Ekongelo ka losanganya l’olimu

Lomingu la Ngɔndɔ k’enanɛi 14

Osambo 163

Min. 15: Waewoyelo. Nyɔkɛtshanya sawo diele l’ɔtɛ a dui ɔnɛ: “Ekongelo ka losanganya la lânde layaye la lushi ɔtɔi.” Ewoya datɛ dia losanganya la lânde la lushi ɔtɔi layaye, naka wɛ dieyaka. Kamba la alako wele lo lɛkɛ 4 kana la mbɔtwɛlɔ nkina yɔtɔnɛ la ɛtshi kanyu ka nkɛtɛ dia mɛnya woho wa mbisha anto Tshoto y’Etangelo ya Ngɔndɔ k’enanɛi 15 ndo Réveillez-vous! wa Ngɔndɔ k’enanɛi. Lo wɛnyɛlɔ ɔmɔtshi, ɛnya woho wa mbekola wekamu naka onto ambota ate: “Hangɛnangɛna Ɛmɛnyi wa Jehowa.”​—⁠Enda lo biukubuku Woho wa tatɛ ndo tetemala, lɛkɛ 9-10.

Min. 15: “Numɛlɔ ka lânde ka Réveillez-vous! kayokahanyema lo Ngɔndɔ ka divwa.”a Etena kasɛdingolanyu odingɔ 4, nyosale wɛnyɛlɔ ɔmɔtshi wa lo tshena pe wɛnya opandjudi ɔmɔtshi w’ɛnɔnyi dikumi l’ɛmɔtshi alɛkɛ ombetsha ande Réveillez-vous! wa Ngɔndɔ ka divwa.

Min. 15: Lɔngɛnyi la ngande lahombayɛ mbɔtɔ l’asekayɛ wa la kalasa? Sawo ndo ɔkɛtshanyelo la ampokami diɔsami oma lo Réveillez-vous! wa Ngɔndɔ ka nɛi 2006, lɛkɛ 17-19, lo Falase. L’atei w’ampokami, lɔmba anto wakodiama oma le ambutshi w’Akristo dia vɔ mbuta woho wakâkimanyiya ambutshi awɔ dia vɔ shika tanga la ntondo k’ehemba ndo dia kamba la atɔndɔ wa lo Bible la kalasa. Koka talɔngɔsɔdi ekadimwelo w’onto ɔtɔi kana ahende la ntondo.

Osambo 164 ndo dɔmbɛlɔ dia ndjihelo.

Lomingu la Ngɔndɔ k’enanɛi 21

Osambo 62

Min. 10: Waewoyelo. Waewoyelo w’oma lo Olimu aso wa Diolelo. Nyɔkɛtshanya sawo diele l’ɔtɛ a dui ɔnɛ: “Ekongelo ka losanganya l’otshimbedi layaye” ndo ewoya datɛ dia losanganya lakɔ naka wɛ dieyaka.

Min. 15: Tokondjake wahɔ oma lo Wekelo wa Tshoto y’Etangelo ndo Sawo dia lo sɛkɛ. Sawo ndo ɔkɛtshanyelo la ampokami diɔsami oma lo dibuku Tamboyakongɛ dia sala lolango la Jehowa, lɛkɛ 59 polo 64.

Min. 20: Toyalɔngɔsɔlɛ oma ko kakianɛ dia kamba oko ambatshi mboka wa tshanda! Sawo ndo ɔkɛtshanyelo la ampokami. Keketsha anto tshɛ dia vɔ ndjadjɛ oyango wa kamba olimu w’ombatshi mboka wa tshanda kânga mbala ɔtɔi l’ɔnɔnyi w’olimu wayaye. (1 Kor. 9:26) Amɔtshi mbeyaka sɔna ngɔndɔ kele la dui dimɔtshi dia lânde, kele la nshi y’afɛstɔ kana kele la wikɛndɛ efula. Mbola ampokami ɔnɛ: “Lo nshi yakete, ngande wakanyatondoya wekamu, woho wa kamba oko ambatshi mboka wa tshanda? Ɛtshɔkɔ akɔna wakanyakondja lo kamba olimu w’ombatshi mboka wa tshanda? Naka onto ekɔ la nsaki kɛsɔ koko nde mengengaka, lande na kahombande mbidja dikambo sɔ lo dɔmbɛlɔ? (Etsha 4:29; 2 Kor. 4:7; Jak. 1:⁠5) Lande na kele ekɔ dimɛna sawola dikambo sɔ l’ase nkumbo kana l’anto akina wa lo etshumanelo, djekoleko wanɛ wele la weho w’akambo wele layɛ? (Tuk. 15:22) Etena kakɔna kamboyokongɛ dia kamba oko ombatshi mboka wa tshanda?”

