Nzambi ndjakiyanyaka dikambo diayɛ
Bible kekɔ kiɔkɔ yoleki dimɛna y’ɛlɔmbwɛlɔ ka lo nyuma. Tɔ bu dibuku diendana l’esakelo, koko diɔ koka tokimanyiya la toho shikaa takokaso ndɔshana l’ekakatanu wahomana la so, tokanyi ta kɔlɔ, paa ka lo yimba, hemɔ ka lo demba ndo la hemɔ ka lo yimba.
Dui dioleki ohomba ele, Bible toshikikɛka dia Otungi aso, Jehowa Nzambi,a shihodiaka tokanyi ndo nsaki yaso dimɛna oleki onto akɔna tshɛ. Nde ekɔ lo nomɔlomɔ dia tokimanyiya dia sho ndɔshana la woho w’okakatanu tshɛ wahomana la so. Tɔsɛdingole ɛnyɛlɔ ka avɛsa ahende wa lo Bible washa esambelo:
“Jehowa ekɔ suke la wanɛ wele l’etema wambatɛ; nde shimbɛka wanɛ wele la lɔkɔnyɔ lo yimba.”—OSAMBO 34:18
“Dimi Jehowa Nzambi kayɛ kokimɛka lo lonya layɛ l’omi, dimi kotɛka nte: ‘Tokake wɔma. Dimi layokokimanyiya.’”—ISAYA 41:13
Ko ngande watokimanyiya Jehowa dia sho ndɔshana la hemɔ ka lo yimba? Oko wayoyɛna l’asawo wayela, Jehowa mɛnyaka mɛtɛ dia nde ndjakiyanyaka efula lo dikambo diaso lo toho efula t’amɛna.
a Jehowa mbele lokombo la mɛtɛ laki Nzambi.—Osambo 83:18.