Ekongelo ka losanganya l’olimu
Diewoyelo: Olimu aso wa Diolelo wayonga la ekongelo ka Losanganya lɔmɔtshi l’olimu lomingu tshɛ lo Ngɔndɔ k’esambele, k’enanɛi ndo ka divwa. Tshumanelo kokaka sala etshikitanu wahombama dia mbɔtɔ lo losanganya la distrikɛ lele la ɔtɛ a dui ɔnɛ: “Etshungwelo kaya suke!” Naka kokaka, kete nyokambe la minitɛ 15 ya lo Losanganya l’olimu la komelo layosalema ntondo ka nyu mbɔtɔ lo losanganya la woke dia vusola alako ndo waohwelo wele lo dikatshi dia okotsha dia Olimu aso wa Diolelo wa ngɔndɔ kɛnɛ wele ohomba lo etshumanelo kanyu. Ngɔndɔ ɔtɔi kana hiende l’ɔkɔngɔ wa losanganya lanyu la woke, nyɔsɛ minitɛ 15 polo 20 lo Losanganya lɔmɔtshi l’olimu (ondo lo kamba la etenyi kendana la ehomba wa l’etshumanelo) dia vusola awui w’ohomba wa lo losanganya la woke. Ɔsɔ hatonga ovuswelo wa losanganya l’otondo. Koko, nyovusole paka asawo waleka mendana l’olimu w’esambishelo. Lɔmba ampokami dia vɔ mbuta woho wewɔ lo kamba l’awui akɔ l’olimu awɔ w’esambishelo.
Lomingu la Ngɔndɔ ka nɛi 10
Min.10: Waewoyelo. Waewoyelo w’oma l’Olimu aso wa Diolelo. Kamba la alako wele lo lɛkɛ 8 kana la mbɔtwɛlɔ nkina yɔtɔnɛ la ɛtshi kanyu ka nkɛtɛ dia mɛnya woho wa mbisha anto Tshoto y’Etangelo ya Ngɔndɔ ka nɛi 15 ndo Réveillez-vous! wa Ngɔndɔ ka nɛi. Lo wɛnyɛlɔ ɔmɔtshi, ɛnya opandjudi alɛkɛ ompokami dibuku Bible etshatɔ, ndo ompokami akɔ mɛnyaka nsaki k’efula lo losango lele lo Bible.
Min. 15: “Woho wa tetemala monga la ohetoheto.”a Dja ndo kɔmatɛrɛ y’oma lo Tshoto y’Etangelo ya Ngɔndɔ k’esambele 1, 2002, lɛkɛ 10, odingɔ 13.
Min. 20: “Onde wɛ kokaka tshikitanya ekongelo kayɛ?”b Ɛnya woho wakokanyu kamba l’akambo akɔ l’etshumanelo kanyu. Ewoya tɛdikɔ tshɛ tambɔsa etshumanelo lo dikambo dia esambishelo ka la dikɔlɔ.
Osambo 13 ndo dɔmbɛlɔ dia ndjihelo.
Lomingu la Ngɔndɔ ka nɛi 17
Min. 15: Waewoyelo. Ka epole ɔsɛkɛ lo ɛlɔngɔswɛlɔ wakasale etshumanelo dikambo dia sawo dia lo sɛkɛ dia lânde. Keketsha anto tshɛ dia tetemala kamba la lɛkɛ l’ekomelo la Tshoto y’Etangelo ya Ngɔndɔ ka nɛi 1 dia mbelɛ anto wakɔtɔ lo Eohwelo, ambeki wa Bible, ndo anto akina wɛnya nsaki dia vɔ ndjoyela sawo dia lo sɛkɛ dia lânde. Kɔndɔla lo tshena pe awui ahende kana asato wakanyɛnyi lo kamba la numɛlɔ ka Tshoto y’Etangelo yakɔ dia mbelɛ anto lo sawo dia lo sɛkɛ dia lânde.
Min. 12: Ehomba wa l’Etshumanelo.
Min. 18: “Tɔlɔmbɔlɛ wekelo wa Bible watahame wa lo tshena pe ndo wa lo telefɔnɛ.”c Sala wɛnyɛlɔ wa mondo wɛnya kɛnɛ kakoka opandjudi mbuta dia mbeta oma lo wekelo wa Bible wa lo tshena pe otsha lo wɔnɛ wa yema otale.
Osambo 162 ndo dɔmbɛlɔ dia ndjihelo.
