TOLOWANYA AKOKA ASO WA NSAMBISHA​—Lo munanda etema w’anto lo nkamba la dibuku ‘Nyotshikale lo ngandji ka Nzambi’

OHOMBA WA DUI SƆ: Anto pombaka mbeka atɔndɔ waki Jehowa ndo nkamba la wɔ loyango wa mbɔtɛmɔla lo yoho yetawɔnde. (Isa 2:3, 4) Dibuku dia hende diekaso l’anto, mbuta ate ‘Ngandji ka Nzambi’ kimanyiyaka ambeki wa Bible dia vɔ mbeya woho wa nkamba l’atɔndɔ waki Nzambi lo lɔsɛnɔ lawɔ la lushi la lushi. (Hɛb 5:14) Sho pombaka nsala la wolo dia munanda etema awɔ etena kawaetshaso dia vɔ monga la eyango w’amɛna dia nsala etshikitanu.—Rɔm 6:17.

WOHO WA NSALA DUI SƆ:

• Yalɔngɔsɔlaka dimɛna ndo lamaka ehomba w’ombeki ayɛ lo yimba. Kongɛ ambola wayokimanyiya dia nde ntondja tokanyi tande ndo nsaki yande lo kɛnɛ kekanyu.—Tok 20:5; be 259

• Kamba la tokombo tele lo dibuku dia nkimanyiya ombeki ayɛ dia nde mɛna ohomba wa nkamba l’atɔndɔ wa lo Bible

• Kimanyiya ombeki ayɛ dia nde nkana yimba lo ndjela nkum’otema kande koko towɔsɛke tɛdikɔ.—Nga 6:5

• La ɔkɔmi tshɛ, nsala dia nshikikɛ kana ombeki ayɛ ekɔ l’ohomba w’ekimanyielo dia nkamba l’atɔndɔ amɔtshi wa lo Bible. La ngandji tshɛ, keketshande dia nde nsala etshikitanu wohikami lo ngandji kokande Jehowa.—Tok 27:11; Jni 14:31