Osambo 216 ndo dɔmbɛlɔ dia ndjihelo.

Lomingu la Ngɔndɔ k’enanɛi 28

Osambo 17

Min. 10: Waewoyelo. Adia alapɔlɔ wa falanga ndo sha anto losaka latome biro. Ohola apandjudi dia vɔ kimɔ alapɔlɔ awɔ w’olimu wa Ngɔndɔ k’enanɛi. Kamba la alako wele lo lɛkɛ 4 kana la mbɔtwɛlɔ nkina yɔtɔnɛ la ɛtshi kanyu ka nkɛtɛ dia mɛnya woho wa mbisha anto Tshoto y’Etangelo ya Ngɔndɔ ka divwa 1 kana Réveillez-vous! wa Ngɔndɔ ka divwa etena katshɔso tembola wanɛ washaso periodikɛ mbala la mbala.

Min. 15: Sho kokaka monga kiɔkɔ y’ekeketshelo. (Romo 1:​11, 12) Sawo ndo ɔkɛtshanyelo la ampokami. Ta lofulo la ambatshi mboka wa pondjo wa lo etshumanelo kanyu. Ɛnya toho takokaso mbâkeketsha, ɛnyɛlɔ oko lo mbâwandolaka, lo tɛkɛtaka dia ɛlɔlɔ waya lo kamba olimu w’ombatshi mboka, lo sambishaka kâmɛ la wɔ, lo mbaelɛka dia vɔ ndjɔlɛ kâmɛ la so, ndo lo mbakimanyiyaka la dikuta dikambo dia tohombahomba tawɔ. Lɔmba ambatshi mboka wa pondjo dia vɔ mbuta woho wakawakeketshama oma le anto akina. Naka etshumanelo kanyu kema la ambatshi mboka wa pondjo, kete ɛnya woho wakokaso keketsha ambatshi mboka wa tshanda.

Min. 20: Toyadje oyango wa tatɛ mbeka l’anto Bible lo Ngɔndɔ ka divwa. Sawo ndo wɛnyɛlɔ. Lo Ngɔndɔ ka divwa tayodja welo wa lânde dia tatɛ mbeka l’anto Bible mbala ka ntondo kasawolaso la wɔ lo kamba la dibuku Bible etshatɔ. Dui sɔ nembetshiyaka dia etena kashaso onto dibuku, tayoyanga dia kɛtshanya la nde kânga edingɔ engana eto. Sala wɛnyɛlɔ ehende, lo kamba la awui wɔtɔnɛ la ɛtshi kanyu ka nkɛtɛ. Lo wɛnyɛlɔ tshɛ, ɛnya woho wakokaso mbokana l’onto lushi la wonya shikaa wa sho ndjotetemala la sawo.

Osambo 37 ndo dɔmbɛlɔ dia ndjihelo.

Lomingu la Ngɔndɔ ka divwa 4

Osambo 90

Min. 10: Waewoyelo.

Min. 15: Ehomba wa l’etshumanelo.

Min. 20: “Toyasha le anto akina​—⁠Lo sambishaka aha la shɔnɔdi.”b Etena kasɛdingolanyu divɛsa dia Romo 1:14 diele l’ekomelo k’odingɔ 2, dja ndo kɔmatɛrɛ ya lo tshena pe y’oma lo Étude perspicace, vɔlimɛ 1, lɛkɛ 270, lo Falase, odingɔ wa ntondo wa l’ɛse k’ɔtɛ a dui wata ɔnɛ: “Barbare.” L’ɔkɔngɔ wa nyu sɛdingola odingɔ 3, vusola wanya asato wɛnyishawɔ lo lɛkɛ 2 la biukubuku Une bonne nouvelle pour des gens de toutes nations ndo ɛnya woho wakokanyu kamba la biukubuku yakɔ le anto wa l’ɛtshi kanyu ka nkɛtɛ watɛkɛta ɔtɛkɛta okina. Ɔtɔnganyiya awui asɔ la ehomba wa lo etshumanelo kanyu. Etshumanelo pombaka nɔmbɛ apandjudi ekanda wa lo ɛtɛkɛta wa lôtɔ watɛkɛtama lo ɛtshi kawɔ ka nkɛtɛ.

Osambo 225 ndo dɔmbɛlɔ dia ndjihelo.

[Nɔte ka l’ɛse ka dikatshi]