Rɛferansɛ wa lo Dikatshi dia losanganya la Lɔsɛnɔ ndo olimu aso
NGƆNDƆ K’ESAMBELE 1-7
AKAMBO W’OHOMBA W’OMA L’ƆTƐKƐTA WA NZAMBI | KƆLƆSAYI 1-4
“Nyokolole lonto l’edjedja ndo nyɔlɔtɛ lonto l’oyoyo”
w11 3/15 10 od. 12-13
Tonge la nyuma kaki Nzambi, koko aha yimba y’andja ɔnɛ
w13 9/15 21 od. 18-19
Onde wɛ ambohilwama?
Toyange diangɔ di’oshinga wolo dia lo nyuma
Diolelo diaki Nzambi
“Diolelo dia Ɔnande la ngandji.” Nshi dikumi l’ɔkɔngɔ wa Yeso mbidɛ l’olongo lo Pɛntɛkɔsta 33 T.D., ambeki ande wakɛnyi djembetelo yakɛnya dia nde “akadiyama lo lonya l’omi la Nzambi” etena kakaatshulwɛ Yeso nyuma k’ekila. (Ets 1:8, 9; 2:1-4, 29-33) L’etena kɛsɔ “sheke y’oyoyo” yakatatɛ nkamba olimu lo wahɔ awɔ ndo vɔ wakonge etenyi koleki ohomba ka “wodja w’ekila” w’oyoyo, mbuta ate Isariyɛlɛ wa lo nyuma.—Hɛb 12:22-24; 1Pe 2:9, 10; Nga 6:16.
L’etena kɛsɔ, Kristo akadjasɛ lo lonya l’omi la She ndo aki owandji w’etshumanelo kɛsɔ. (Ɛf 5:23; Hɛb 1:3; Flp 2:9-11) Afundelo mɛnyaka dia ntatɛ lo Pɛntɛkɔsta 33 T.D., diolelo dimɔtshi dia lo nyuma diakashikɛma l’atei w’ambeki ande. Etena kakandafundɛka Akristo wa lo ntambe ka ntondo wa la Kɔlɔsayi, ɔpɔstɔlɔ Pɔɔlɔ akate dia Yeso Kristo akashile monga la diolelo: “[Nzambi] akatotsha oma lo lowandji la wodjima ndo akatɔtɔlɛ otsha lo diolelo dia Ɔnande la ngandji.”—Kɔl 1:13; ɛdika la Ets 17:6, 7.
Oma lo Pɛntɛkɔsta 33 T.D., diolelo dia Kristo diakatatɛ mbolɛ Isariyɛlɛ wa lo nyuma. Akristo wakotɔ oma le nyuma k’ekila ka Nzambi dia monga ana wa lo nyuma waki Nzambi. (Jni 3:3, 5, 6) Etena kayolongola Akristo asɔ difuto diawɔ l’olongo, vɔ hawotonga nto ambolami wa la nkɛtɛ wa diolelo dia lo nyuma dia Kristo, koko vɔ wayonga nkumi ya dikanga kaamɛ la Kristo l’olongo.—Ɛny 5:9, 10.
w08 8/15 28 od. 9
Akambo w’ohomba w’oma lo mukanda wa Ngalatiya, Ɛfɛsɔ, Filipɛ ndo Kɔlɔsayi
2:8—Naa “akambu wa la kete” wakatewola Paulo?