Lomingu la Ngɔndɔ ka nɛi 24
Min.15: Waewoyelo. Adia alapɔlɔ wa falanga ndo sha ampokami losaka latome biro ka filialɛ. Lo Ngɔndɔ ka tanu, tayotetemala mbisha anto Tshoto y’Etangelo la Réveillez-vous! Kamba la alako wele lo lɛkɛ 8 kana mbɔtwɛlɔ nkina yɔtɔnɛ la ɛtshi kanyu ka nkɛtɛ dia mɛnya woho wa mbisha anto Tshoto y’Etangelo ya Ngɔndɔ ka tanu 1 ndo Réveillez-vous! wa Ngɔndɔ ka tanu. L’ɔkɔngɔ wa wɛnyɛlɔ, kotola yambalo y’anto lo asawo akina wele lo periodikɛ yakɔ wakoka ngɛnyangɛnya anto wa lo ɛtshi kanyu ka nkɛtɛ.
Min. 30: “Tolongamɛke le Jehowa.”d Sawo diayoshama oma le sekeletɛlɛ ka lo etshumanelo. Ewoya losanganya lɔnɛ layɔtɔ etshumanelo kanyu. Lɔmba ampokami dia vɔ mbuta woho wele ndɔtaka tshapa yaso ya lo losanganya wonya tshɛ etena keso l’osomba wasalema losanganya koka tosha diaaso dia sambisha.
Osambo 191 ndo dɔmbɛlɔ dia ndjihelo.
Lomingu la Ngɔndɔ ka tanu 1
Osambo 211
Min. 5: Waewoyelo. Ohola apandjudi dia vɔ kimɔ alapɔlɔ awɔ w’olimu wa Ngɔndɔ ka nɛi. Nyɔkɛtshanya kiombo yele lo lɛkɛ 6, yata ɔnɛ: “Onde wɛ nɔmbaka ombeki ayɛ dia wɛ sawola l’angɛnyi ndo l’ewɔtɔ ande?”
Min. 10: “Toyasha le anto akina—Lo mendaka ampokami aso dimɛna.”e Dja ndo wɛnyɛlɔ wa lo tshena pe wɛnya opandjudi ɔmɔtshi enda onto ɔmɔtshi lo dihole diatanema anto efula, ambotatshiya sawo ndo oma lâsɔ ambosambisha.
Min.15: Tokane yimba lo elimu wa Jehowa. (Osam. 77:12) Sawo ndo ɔkɛtshanyelo l’ampokami diɔsami oma lo Annuaire 2006. Ohola akambo w’ohomba wele lo mukanda w’oma le Olui-walɔmbɔla. (lɛkɛ 3-5; enda nto km 3/06) Tɛkɛta akambo wele l’ɛse ka ɔtɛ a dui wahɔnyi wata ate: “Okadimwelo wa Bible.” (lɛkɛ 10-11) Kɔndɔla awui ndo bɛnyɛlɔ dimɔtshi diakeketsha diakete l’ɔnɔnyi wetshi. (lɛkɛ 6-64) Lɔmba ampokami dia vɔ mbisha kɔmatɛrɛ lo akambo amɔtshi wakawangɛnangɛna lam’akawadia Annuaire 2005, naka Annuaire 2006 watakome. Keketsha anto tshɛ dia vɔ kamba la awui akɔ dia kimanyiya ambeki wa Bible dia vɔ monga la lowando le okongamelo waki Jehowa.
Min.15: “Esambishelo ka l’andja w’otondo dia mbelɛ anto lo losanganya la distrikɛ lele l’ɔtɛ a dui ɔnɛ: ‘Etshungwelo kaya suke!’ ”f Yashikikɛ dia mbadia edingɔ tshɛ.
Osambo 82 ndo dɔmbɛlɔ dia ndjihelo.
[Nɔte ka l’ɛse ka dikatshi]
a Sala mbɔtwɛlɔ kahakoke kânga minitɛ ɔtɔi ko wɛ ndjeta lo ambola la ekadimwelo.
b Sala mbɔtwɛlɔ kahakoke kânga minitɛ ɔtɔi ko wɛ ndjeta lo ambola la ekadimwelo.
c Sala mbɔtwɛlɔ kahakoke kânga minitɛ ɔtɔi ko wɛ ndjeta lo ambola la ekadimwelo.
d Sala mbɔtwɛlɔ kahakoke kânga minitɛ ɔtɔi ko wɛ ndjeta lo ambola la ekadimwelo.
e Sala mbɔtwɛlɔ kahakoke kânga minitɛ ɔtɔi ko wɛ ndjeta lo ambola la ekadimwelo.
f Sala mbɔtwɛlɔ kahakoke kânga minitɛ ɔtɔi ko wɛ ndjeta lo ambola la ekadimwelo.