Mbɔtwɛlɔ yendana la tobukubuku—Etenyi 1
OMBA
Mbɔtwɛlɔ tshɛ ya lo dikatshi nɛ yekɔ la 1) dimbola diatshutshuya onto dia nde kana yimba dia nyu tatɛ sawola, 2) rɛferansɛ wa lɛnɛ atanema dikambo diatɛkɛtanyu lo biukubuku, ndo 3) divɛsa diakoka mbadiema etena kakɛtshanyanyu. Wɛ kokaka tetemala la sawo lo kamba la ɛtɛkɛta ayɛ hita lo ndjela okadimwelo waki onto.
Diulelu ne diayela Paradisu
“Anto efula kombolaka dia ekakatanu wahomana laso ɛlɔ kɛnɛ kandɔma. Onde wɛ fɔnyaka dia lowandji lɔmɔtshi lakoka kandola ekakatanu ɛsɔ lekɔ?”—lɛkɛ 3, od. 1; Mat. 6:9, 10.
Doit-on croire à la Trinité ?
“Anto wekɔ la tokanyi totshikitanyi tendana la lonto la mɛtɛ laki Nzambi. Onde wɛ fɔnyaka dia kɛnɛ ketawɔso kekɔ ohomba?”—lɛkɛ 3, od. 3, 7-8; Joa. 17:3.
Etena kavɔ onto ɔmɔtshi lalangayɛ
“Ɛlɔ kɛnɛ tekɔ lo ndɛkɛ anto biukubuku nyɛ yambosamba ndo yambosha miliyɔ y’anto yakashisha wakiwɔ wa ngandji lo nyɔi elongamelo. Onde wɛ atayambolaka dia mbeya elongamelo kakɔna kele la wanɛ wambovɔ?”—lɛkɛ 27, od. 3; Joa. 5:28, 29.
“Onde wɛ atayambolaka dia mbeya woho akɔna wakokayɛ samba onto ɔmɔtshi lakashisha lakinde la ngandji lo nyɔi?”—lɛkɛ 20, od. 1; Tuk. 17:17.
Le nom divin qui demeure à jamais
“Anto efula l’atei aso mbeyaka dɔmbɛlɔ diatatɛ ɔnɛ: ‘Shɛso le l’olongo, lokombo layɛ lakidiame.’ (Mat. 6:9) Ko onde wɛ mbeyaka dia panda kaso nemanɛka la woho weyaso lokombo lɔsɔ?”—lɛkɛ 28, od. 1; Romo 10:13.
Ngande wayalaso lam’avɔso?
“Etena kavɔ anto walangaso, kema kɔlɔ ndjakiyanya dia mbeya lɛnɛ ewɔ ndo kana tayowaɛna nto. Onde wɛ amboyaokaka ambola wele oko wanɛ?”—Ambola wa lo lɛkɛ la komelo; Jobo 14:14, 15.
Nyudjase pundju l’ongenongeno la kete!
“Anto efula fɔnyaka ɔnɛ vɔ wayotshɔ l’olongo dia toyala la lɔsɛnɔ la pondjo, ko ayoyota lo dikambo dia sɛna pondjo la nkɛtɛ na?”—Asango wele lo lohoso; Eny. 21:4.
Une vie pleinement satisfaisante : Comment ?
“L’andja w’otondo, anto wekɔ lo nyanga dia monga la lɔsɛnɔ la dimɛna efula. Onde wɛ fɔnyaka dia sho kokaka monga mɛtɛ la lɔsɛnɔ l’ɔngɛnɔngɛnɔ?”—lɛkɛ 29, od. 6; 2 Pet. 3:13.
Un livre pour tous
“Onde wɛ fɔnyaka dia Bible ekɔ la alako wele ohomba efula lo nshi yaso nyɛ?”—lɛkɛ 22, awui walembetshiya osato; lɛkɛ 23, od. 3 wa lo kiombo; Tuk. 25:11.
[Caption on page 3]
Mbɔtwɛlɔ efula mbishamaka lo dikatshi di’okotsha dia nyokimanyiya dia nɔngɔsɔla mbɔtwɛlɔ yendana la woshelo wa tobukubuku. Nyu mbeyaka tshikitanya mbɔtwɛlɔ shɔ lo ndjela awui wele lo ɛtshi kanyu ka nkɛtɛ. Kokaka kamba la mbɔtwɛlɔ nkina. Nyu kokaka kamba nto la mbɔtwɛlɔ yendana la tobukubuku yahashami lo dikatshi nɛ di’okotsha lo kamba la mbɔtwɛlɔ yayela yele lo dikatshi nɛ oko ɛnyɛlɔ.—Enda Olimu aso wa Diolelo wa Ngɔndɔ ka ntondo 2005, lɛkɛ 8.