NGƆNDƆ K’ESAMBELE 8-14
AKAMBO W’OHOMBA W’OMA L’ƆTƐKƐTA WA NZAMBI | 1 TƐSALƆNIKA 1-5
“Nyotetemale keketshana onto la wonyande ndo mbodiana onto la wonyande”
w11 6/15 26 od. 12
‘Nyonge la dilɛmiɛlɔ otsha le wanɛ wakamba olimu efula l’atei anyu’
w11 6/15 28 od. 19
‘Nyonge la dilɛmiɛlɔ otsha le wanɛ wakamba olimu efula l’atei anyu’
w17.10 10 od. 13
“[Tokane] ngandji . . . lo etsha ndo lo mɛtɛ”
w15 2/15 9 od. 16
Tokoya okitshakitsha ndo kɛtshi kaki Yeso
Toyange diangɔ di’oshinga wolo dia lo nyuma
Awui wa mindo wa dieyanelo
Awui wa mindo wa dieyanelo ekɔ pɛkato kakoka onto mbitshanyema oma l’etshumanelo k’Akristo. (1Kɔ 5:9-13; Hɛb 12:15, 16) Ɔpɔstɔlɔ Pɔɔlɔ akɛnya dia Okristo wasala awui wa mindo wa dieyanelo ekɔ lo salɛ demba diande hita pɛkato, nɛ dia nde kambaka la tenyi diande dia demba dia diwutshi lo yoho ya kɔlɔ. Nde ndjasalɛka kɔlɔ k’efula lo nyuma, mbidjaka etshumanelo ka Nzambi mindo ndo ndjadjaka lo waale wa mɛmba hemɔ yasambemɛ yakonya lo nyɔi yaya oma l’awui wa mindo wa dieyanelo. (1Kɔ 6:18, 19) Nde ndanyaka lotshungɔ lele l’anango w’Akristo (1Tɛ 4:3-7) lo 1) mbidja etshumanelo mindo, kisha nsɔnyi ndo kitɛngamisha (Hɛb 12:15, 16), 2) nde honge pudipudi lo lɔkɛwɔ la ntondo ka olonganyi ande ndo naka nde ekɔ onyemba, kete dui sɔ mbokonyaka diaha monga pudipudi la ntondo k’onto layototshukana la nde 3) ndanyaka lokumu la dimɛna l’ase nkumbo kande 4) salɛka ambutshi, omi kana omamembedi wa ɔnɛ losadi la nde kinumba kɔlɔ. Lo nsala ngasɔ aha ɛlɛmbɛ w’anto wele mbala mɔtshi ndjihaka washo lo awui wa mindo wa dieyanelo mbɔnyɔlande, koko Nzambi ɔnɛ layowosha dilanya l’ɔtɛ wa pɛkato kande.—1Tɛ 4:8.
w15 7/15 13-14 od. 14-15
“Etshungwelo kanyu kaya suke”!
NGƆNDƆ K’ESAMBELE 15-21
AKAMBO W’OHOMBA W’OMA L’ƆTƐKƐTA WA NZAMBI | 2 TƐSALƆNIKA 1-3
“Onto lɔnyɔla ɛlɛmbɛ ayoshɔma”
Omamemelo le Nzambi
Ekɔ dui dikambo dimɔtshi di’ehekesa diahɔtɔnɛ tshɛ lo tshɛ la “sheke y’ekila” ya Jehowa. Ɔsɔ ekɔ “dikambo dia ehekesa dia wɔnywɛlɔ w’ɛlɛmbɛ.” Ɔsɔ aki dui di’ehekesa le Akristo wa mɛtɛ, nɛ dia lo nshi y’ɔpɔstɔlɔ Pɔɔlɔ “onto lɔnyɔla ɛlɛmbɛ” kombeyamaka oko olui w’ewandji w’ɛtɛmwɛlɔ lo tshɛ kawɔ. Kaanga l’ɔkɔngɔ “w’onto” ɔsɔ mbeyama, lonto lande aki dui di’ehekea le anto efula, nɛ dia nde akayaɛnyaka oko onto lamamema Nzambi kana lo lokombo la Nzambi, koko akasalaka awui wa kɔlɔ. Ɔsɔ aki mɛtɛ wetshelo w’ɛtɔlɔki wotshikitanyi la mamema Nzambi lo yoho ya mɛtɛ. Pɔɔlɔ akate dia “dikambo dia ehekesa dia wɔnywɛlɔ w’ɛlɛmbɛ” diakashile ntatɛ lo nshi y’apɔstɔlɔ, nɛ dia shɛngiya ya kɔlɔ y’ɔmɔnyɔdi w’ɛlɛmbɛ yakatatɛ monga l’etshumanelo k’Akristo ndo kɛsɔ akayokonya dia ewandji w’ɛtɛmwɛlɔ wa waa apɔsta lo tshɛ kawɔ ntomba sɛkɛ. L’ekomelo, Yeso Kristo ayolanya ɔmɔnyɔdi w’ɛlɛmbɛ ɔsɔ lo wongelo ande. Ɔtɔlɔki watshutshuyama oma le Satana ɔsɔ ayahemɛ onto tshɛ lelamɛ ‘nzambi’ kana ɛngɔ tshɛ katɛmwama (Gr., seʹba·sma). Ɔnkɔnɛ, otunyi wa woke wa Nzambi ɔsɔ, ɔnɛ lele ehomɔ kakamba la Satana, ayokesa anto lo yɛdikɔ y’efula ndo ayela elanyelo le wanɛ wayela ditshelo diande dia kɔlɔ. “Onto lɔnyɔla ɛlɛmbɛ” ɔsɔ ayoyashɛ diaha awui ande wa kɔlɔ mbeyama lo nsala awui oko onto lamamema Nzambi.—2Tɛ 2:3-12; ɛdika la Mat 7:15, 21-23.
