Ekongelo ka losanganya l’olimu

Lomingu la Ngɔndɔ k’esambele 14

Osambo 126

Min. 10: Waewoyelo. Kamba la alako wele lo lɛkɛ 4 kana la mbɔtwɛlɔ nkina yɔtɔnɛ la ɛtshi kanyu ka nkɛtɛ dia mɛnya woho wa mbisha anto Tshoto y’Etangelo ya Ngɔndɔ k’esambele 1 ndo Réveillez-vous ! wa Ngɔndɔ k’esambele kana numɛlɔ kekina tshɛ kele lanyu.

Min. 15: Onde wɛ ‘mbutaka awui hwe hwe’? Sawo diɔsami oma lo Tshoto y’Etangelo ya Ngɔndɔ ka tanu 15, 2006, lɛkɛ 13-16, lo Falase. Tɔtɔmiya ohomba wa sambishaka la dihonga.

Min. 20: “Wekelo wa dibuku Bible etshatɔ mɛtɛ?”a Ta awui wa lânde wa lo dibuku diakɔ. Vusola ekongelo ka wekelo wa dibuku ndo alako wele lo lɛkɛ 3 la Olimu aso wa Diolelo ɔnɛ. Keketsha anto tshɛ dia vɔ mbɔtɔka mbala la mbala ndo mbishaka kɔmatɛrɛ. Kɔnya lo tshena pe opandjudi ɔtɔi kana ahende weyama lo woho watowɔlɔngɔsɔlaka nsanganya dimɛna ndo mbolawɔ kɛnɛ kawatshutshuya dia sala dikambo sɔ.

Osambo 147

Lomingu la Ngɔndɔ k’esambele 21

Osambo 95

Min. 10: Waewoyelo. Waewoyelo w’oma lo Olimu aso wa Diolelo. Ohola ampokami dia vɔ ndja la Tshoto y’Etangelo ya Ngɔndɔ k’esambele 1 kana k’enanɛi 1 ndo Réveillez-vous ! wa Ngɔndɔ k’esambele kana k’enanɛi lo Losanganya l’olimu la lomingu layaye ndo ndjalɔngɔsɔla dia ndjɔkɛtshanya mbɔtwɛlɔ yɔtɔnɛ la ɛtshi kanyu ka nkɛtɛ.

Min. 15: “Ɔsɛdingwelo wa mukanda wendana la kalasa ka mbeya mbadia ndo funda.” (Enda mukanda wa Ngɔndɔ ka nɛi 20, 2008)

Min. 20: “Ndjalɔngɔsɔla ekɔ sheke ya sala waendelo w’eyoyo w’amɛna.”b Dja ndo kɛnyɔ yele onto ekɔ lo ndjatɛkɛtɛ ndamɛ l’edja ka minitɛ nyɛi yele opandjudi ɔmɔtshi ekɔ lo ndjalɔngɔsɔla dia tosala waendelo w’eyoyo. Nde ekɔ lo mvusola awui wakandafunde lo nɔtɛ yande ndo ambɔsa yɛdikɔ y’ɔnɛ nde pombaka ntshɔ tenda anto ahende l’ekomelo ka lomingu lɔnɛ. Oma lâsɔ, nde ambenda kɛnɛ kakandasawola la ɔmɔmɔ wa lo anto ahende asɔ, amboyadjɛ oyango ndo amboyalɔngɔsɔla dia mbokotsha. Nde amboyalɔngɔsɔla dia tɔlɔmba ɔmɔtshi l’atei awɔ dia vɔ tatɛ mbeka Bible. Nde amboyalɔngɔsɔla dia tolomialomia nsaki kakɛnya onto okina lo kamba la alako wele lo odingɔ 5.

Osambo 189

Lomingu la Ngɔndɔ k’esambele 28

Osambo 6

Min. 10: Waewoyelo. Ohola apandjudi dia vɔ kimɔ alapɔlɔ awɔ w’olimu wa Ngɔndɔ k’esambele. Adia alapɔlɔ wa kɔntɛ ndo mikanda wa eokelo ka losaka. Ewoya ekanda wayotosha anto lo Ngɔndɔ k’enanɛi ndo sala wɛnyɛlɔ ɔtɔi.

Min. 15: Totetemale sala akambo la shamanya. Sawo diayoshama la wangasanu tshɛ diɔsami oma lo Tshoto y’Etangelo ya Ngɔndɔ ka ntondo 1, 2007, lɛkɛ 11-12, odingɔ 17-21.

Min. 20: Toyalɔngɔsɔlɛ dia mbisha anto periodikɛ yeke ka tomba. Ɔkɛtshanyelo la ampokami. L’ɔkɔngɔ wa wɛ mbisha kanyi ya lo tshena pe y’awui wele lo Réveillez-vous ! wa Ngɔndɔ k’esambele kana k’enanɛi ndo Tshoto y’Etangelo ya Ngɔndɔ k’esambele 1 kana k’enanɛi 1, lɔmba ampokami dia vɔ mbuta asawo akɔna wakoka ngɛnyangɛnya anto wa l’ɛtshi kanyu ka nkɛtɛ ndo lande na. Lɔmbawɔ dia vɔ mbisha tokanyi lo woho wa kamba la asawo amɔtshi wambowokongɛ dia tosha anto. Dimbola diakɔna diakoka onto kamba la diɔ dia tatɛ sawo l’onto? Oma lâsɔ, divɛsa diakɔna diele l’etei ka sawo diakoka mbadiema? Lo kamba la mbɔtwɛlɔ kɛmɔtshi k’oma lo Olimu aso wa Diolelo kana kakatshi ampokami, ɛnya woho wakokaso mbisha anto periodikɛ yakɔ.

Osambo 106

Lomingu la Ngɔndɔ k’enanɛi 4

Osambo 222

Min. 10: Waewoyelo.

Min. 15: Onde anayɛ wamboyalɔngɔsɔla dia tondoya ekakatanu wahomana lawɔ la kalasa? Sawo ndo ɔkɛtshanyelo la ampokami. Ta lo tshena pe ekakatanu ɛmɔtshi wahomana la ɛlɔngɔlɔngɔ l’esekaseka w’Akristo la kalasa. Lembetshiya woho wakoka ambutshi ndo anawɔ kamba la Index des publications Watch Tower dia mbeya lɛnɛ akokawɔ tana awui w’ohomba. Sha bɛnyɛlɔ dimɔtshi. (Enda ɔtɛ a dui wata ɔnɛ: “Écoles” l’ɔtɛ a dui wahɔnyi wata ɔnɛ “rapports.”) Lɔmba ampokami wakole lo nkumbo y’Akristo dia vɔ mbuta woho wakâlɔngɔsɔla ambutshi awɔ dia tondoya ekakatanu ndo kamba la atɔndɔ wa lo Bible la kalasa. Vɔ mbeyaka nto mbuta awui amɔtshi wakasalema la kalasa wakawalɔngɔsɔla wele lo Réveillez-vous ! Lɔmbawɔ dia vɔ mbuta woho ɔnɛ wele woho wakawasambisha wanyawɔ wa la kalasa akawakokɛ.

Min. 20: “Tekɔ lo mbitola diangɔ diakonɛma wolo.”c Lɔmba ampokami dia vɔ mbuta woho wakâkimanyiya anto wakeke lawɔ Bible la lotutsha tshɛ dia vɔ tshika wetshelo wa kashi wa l’ɛtɛmwɛlɔ wakawakukutɛka.

Osambo 83

[Nɔte ka l’ɛse ka dikatshi]