Woho wa mbisha anto periodikɛ (Numɛlɔ kele bu l’Ɔtɛtɛla ko nyu menda lo Falase)

Tshoto y’Etangelo Ngɔndɔ ka samalo 1

“Anto efula sɛdingolaka tɔɔtɔ la ntondo ka vɔ mbɔsa tɛdikɔ tɔmɔtshi. Onde wɛ fɔnyaka mɛtɛ dia tɔɔtɔ tekɔ la shɛngiya lo lɔsɛnɔ laso? [Tshikande akadimole.] Dikambo dia diambo ko, Bible tɛkɛtaka dikambo dia olui wa tɔɔtɔ ta zodiakɛ. [Adia 2 Khumi ya Dikanga 23:5.] Sawo nɛ mɛnyaka kɛnɛ kata Bible lo kɛnɛ kendana la dikambo sɔ.” Tɛkɛta dikambo dia sawo diotate lo lɛkɛ 18.

Réveillez-vous! Ngɔndɔ ka samalo

“Tena efula, ewandji w’ɛtɛmwɛlɔ futshaka anto falanga dia vɔ batizama, dia mbatshɔkɔlɛ awala ndo mbafukɛ misa k’okundelo. Onde wɛ fɔnyaka mɛtɛ dia nsala akambo lo yoho shɔ ekɔ dimɛna? [Tshikande akadimole.] Tende kɛnɛ kakatɛ Yeso ambeki ande. [Adia Mateu 10:7, 8b.] Sawo nɛ mɛnyaka kɛnɛ kata Bible lo kɛnɛ kendana la dikambo sɔ.” Tɛkɛta dikambo dia sawo diotate lo lɛkɛ 22

Tshoto y’Etangelo Ngɔndɔ k’esambele 1

“Anto efula mbutaka dia Kanga-Wolo-Tshɛ lokombo lande Nzambi. Ko onde wɛ mbeyaka dia Bible mbutaka dia Nzambi ekɔ la lokombo? [Tshikande akadimole. Oma lâsɔ, adia Isaya 42:8a.] Periodikɛ kɛnɛ nembetshiyaka lande na kakanyɛma lokombo la Nzambi lo dikadimwelo dimɔtshi dia Bible ndo kɛnɛ kalembetshiya mbeya lokombo laki Nzambi.”

Réveillez-vous! Ngɔndɔ k’esambele

“Awui wendana l’ekondjelo wekɔ lo kiyanya anto efula ɛlɔ kɛnɛ. Wanɛ wele kema l’elimu wekɔ lo ndjakiyanya efula dia nkondja elimu ndo wanɛ wakamba elimu mbokaka wɔma wa nshisha elimu awɔ. Onde wɛ fɔnyaka dia ɔnɛ ekɔ dako dia dimɛna diakoka tokimanyiya? [Adia Mateu 6:34. Oma lâsɔ, tshikande akadimole.] Periodikɛ kɛnɛ toshaka alako w’eshika lo woho wakokaso nkamba la falanga yaso dimɛna ndo woho wakokaso mbahemɛ tokanyi taso.”