Bɛnyɛlɔ dia mbɔtwɛlɔ (Numɛlɔ kele bu l’Ɔtɛtɛla ko nyu menda lo Falase)

Woho wa ntatɛ mbeka l’anto Bible Lushi la samalo la ntondo la Ngɔndɔ ka dikumi l’ɔtɔi

“Efula l’atei aso ngɛnangɛnaka lowandji l’ɔlɔlɔ. Lo kanyi yayɛ, woho akɔna wa lowandji lakoka nkandola ekakatanu w’anto? [Tshikande akadimole.] Tende kɛnɛ katama lanɛ lo dikambo sɔ.” Sha ompokami ayɛ Tshoto y’Etangelo ya Ngɔndɔ ka dikumi 1 ndo nyɔsɛdingole awui wofundami l’ɛse k’ɔtɛ a dui wa ntondo wele lo lɛkɛ 16 ndo nyadia kânga divɛsa ɔtɔi dioshilami laawɔ.

Tshoto y’Etangelo Ngɔndɔ ka dikumi l’ɔtɔi 1

“Sho nangaka nkondja kanyi yayɛ lo dikambo nɛ. Naka wɛ nkondja diaaso dia mboka Nzambi dimbola dimɔtshi, diakɔna diayoyowoka? [Tshikande akadimole.] Lo ndjela Yeso, ekɔ ohomba sho nyanga ekadimwelo lo ambola aso w’eshika. [Adia Mateo 7:7.] Periodikɛ kɛnɛ mbishaka ekadimwelo w’oma lo Bible lo ambola asato w’ohomba anɛ.” Ɛnya ompokami ayɛ ambola wele l’ɛse ka dikatshi lo lɛkɛ 3.

Réveillez-vous ! Ngɔndɔ ka dikumi l’ɔtɔi

“Ɛlɔ tekɔ lo teembola nkumbo dia mbaasambisha. Nkumbo yele ombutshi ɔtɔi mbodia ana yaya efula. Onde wɛ fɔnyaka dia yɔ yekɔ l’ekakatanu woleki nkumbo yele ambutshi akɔ ahende mbodia ana? [Tshikande akadimole.] Ambutshi efula tanaka alako w’eshika lo Bible. [Adia 2 Timɔte 3:16.] Periodikɛ kɛnɛ kekɔ l’alako amɔtshi wakoka nkimanyiya ambutshi wodia ana vɔamɛ dia vɔ mɛmba ɔkɛndɛ awɔ wa wolo ɔsɔ dimɛna.”