Sho koka mbidja lohetsho otshumba

Naka aha ngasɔ, kete ondo wɛ ambɛnaka dui sɔ lo yoho mɔtshi kana nkina. Mbala efula tekɔ lo mɛna di’anto wekɔ lo petshama l’ɔtɛ woyewɔ oma lo wodja okina, l’ɔtɛ wa lokoho lawɔ la demba kana l’ɔtɛ w’ɔtɛmwɛlɔ awɔ. Etombelo wambonga la dui sɔ ele, mandji efula yekɔ lo mbidja ɛlɛmbɛ dia ndɔshana l’awui wa ngala ndo wa lohetsho.

Anto wasowa l’ɔtɛ wakawaasalɛ akambo la lohetsho tshɛ, mbala efula vɔ ndjokomaka lo mpetsha anto akina. Anto wakawasalɛ akambo la lohetsho ndjokomaka mbala efula lo nsɔmbɔya ndo ndjotetemalaka mpetsha anto akina.

Ondo wambokokanɛka kɔlɔ, wambokɔnyɔlaka, wambokɔtɛngaka ndo wambokanɛka. Koko, mbala efula lohetsho konyaka onto etale. Lohetsho konyaka mbala efula l’awui wa ngala, l’ata, lo ndanyanɛ diangɔ, lo mbeyana l’anto la wolo, lo diakatanelo ndo kaanga lo shilana oshiki.

Periodikɛ kɛnɛ kayokadimola ambola wayela anɛ ndo kayɛnya woho wakokaso mbidja lohetsho otshumba:

• Lande na kambololanɛ lohetsho?

• Ngande wakokaso mbidja lohetsho otshumba?

• Onde ekɔ etena kɛmɔtshi kele lohetsho hatonga nto pondjo?