Kamba la Ngɛnangɛnaka la lɔsɛnɔ pondjo pondjo! dia nkeketsha mbetawɔ kayɛ le Jehowa ndo le Yeso

Dia ngɛnyangɛnya Nzambi, ambeki wa Bible pombaka monga la mbetawɔ ka wolo. (Hɛb 11:6) Sho koka minanda etema awɔ lo nkamba la dibuku Ngɛnagɛnaka la lɔsɛnɔ pondjo pondjo! Dibuku dia wekelo nɛ diekɔ l’avɛsa w’ohomba, diɔ kambaka la yoho ya nkana l’anto yimba yokɛma hwe, la ambola w’eshika, la tovidɛo temula nsaki ndo l’esato w’amɛna. Lo nkimanyiya ambeki wa Bible dia monga la waonga w’Okristo ndo la diɔtɔnganelo dia dimɛna la Nzambi, sho mbikaka la diangɔ diahalongola la dja.​—1Kɔ 3:12-15.

Anto amɔtshi wekɔ l’okakatanu dia mbetawɔ dia vɔ koka monga angɛnyi wa Nzambi, lele hawokoke mbɛɛna. Laasɔ, sho pombaka mbaakimanyiya dia nkeketsha mbetawɔ kawɔ le Jehowa loludi la ngandji.

NYENDE VIDƐO YELE L’ƆTƐ A DUI ƆNƐ: KEKETSHA MBETAWƆ KAYƐ LE JEHOWA LO NKAMBA LA “NGƐNANGƐNAKA LA LƆSƐNƆ PONDJO PONDJO!” NDO OMA LAASƆ, NYOKADIMOLE LO AMBOLA WAYELA ANƐ:

• Ngande weyaso dia kadiyɛso akayalɔngɔsɔla dimɛna dikambo dia wekelo?

• Ngande wakandakambe la ambola wa laadiko dia nkimanyiya ombeki dia nkɛnɛmɔla tokanyi tande ndo woho wayaokande lo kɛnɛ kendana la Isaya 41:10, 13?

• Shɛngiya yakɔna yakonge la vidɛo ndo l’avɛsa wa lo Bible le ombeki?

Anto efula hawoshihodia elɛwɔ oshinga w’etshungwelo, kana hawɔshi oshinga w’etshungwelo oko woshasha wakawasha Nzambi. (Nga 2:20) Oma lɔkɔ, sho pombaka mbaakimanyia dia nkeketsha mbetawɔ kawɔ l’olambo waki Yeso w’oshinga w’etshungwelo.

NYENDE VIDƐO YELE L’ƆTƐ A DUI ƆNƐ: KEKETSHA MBETAWƆ KAYƐ LE YESO LO NKAMBA LA “NGƐNANGƐNAKA LA LƆSƐNƆ PONDJO PONDJO!” NDO OMA LAASƆ NYOKADIMOLE LO AMBOLA WAYELA ANƐ:

• Ngande weyaso di’ɔnangɛso akayalɔngɔsɔla dimɛna dikambo dia wekelo?

• Ngande wakandakambe l’awui wa l’etenyi ka “Sala eyangelo” dia nkimanyiya ombeki?

• Lande na kele dɔmbɛlɔ diekɔ ohomba le ombeki?