AKAMBO W’OHOMBA W’OMA L’ƆTƐKƐTA WA NZAMBI | ISAYA 1-5
“Nyoye tode otsha lo dikona dia Jehowa”
“Lo etena k’ekomelo ka nshi” |
Ɔsɔ ekɔ etena kasɛnaso kɛnɛ |
“Dikona dia luudu la Jehowa” |
Ɔtɛmwɛlɔ waki Jehowa wa pudipudi wele lo dihole dia la diko |
“Wedja tshɛ wayɔkɛlaka otsha lɛkɔ” |
Wanɛ wɔtɔ l’ɔtɛmwɛlɔ wa pudipudi mongaka kaamɛ |
“Nyoye tode otsha lo dikona dia Jehowa” |
Atɛmɔdi wa mɛtɛ mbelɛka anto akina dia vɔ monga kaamɛ la wɔ |
“Nde ayototetsha mboka yande, ndo sho tayɔkɛndakɛnda lo ɛsɛsɛ ande” |
Diɛsɛ la Ɔtɛkɛta ande, Jehowa ekɔ lo tetsha ndo ekɔ lo tokimanyiya dia sho nkɛndakɛnda lo ɛsɛsɛ ande |
“Ndo vɔ hawoteka ta nto” |
Isaya akɛnya woho wayotshikitanya anto dihomɔ diawɔ dia ta ko dikadimola dihomɔ diakamba la wɔ dikambɔ, dia mɛnya dia ekambi waki Jehowa wayowesa wɔladi. Weho akɔna wa dihomɔ sɔ diakawakambaka la diɔ lo nshi y’Isaya? |
‘Tokuwa ta ta nkongo’ |
1 Longo akikɔ ehomɔ kɛmɔtshi kakawakambaka la tɔ dia bondola nkɛtɛ. Mɔtshi yakasalemaka la mbolo.—1Sa 13:20 |
‘Akɔnga tɔshɔlɔ takɔlɔngawɔ adiyo’ |
2 Shɔlɔ yakawakɔlɔngaka adiyo yaki ondo ehomɔ kɛmɔtshi ka lowolo kaki oko lokuwa, tɔ kaki dikoto ndo wakakiongɛka wenyi. Wakakambaka la ehomɔ kɛsɔ dia nkɔlɔnga ɛkɔdi wa vinyɔ.—Isa 18:5 |