Kashi
Jehowa Nzambi tshikaka dia “shɛngiya yanganyiya” ntakoya anto mboka “dia vɔ mbetawɔ kɛnɛ kele kashi” lo dihole dia mbetawɔ lokumu l’ɔlɔlɔ lendana la Yeso Kristo. (2Tɛ 2:9-12) Tɔndɔ sɔ mɛnyamaka oma lo kɛnɛ kakatombe ntambe efula ntondo ka laasɔ lo dikambo dia Ahaba nkumekanga k’Isariyɛlɛ. Amvutshi wa kashi wakashikikɛ Ahaba dia nde ayodja Ramɔta-Ngiliyadɛ otshumba, koko Mikaya omvutshi wa Jehowa akate dia nde ayɔlɛndjama. Oko wakɛnyi Mikaya lo ɛnɛlɔ, Jehowa akatshike dia etongami kɛmɔtshi ka lo nyuma monga “nyuma ka lokeso” lo enyɔ wa amvutshi wa Ahaba. L’ɛtɛkɛta ekina, etongami ka lo nyuma kɛsɔ akakambe la wolo ande le amvutshi wa kashi asɔ dia vɔ mbuta aha akambo wa mɛtɛ koko kɛnɛ kaki lolango lawɔ vɔamɛ ndo kɛnɛ kakakombolaka Ahaba dia mboka. Kaanga mbakawawewola, Ahaba aketawɔ kesama ko nde akashisha lɔsɛnɔ.—1Ku 22:1-38; 2Ɛk 18.
Toyange diangɔ di’oshinga wolo dia lo nyuma
Dja
Petero akafunde dia “olongo ndo nkɛtɛ yele kakianɛ [yayo]tshumbama la dja.” Lo ndjela awui wodingi divɛsa nɛ ndo lo ndjela kɛnɛ kɛnya avɛsa akina, dja shɔ bu ya mɛtɛ mɛtɛ, koko yɔ nembetshiyaka elanyelo ka pondjo. Oko waki elola ka nshi ya Nɔa konanya olongo ndo nkɛtɛ ya mɛtɛ mɛtɛ, koko paka anto wa kɔlɔ, mbele ndo woshwelo wa Yeso Kristo kaamɛ l’andjelo ande wa wolo lo loombe la dja ayolanya paka wanɛ wahamamema Nzambi ndo dikongɛ dia kɔlɔ diaki Satana.—2Pe 3:5-7, 10-13; 2Tɛ 1:6-10; ɛdika Isa 66:15, 16, 22, 24.
