Waewoyelo

◼ Ngɔndɔ ka dikumi: Tayosha anto Tshoto y’Etangelo la Réveillez-vous ! Lo wendelo w’eyoyo, nyɔtshiya dibuku Bible etshatɔ. Naka kokaka, lo ndjela ehomba w’onto, nyu kokaka mbosha biukubuku Hokamɛ Nzambi kana Hokamɛ Nzambi dia wɛ nsɛna pondjo pondjo, ndo mpemba dia ntatɛ mbeka la nde Bible. Ngɔndɔ ka dikumi l’ɔtɔi ndo ka dikumi l’ahende: Asui tshɛ wayanga komɛ!, Jehowa​—Ênde na?, Yeso Kristo​—Ênde na? kana Onde wɛ nangaka mbeya akambo wa mɛtɛ? Naka onto ambɛnya nsaki, ko nyu mbɛnya woho wekaso l’anto Bible lo nkamba la dibuku Bible etshatɔ kana biukubuku Hokamɛ Nzambi kana Hokamɛ Nzambi dia wɛ nsɛna pondjo pondjo. Ngɔndɔ ka ntondo ndo ka hende: Tobukubuku tshɛ tele la ndjɛkɛ 32 l’atei a tɔnɛ tayela: Etena Kavɔ Onto Ɔmɔtshi Lalangayɛ...; Onde na Nzambi tokaneka mete ondo? ndo Wɛ kokaka monga ɔngɛnyi wa Nzambi! Etena kasalanyu wendelo w’eyoyo, nyɔtshiya dibuku Bible etshatɔ. Naka kokaka, lo ndjela ehomba w’onto, nyu kokaka mbosha biukubuku Hokamɛ Nzambi kana Hokamɛ Nzambi dia wɛ nsɛna pondjo pondjo, ndo mpemba dia ntatɛ mbeka la nde Bible.

◼ Lo Ngɔndɔ ka dikumi, tshumanelo tshɛ diengɔnya Mbalasa ka Diolelo pombaka menda wenya wa nsanganya yawɔ ntatɛ Ngɔndɔ ka Ntondo 1, 2013. Oya lo Ngɔndɔ ka dikumi l’ahende 1, diɔ pombaka mbewoya biro ka filialɛ etshikitanu tshɛ wayosalema. Naka etshumanelo kanyu kekɔ l’adrɛsɛ lo sitɛ kaso ka jw.org, kete lam’alanganyu nyotshikitanya wenya lo dihole diofundjiwɔ ɔnɛ Informations / Horaires des réunions l’ɛsɛ ka tshɛkɛta Congrégation.