LƆSƐNƆ L’OKRISTO
Ɛlɔngɔlɔngɔ le, tanyotshimbatshimbake dia mbɔtɔ lo “lokuke la soko dia woke”
Koka monga dui dia wɔdu dia mfɔnya ɔnɛ tayotetemala ntshikala ɛlɔngɔlɔngɔ ndo hatongaki pondjo la “nshi ya paa” yaya l’ɔtɛ wa lotshundu l’osombe lo andja ɔnɛ waki Satana. (Ond 12:1) Naka wɛ ekɔ ɔlɔngɔlɔngɔ, onde wɛ koka mfɔnya dia wɛ ekɔ la nshi efula yakokayɛ ndjoyadjɛ eyango wa lo nyuma wele oko olimu wa lo tena tshɛ?
“Awui wa shashimoya” tokomɛka sho tshɛ, oyadi ɛlɔngɔlɔngɔ. (Ond 9:11) “Nyu hanyeye kɛnɛ kayonyokomɛ loyi.” (Jak 4:14) Diakɔ diele, tanyɔsake eyango wa lo nyuma oko dui diele bu ohomba efula. Nyɔtɔ lo “lokuke la soko dia woke diasha diaaso dia nkamba olimu” etena kekediɔ hwe dikambo dianyu. (1Kɔ 16:9) Hanyotonga la lonyangu.
Eyango ɛmɔtshi wa lo nyuma wakokanyu ndjadjɛ:
Nsambisha lo ɔtɛkɛta okina
Nkamba olimu w’ombatshi mboka
Mbɔtɔ kalasa ya teokrasi
Ntshɔ l’olimu wa wokelo
Tokamba lo Bɛtɛlɛ
Nkamba olimu w’otshimbedi