Waewoyelo

◼ Ekanda wayotosha anto ngɔndɔ ka Hende: Sheke y’ɔngɛnɔngɛnɔ wa lo nkumbo. Ngɔndɔ ka sato: Bible etshatɔ mɛtɛ? Tosale la wolo dia ntatɛ mbeka l’anto Bible lo wendelo wa ntondo. Naka anto wamboshilaka nongola dibuku diakɔ ko hawetawɔ dia mbeka Bible, kete apandjudi mbeyaka mbasha periodikɛ kɛmɔtshi k’edjedja kana biukubuku yemula nsaki k’ompokami.

◼ Sawo dia lânde diayoshama lo wikɛndɛ wayoyelana la Eohwelo diekɔ l’ɔtɛ a dui ɔnɛ: “Onde ekomelo kamboleka nsukana?”

◼ Naka wɛ nangaka mɛngɔla lo wodja wele lokombo lawɔ bu lo alapɔlɔ awɔ w’ɔnɔnyi weke kambeta kana wele lokombo lawɔ bu lo lɛkɛ l’ekomelo la Annuaire weke katomba, kete mbola Bɛtɛlɛ ka lo wodja anyu dia mbeya kɛnɛ kahombayɛ sala kana alako amɔtshi wa lânde wahombayɛ ndjela. Mbeyaka monga k’olimu wa Diolelo wakashimbama lo wodja ɔsɔ. (Mat. 10:16) Lo wedja ɛmɔtshi, mbeyaka monga ko bu dimɛna dia angɛndangɛnda nyanga dia mɛnana l’Ɛmɛnyi wa Jehowa kana tshumanelo dia lo wodja ɔsɔ. Bɛtɛlɛ mbeyaka kosha alako akina wendana la woho wakokayɛ tosambishaka lo tshakitudi kana woho wakokayɛ ntshɔ l’ekanda walembetshiya Bible. Woho wayoyokamba dimɛna la ɛlɔmbwɛlɔ kayokosha Bɛtɛlɛ ayokokimanyiya diaha wɛ tonga l’ekakatanu w’anyanya kana todja olimu wa Diolelo lo wâle lo wodja ɔsɔ.—1 Kor. 14:33, 40.

◼ Dikumanyi wayotshikitanya rɛferansɛ wele lo ks10 lɛkɛ 112, ko mbɔhɛnya la wa w99 11/1 lɛkɛ 31 la km 6/05 lɛkɛ 5.

◼ Sekeletɛlɛ nde l’omendji w’olimu wayɔsɛdingola olimu w’ambatshi mboka wa pondjo tshɛ oya l’atei atei w’ɔnɔnyi w’olimu dia menda kana amɔtshi wekɔ l’okakatanu dia nkotsha lofulo la wenya walɔmbama dia vɔ mbokimanyiya.