Ɛtɛkɛta wakasambiyama
“Ditelo diakasambiyama”—Dia kashi la dia mɛtɛ. Lo efundelo ɛmɔtshi w’apɔstɔlɔ, vɔ kambaka la tshɛkɛta ya lo Grɛkɛ pneuʹma (nyuma) lo yoho ya laande. Ɛnyɛlɔ lo 2 Tɛsalɔnika 2:2, ɔpɔstɔlɔ Pɔɔlɔ akahɛmɔla anango wa la Tɛsalɔnika diaha vɔ ndjɛkayɛka “oyadi oma lo ɛtɛkɛta wakasambiyama [tshɛkɛta lo tshɛkɛta,] “nyuma” kana oma lo losango lɔmɔtshi la l’onyɔ kana oma lo mukanda wele oko w’oma le so wata ɔnɛ lushi la Jehowa lamboya.” Mbokɛmaka hwe dia Pɔɔlɔ akakambe la tshɛkɛta pneuʹma (nyuma) lo kɛnɛ kendana la toho ta sawola, ɛnyɛlɔ “tɛkɛta l’onto okoko l’okoko” kana lo tshimbo ya “mukanda.” Dibuku dimɔtshi (Theologisch-homiletisches Bibelwerk, lk. 126) mbutaka lo dikambo dia divɛsa nɛ ɔnɛ: “Ɔpɔstɔlɔ akate dia ɔsɔ aki ondo prɔfɛsiya kana ɛtɛkɛta w’omvutshi ɔmɔtshi.” Lo mikanda ehende wakafundɛ Pɔɔlɔ ase Tɛsalɔnika, sho mbadiaka ɔnɛ: “Oma le nyuma. Vɔ mbɔsamaka oko ɛtɛkɛta wakasambiyama, wɛnɛlɔ kana dui diakate amvutshi l’ɛtɛmwɛlɔ wa lo ntambe ka ntondo.” Koko, lo dikadimwelo dimɔtshi, tshɛkɛta pneuʹma kadimɔmaka ɔnɛ “nyuma” l’avɛsa asɔ ndo tshɛkɛta shɔ kadimɔmaka lo dikadimwelo dikina ɔnɛ “ɛtɛkɛta wɔsama oko wakasambiyama oma le nyuma” (PV), “wɛnɛlɔ wa prɔfɛsiya” “etelo kakasambiyama” (TB).
NGƆNDƆ K’ESAMBELE 22-28
AKAMBO W’OHOMBA W’OMA L’ƆTƐKƐTA WA NZAMBI | 1 TIMƆTE 1-3
“Nyokotsha kɛnɛ kalɔmbama dia nkamba olimu w’ɔlɔlɔ”
w16.08 21 od. 3
Onde wɛ mɛnaka ohomba wa mpama lo nyuma?
Wanɛ ‘wakondja dihole dia kɛnɛmɔ’
7 Ekɔ dui dia wɔdu dia mɛna lande na kakatɛkɛta Pɔɔlɔ dikambo dia apami asɔ ɔnɛ vɔ ‘wakondja dihole dia kɛnɛmɔ.’ Ɔsɔ bu kɛnɛ kafɔnya anto amɔtshi, ɔnɛ ekɔ wahɔnelo wa lowandji l’ɔtɛmwɛlɔ. Koko ekambi wakimanyiya “wakamba lo yoho ya dimɛna” wekɔ l’eshikikelo dia Jehowa la Yeso ayowatshɔkɔla ndo etshumanelo k’otondo mbalɛmiyaka ndo mbasukɛka. Lo mɛtɛ vɔ “mongaka la dikoka dia mbuta awui hwe hwe lo mbetawɔ kele le Kristo Yeso.” Lo nkotsha ɔkɛndɛ awɔ la kɔlamelo tshɛ, vɔ mandɔmaka l’ɔtɛ w’olimu wa dimɛna wakambawɔ, mbetawɔ kawɔ keketalaka ndo vɔ sambishaka awui wendana la mbetawɔ kawɔ l’ohetoheto aha la mboka wɔma.
Toyange diangɔ di’oshinga wolo dia lo nyuma
Ɔlɔndji
Ndjasha lo wekelo ndo nkɛtshanya awui wendana l’ɔlɔndji komonga la wahɔ lo nshi yakafundɛ Pɔɔlɔ Timɔte. Komonga ohomba nto mbeya ɔkɔndɔ wendana la ɔlɔndji dia mbeya lɔtshɛtshɛ, nɛ dia le Nzambi l’etena kɛsɔ ndooko otshikitanu waki lam’asa ose Juda kana ose Wodja lele l’etshumanelo k’Akristo. (Nga 3:28) Ndo, ɛkɔndɔ wendana l’ɔlɔndjɔ wakashile mɛnya dia Kristo ayotɔ oma l’ɔlɔndji wa Davidɛ. Ndo nto, yema tshitshɛ l’ɔkɔngɔ wa Pɔɔlɔ mbisha dako sɔ, Jɛrusalɛma ndo abuku w’ɛkɔndɔ w’ase Juda wakahombe ndanyema. Nzambi aketawɔ dia vɔ ndanyema. Diakɔ diele, Pɔɔlɔ akatɛ Timɔte ndo ase etshumanelo di’aha vɔ ntshika akambo woleki ohomba, ko mbetsha wenya l’eyangelo ndo lo ewanu wa nyanga ɛlɔndji w’anto, dui diaki komonga la wahɔ lo mbetawɔ k’Akristo. Ɛlɔndji watɛkɛtama lo Bible mɛnyaka dia Kristo mbele Mɛsiya, ɔsɔ mbele ɔlɔndji woleki ohomba le Akristo. Ɛlɔndji ekina wa lo Bible mɛnyaka dia kɛnɛ kofundami lɔkɔ kekɔ mɛtɛ ndo dui sɔ mɛnyaka di’ɛkɔndɔ wa l’Afundelo wekɔ mɛtɛ.
