Woho wa mbisha anto periodikɛ (Numɛlɔ kele bu l’Ɔtɛtɛla ko nyu menda lo Falase)

Tshoto y’Etangelo Ngɔndɔ k’esambele 1

“Anto efula haweye kɛnɛ kakokawɔ mbutɛ ɔngɛnyi awɔ wele baka la hemɔ kana ɔngɛnyi awɔ wasunasuna l’asa eko la nyɔi. Kanyi yakɔna yele la yɛ lo kɛnɛ kendana la dako diayela nɛ? [Adia Jakoba 1:19. Oma lâsɔ, tshikande akadimole.] Sawo nɛ diekɔ l’alako w’amɛna efula wɔsami oma lo atɔndɔ wa lo Bible.” Tɛkɛta dia sawo diotate lo lɛkɛ 10.

Réveillez-vous! Ngɔndɔ k’esambele

“Onde wamato kokaka ndowɔma oko ekambi? [Tshikande akadimole.] Tende kɛnɛ kata Bible lo dikambo dia womoto ɔmɔtshi. [Adia Romo 16:1.] Koko, divɛsa dikina mbidjangɛka wamato dia vɔ mbɔlama etena kewɔ l’etshumanelo. Lâsɔ, kanyi yakɔna yele la Bible lo dikambo sɔ? Sawo nɛ kadimolaka dimbola sɔ.” Tɛkɛta dia sawo diotate lo lɛkɛ 28.

Tshoto y’Etangelo Ngɔndɔ k’enanɛi 1

“Anto efula mbokaka wɔma ɔnɛ ta dia la bɔmbɛ atɔmikɛ ndo wodelo kana oholwelo wa djungudungu kokaka ndanya okama wa nkɛtɛ. Onde ndo wɛ mbafɔnya dia dui sɔ diayosalema lushi lɔmɔtshi? [Tshikande akadimole.] Tende kɛnɛ kata Bible lo dikambo sɔ. [Adia Enyelo 11:18.] Sawo nɛ kadimolaka ambola anɛi wayaoka anto lo dikambo dia ekomelo k’andja.”

Réveillez-vous! Ngɔndɔ k’enanɛi

“Ondo Ɛmɛnyi wa Jehowa wambosawolaka la yɛ mbala kɛmɔtshi. Onde wɛ atayambolaka bonde kasambishaso lo luudu la luudu kânga mbahɛnya anto efula nsaki? [Tshikande akadimole. Oma lâsɔ, adia Mateu 24:14.] Tambɛna dia wakatɛ anto efula awui wa kashi lo lokombo laso. Periodikɛ kɛnɛ nembetshiyaka waa na wele Ɛmɛnyi wa Jehowa.”