Woho wa mbisha anto periodikɛ (Numɛlɔ kele bu l’Ɔtɛtɛla ko nyu menda lo Falase)

Tshoto y’Etangelo Ngɔndɔ ka dikumi l’ɔtɔi 1

“Onde wɛ fɔnyaka dia andjelo ndjashaka l’awui wasalaso? [Tshikande akadimole.] Bible mbutaka dui nɛ di’ohomba. [Adia Luka 15:10.] Sawo nɛ mɛnyaka kɛnɛ kakate Yeso lo kɛnɛ kendana la shɛngiya yele la ditongami dia lo nyuma le so.” Tɛkɛta dia sawo diotate lo lɛkɛ  16.

Réveillez-vous! Ngɔndɔ ka dikumi l’ɔtɔi

Adia 2 Timote 3:16. Oma lâsɔ ta wate: “Onde wɛ mbetawɔka ndo fɔnyaka dia sho kokaka ndjaɛkɛ lo kɛnɛ kata Bible? [Tshikande akadimole.] Sawo nɛ mɛnyaka woho washikikɛ emindo ndo ɛkɔndɔ wa l’andja ɔnɛ kɛnɛ kata Bible lo dikambo dia Edjibito w’edjedja.” Tɛkɛta dia sawo diotate lo lɛkɛ 15.

Tshoto y’Etangelo Ngɔndɔ ka dikumi l’ahende 1

“Efula mbetawɔka dia ditongami dimɔ diele la timba dia l’andja wahɛnama diekɔ la shɛngiya lo nsɛnɔ yaso. Akanayɛ lo dikambo sɔ? [Tshikande akadimole. Oma lâsɔ adia Enyelo 12:7-9.] Periodikɛ kɛnɛ mɛnyaka kɛnɛ kata Bible lo dikambo dia ditongami diasɛna l’andja wahɛnama, shɛngiya yele la wɔ le so ndo kana sho koka mbekesanɛ la diɔ.”

Réveillez-vous! Ngɔndɔ ka dikumi l’ahende

“Onde wɛ atayambolaka bonde kasala anto fɛtɛ ka Nɔɛlɛ Ngɔndɔ ka dikumi l’ahende 25, etena kele Bible hate datɛ diakotɔ Yeso? [Tshikande akadimole.] Lo ndjela divɛsa nɛ, Yeso kokoka mbotɔ lo eleko k’ɔwɔ. [Adia Luka 2:8.] Periodikɛ kɛnɛ mɛnyaka oma lɛnɛ akatombe mbekelo mɔ yambokokanɛ yendana la fɛtɛ ka Nɔɛlɛ.”