cl 12 od. 15
“Enda! Ɔnɛ ele Nzambi kaso”
NGƆNDƆ K’ESAMBELE 29–NGƆNDƆ K’ENANƐI 4
AKAMBO W’OHOMBA W’OMA L’ƆTƐKƐTA WA NZAMBI | 1 TIMƆTE 4-6
“Mamema Nzambi ndeka ɔngɔnyi”
Teke dia ngɛnangɛna la kɛnɛ kele la so
Dui diakaleke nkimanyiya Pɔɔlɔ dia monga l’ɔngɛnɔngɛnɔ ele nde akangɛnangɛnaka la kɛnɛ kaki la nde. Ngɛnangɛna la kɛnɛ kele la so kɛdikɛdi na? Lo tshena pe, dui sɔ nembetshiyaka ngɛnangɛna la kɛnɛ kele la so ohomba. Pɔɔlɔ akafundɛ Timɔte osekande lakatakambaka la nde olimu lo kɛnɛ kendana la dui sɔ ɔnɛ: “Lo mɛtɛ, mamema Nzambi ekɔ la wahɔ w’efula naka sho ngɛnangɛna la kɛnɛ kele la so. Nɛ dia sho koondja ndooko l’ɛngɔ l’andja ɔnɛ ndo sho hatotokoka ntɔla ndooko ɛngɔ. Ɔnkɔnɛ, naka tekɔ la yangɔ ya ndɛ ndo dihɔndɔ dia ndɔta, tɔngɛnɛngɛnɛ la diangɔ sɔ.”—1 Timɔte 6:6-8.
Tolembete dia Pɔɔlɔ akɛnya dia diɔtɔnganelo diekɔ lam’asa ngɛnangɛna la kɛnɛ kele la so la mamema Nzambi. Nde akɛnya dia ɔngɛnɔngɛnɔ wa mɛtɛ ndjaaka lo mamema Nzambi, mbuta ate mbetsha olimu wokambɛso lo dihole dia ntondo, koko aha oma lo diangɔ kana ɛngɔnyi wele la so. “Kɛnɛ ka ndjasɛnya ndo dihɔndɔ dia ndɔta,” aki tsho kɛnɛ kaki ohomba le nde dia nde ntetemala mamema Nzambi. Ɔnkɔnɛ, dia ngɛnangɛna la kɛnɛ kaki lande, Pɔɔlɔ akayaɛkɛka le Nzambi oyadi la ntondo k’ekakatanu akɔna tshɛ.
Ndjashikikɛ dia monga ɛngɔnyi: Etombelo wa kɔlɔ wonga la dui sɔ
Ekɔ mɛtɛ di’anto efula hawovu l’ɔtɛ wawesawɔ ɛngɔnyi. Koko vɔ koka monga l’ekakatanu efula lɔsɛnɔ lawɔ l’otondo. Ndo nto, vɔ koka monga la yoho ya lɔsɛnɔ ya kɔlɔ naka vɔ monga l’okakatanu wa ntana olimu kana nkondja falanga. Dui sɔ koka mbakonya dia nshisha djɔ, monga la hemɔ yahakɔnɔ ndo ekakatanu ekina wendana la yoonge wakoka ndjaka onto esadi eto. Ndo kaanga onto koyohɔka dia ntshikitanya kɛnɛ kahombande mbetsha lo dihole dia ntondo, ayonga oko nde amboyohɔ okanga a kɔngɔlɔ wanyu wamboshila. Mbeyaka monga ko olonganyi ande hayowɛkɛ otema, anande hawoyoleka mboka ngandji ndo yoonge yande mbeyaka ndana. Ondo ekakatanu ɛmɔtshi mbeyaka kandɔma, koko ayɔlɔmbama mbidja welo w’efula. Anto wa ngasɔ “wakayatshatsha la lonyangu l’efula.”—1 Timɔte 6:10.
