Yeso akavu ndo lo dikambo dia ɔnanyɔ

Yeso akalambola lɔsɛnɔ lande dikambo di’anto wele keema kokele. (Rɔmɔ 5:8) Aha la taamu sho mɛtɛ mongaka la lowando lo woho wakatoke Yeso ngandji lo nkimɔ lɔsɛnɔ lande dikambo dia wahɔ aso. Koko, lo tena dimɔ koka monga ohomba dia sho mbohɔka dia Kristo akavu ndo lo dikambo di’ɔnangɛso. Ngande wakokaso mɛnya ngandji kele oko ka Kristo otsha le anangɛso l’akadiyɛso, wele ndo vɔ la wɔ wekɔ anto wele keema kokele oko sho? Tɔsɛdingola awui asato. Dui dia ntondo, sho koka mfudia angɛnyi aso lo mbɔtɔ lɔngɛnyi la wanɛ wele bu la so ase lɛkɛ ɔtɔi. (Rɔmɔ 15:7; 2Kɔ 6:12, 13) Dui dia hende, sho koka monga la yewo dia mbuta kana nsala awui wakoka nyangiya anto akina. (Rɔmɔ 14:13-15) Ndo dui di’ekomelo, naka onto ɔmɔtshi ambotosalɛ kɔlɔ, sho koka monga suke dia dimanyiya. (Luka 17:3, 4; 23:34) Naka sho nsala la wolo dia mbokoya Yeso l’awui asɔ, kete Jehowa ayotetemala ntshɔkɔla etshumanelo lo kisha wɔladi ndo kaamɛ.

NYENDE VIDƐO YELE L’ƆTƐ A DUI ƆNƐ: NYOMOLEKA NKOMA OLANGALA! NDO OMA LAASƆ NYOKADIMOLE LO AMBOLA WAYELA ANƐ:

• 

  Ngande wakayaoke Miki l’etatelo dikambo dia etshumanelo kande?

• 

  Kakɔna kakootshutshuya dia nde ntshikitana lo woho wakandayaokaka?

• 

  Ngande wele ɛnyɛlɔ ka Yeso kakakimanyiya Miki dia ntshikitanya ekanelo kande? (Makɔ 14:38)

• 

  Ngande wakoka Tokedi 19:11 tokimanyiya dia sho mɛna asekaso Akristo la sso di’ɔlɔlɔ?