Ngande wakokayɛ nembetshiya dietawɔ diayɛ?

Naka onto ɔmɔtshi ambokombola ɔnɛ lande na ketawɔyɛ dia Nzambi mbakatonge diangɔ tshɛ, ngande wayoyokadimola? Dia mbisha ekadimwelo wa shikaa, wɛ pombaka nsala awui ahende anɛ: Ntondotondo, ɛnya dia wɛmɛ mbetawɔka dia etongelo ekɔ dui dia mɛtɛ. (Rɔmɔ 12:1, 2) Oma laasɔ, wɛ pombaka nkanyiya woho wa kokayɛ nembetshiya onto okina dietawɔ diayɛ.​—Tok 15:28.

NYENDE VIDƐO YELE L’ƆTƐ A DUI ƆNƐ: DƆKƆTƐLƐ DIMƆTSHI DIENDANA LA HEMƆ YA L’ASƆNGA, YA LO WEKA NDO YA L’EMUNYI ALEMBETSHIYA DIETAWƆ DIANDE NDO KINA YELE L’ƆTƐ A DUI ƆNƐ: ONTO ƆMƆTSHI LELE MANYI LO KƐNƐ KENDANA LA WAA NYAMA ALEMBETSHIYA DIETAWƆ DIANDE NDO ƐNYA ƐKƆKƆ WELE L’ANTO AKINA LA DIETAWƆ LO ETONGELO NDO OMA LAASƆ, NYOKADIMOLE LO AMBOLA WAYELA ANƐ:

• 

  Lande na kele Irène Hof Laurenceau la dietawɔ lo etongelo lo dihole dia monga la dietawɔ lo ohilwelo?

• 

  Lande na kele Yaroslav Dovhanych la dietawɔ lo etongelo lo dihole dia monga la dietawɔ lo ohilwelo?

• Ngande wakokayɛ nembetshiya onto ɔmɔtshi lande na keyɛ la mbetawɔ lo etongelo?

• Naa dihomɔ dikina diatondja okongamelo wa Jehowa diatanema lo ɔtɛkɛta ayɛ diakokimanyiya dia wɛ ndjashikikɛ ndo nshikikɛ anto akina dia Nzambi mbakatonge diangɔ tshɛ?