Okahanyelo w’akatshi wa leeta l’oya lo Eohwelo ayotatɛ Ngɔndɔ ka sato 22

Ɔnɔnyi ɔnɛ, tayotatɛ nkahɛ anto akatshi wa leeta l’oya lo Eohwelo Lushi la samalo, Ngɔndɔ ka sato 22. Apandjudi tshɛ keketshamaka dia mbisha lonya l’okahanyelo ɔsɔ tshɛ lo tshɛ. Lo wikɛndɛ, tayosha anto ndo periodikɛ yeke katomba naka kokaka. Lushi la samalo la ntondo la Ngɔndɔ ka nɛi, tayoleka ndjasha l’okahanyelo w’akatshi wa leeta lo dihole dia ntshɔ tɔlɔmba anto dia mbeka la wɔ Bible. Koko, naka tambohomana l’onto lɛnya nsaki lo yoho ya laande, sho koka ntatɛ wekelo wa Bible la nde. Omendji w’olimu koka nshikikɛ kana nsala esambishelo ka lo sɛkɛ mbayokimanyiya ase etshumanelo dia mɛnana l’anto efula wa l’ɛtshi kawɔ ka nkɛtɛ dia mbakahɛ akatshi wa leeta. Dia ewotɔ aso, asekaso wa l’olimu, wa la kalasa ndo anto watotembolaka ndja dia ndjɔtɔ lo Eohwelo, sho pombaka nsala listɛ la wanɛ wakombolaso mbelɛ oma ko kakianɛ ndo ndjowasha dikatshi dia leeta etena kayotatɛ okahanyelo ɔsɔ. Tekɔ l’elongamelo di’anto efula wayoya ndjosangana kaamɛ la so lo Eohwelo kayɛnya tolembetelo tohende toleki tshɛ weke ta ngandji.​—Jni. 3:16; 15:13.