɛo kɛnɛ, kete etshumanelo ayɔsɛdingola awui wele lo dibuku Prédicateurs, lɛkɛ 521-546, ndo wa lo Tshoto y’Etangelo ya Ngɔndɔ ka Ntondo 1, 1999 (OT) lɛkɛ 17. Lo Ngɔndɔ ka Hende, tayɔsɛdingola bandɛ vidɛo Noé : il marchait avec Dieu.

Osambo 24 ndo dɔmbɛlɔ dia ndjihelo.

Lomingu la Ngɔndɔ ka Dikumi l’Ahende 31

Diewoyelo: Tshumanelo hadiohombe sɛkɔla ekongelo ka Losanganya l’Olimu la lomingu la Ngɔndɔ ka Dikumi l’Ahende 31, mbut’ate mbolisala la ntondo ka lomingu lakɔ onyake naka omendji w’otshimbedi ayowaembola lomingu lakɔ. Dikatshi di’okotsha diendana la losanganya la distrikɛ diayɔsɛdingɔma l’etshumanelo lo Losanganya l’Olimu lo ndjela ekongelo kɛnɛ. Naka etshumanelo kekɔ la losanganya l’otshimbedi lomingu lakɔ, kete ɛnɔmbɔdi wa wekelo wa dibuku wa l’etshumanelo wewoya dihole ndo datɛ diayosalema losanganya la distrikɛ l’ahole wokowosalaka wekelo awɔ wa dibuku.

Osambo 140

Min. 10: Waewoyelo. Ohola apandjudi dia vɔ kimɔ alapɔlɔ w’olimu wa Ngɔndɔ ka Dikumi l’Ahende. Naka etshumanelo kanyu kayotshikitanya wenya wa nsanganya Ngɔndɔ ka Ntondo 1, kete nyokeketsha anto tshɛ la ngandji dia vɔ mbɔtɔka lo nsanganya mbala la mbala lo ndjela ekongelo k’oyoyo. Nyoyashikikɛ dia ambeki wa Bible ndo anto wahaleke ndja lo nsanganya mbeyaka etshikitanu ɛsɔ wambosalema.

Min. 15: Tosha Dikumanyi Dilɛmiɛlɔ Diasungana Lawɔ. Ekambi w’olimu ehende kana esato wakɛtshanya awui wele lo Tshoto y’Etangelo ya Ngɔndɔ ka Samalo 1, 1999, (OT) lɛkɛ 30-31. Vɔ wekɔ lo tɛkɛta di’efula k’ɛkɛndɛ wele la dikumanyi, elimu awɔ wa l’emunyi, ɛkɛndɛ wa lo nkumbo, ndo ɛkɛndɛ wa teokrasi. Nyɔsɛdingole toho takoka anto mbakeketsha, mbawâmuya wotsho, ndo ndjela ɛlɔmbwɛlɔ kawɔ. Ekambi w’olimu wasala sawo nɛ wambosuya dia dikumanyi diekɔ lo kamba olimu wa dimɛna efula ndo vɔ pombaka ‘nɛmiyama efula.’​—⁠1 Tes. 5:​12, 13.

Min. 20: “ ‘Apandjudi wa Diolelo Wele l’Ohetoheto’ Losanganya la Distrikɛ l’Ɛmɛnyi wa Jehowa 2002.”c Oma le sekeletɛlɛ. Ake epole ɔsɛkɛ l’awui wele l’odingɔ 4-11. Oko wokodiosalemaka, etshumanelo tshɛ ayɔtɔ lo losanganya la distrikɛ lo dihole dia lɛnɛ akatwatshu l’ɔnɔnyi wa 2001. Tayonyewoya awui akina ndo etshikitanu wakoka ndjosalema lo mikanda. Keketsha etshumanelo la wangasanu tshɛ, dia tɔ tatɛ ndjalɔngɔsɔla k’ɔlɔmɔ dia mbɔtɔ lo losanganya lɔsɔ.

Osambo 219 ndo dɔmbɛlɔ dia ndjihelo.

Lomingu la Ngɔndɔ ka Ntondo 7

Osambo 20

Min. 10: Waewoyelo.

Min. 20: Kamba la Lɔsɛnɔ Layɛ lo Yoho Yoleki Dimɛna. Ase nkumbo wekɔ lo kɛtshanya awui wele lo Tshoto y’Etangelo ya Ngɔndɔ k’Enanɛi 15, 1998, lɛkɛ 8-9. Ombutshi wa pami nangaka di’ase nkumbo ndjela yoho ya lɔsɛnɔ yayowaela ɔngɛnɔngɛnɔ koko aha pâ. Vɔ wekɔ lo vusola alako washa Afundelo wele lo sawo wɛnya woho wa monga l’ɔngɛnɔngɛnɔ, lo monga la shɛnɔdi, lo mbetsha akambo woleki ohomba la ntondo, ndo lo ndjaɛkɛ le Jehowa. Vɔ wekɔ lo tɛkɛta di’etshikitanu wakokawɔ sala lo nkumbo.

Min. 15: Todje Mbalasa Kaso ka Diolelo Yimba. Dako oma le ekumanyi kɛmɔtshi. Enda woho wele Mbalasa ka Diolelo. Tɛdikɔ takɔna tambɔsama dia mbetɛ Mbalasa pudipudi la ntondo ka Eohwelo? Diangɔ diakɔna diahomba nɔngɔswama la ntondo ka Eohwelo na? Lembetshiya woho wakoka etshumanelo mbisha lonya lo dikambo sɔ. Tɛtɛɛ dia sho pombaka ndjashikikɛ dia dihole diaso di’ɔtɛmwɛlɔ mɛnyaka dimɛna ndo lotombo lasungana la luudu laki Jehowa.​—⁠Osam. 84:⁠1.

Osambo 126 ndo dɔmbɛlɔ dia ndjihelo.

[Footnotes]