Awui asamalo w’ohomba dia ntondoya
Anto wayanga falanga la lokaki tshɛ ndo wafɔnya ɔnɛ vɔ kokaka ntondoya lo lɔsɛnɔ ndjokamaka loonge ɔnɛ mvula. Koko dui sɔ mbakonyaka dia vɔ monga l’ɔkɔmwɛlɔ ndo l’okiyanu w’efula. Ɛnyɛlɔ, etena kayangawɔ falanga l’ohetoheto tshɛ, mbala efula anto asɔ shishaka diɔtɔnganelo diasawɔ la nkumbo ndo l’angɛnyi awɔ. Akina ndjahondjaka djɔ yele ohomba le onto l’ɔtɛ w’olimu kana w’ekiyanu. Ondaki 5:12 mbutaka ɔnɛ: “Djɔ y’okambi yatoyalaka lɔngɔvungɔvu, oyadi yema tshitshɛ kana efula mbolende, koko efula ka diangɔ diele la kanga ɔngɔnyi hadioolasha djɔ.”
Falanga bu tsho owandji wa kɔlɔ koko ndo wa lokeso. Yeso Kristo akatɛkɛta dia “lokeso lele la ɔngɔnyi.” (Makɔ 4:19) L’ɛtɛkɛta ekina, anto fɔnyaka dia vɔ koka monga l’ɔngɛnɔngɛnɔ naka vɔ monga l’ɔngɔnyi, koko aha ngasɔ mbele akambo. Onto lele l’ɔngɔnyi kombolaka nyomoleka monga lawɔ. Ondaki 5:10 mbutaka ɔnɛ: “Onto lalanga [falanga] halotaki . . . pondjo.”
Lo tshena pe, ngandji ka falanga konyaka onto lo ekakatanu ndo l’ekomelo tɔ ndjokonyaka l’ɔkɔmwɛlɔ, ekiyanu ndo kaanga l’awui wa ngala. (Tokedi 28:20) Koko di’onto monga l’ɔngɛnɔngɛnɔ ndo dia nde ntondoya lo lɔsɛnɔ, nde pombaka monga la lokaho, dimanyiyanaka, monga la lɔkɛwɔ la pudipudi, ngandji ndo lonyuma la dimɛna.
Toyange diangɔ di’oshinga wolo dia lo nyuma
lvs 23-24 od. 17
Nkum’otema k’ɔlɔlɔ la ntondo ka Nzambi
Wadielo wa lo sɛkɛ
Lo etshumanelo k’Akristo. Lo ntambe ka ntondo, anto yema tshitshɛ tsho mbaki la kɔpi efula ya wɛɔmbɔ wa Bible, diakɔ diaki wadielo wa lo sɛkɛ ohomba efula. Ɔpɔstɔlɔ Pɔɔlɔ akalɔmbaka dia vɔ mbadiaka mikanda ande la ntondo k’anto tshɛ etena kakiwɔ lo nsanganya y’Akristo ndo dia vɔ mengɔnyaka la mikanda wakandatomɛka tshumanelo dikina dia ndo vɔ la wɔ mbadiema. (Kɔl 4:16; 1Tɛ 5:27) Pɔɔlɔ akalake Timɔtɛ laki omendji w’ɔlɔngɔlɔngɔ dia ndjasha “lo wadielo wa lo sɛkɛ, lo olakelo ndo lo wetshelo.”—1Ti 4:13.
Onto lasala wadielo wa lo sɛkɛ akahombaka mbadia dimɛna dimɛna. (Hab 2:2) Lamele wadielo ɔsɔ waki l’oyango wa ntondja wetshelo ɔmɔtshi w’ohomba, diakɔ diele ombadi wa lo sɛkɛ akahombaka shihodia dimɛna dimɛna kɛnɛ katandadia, mbeya kɛnɛ kakalange ofundji mbuta, monga la yambalo y’efula dia mbewɔ ntondja kanyi ya kɔlɔ etena katandadia kana mambiya ampokami. Lo ndjela Ɛnyɛlɔ 1:3, wanɛ wadia prɔfɛsiya la dui dia wolo mbidja ndo wanɛ wahokamɛ ndo wakitanyiya wayonga l’ɔngɛnɔngɛnɔ.