Tshapita 27

Mateo ambelamɛ

YEMA l’ɔkɔngɔ wa nde kɔnɔla kanga ekuse, Yeso ambomɔ oma la Kapɛrɛnauma ko ambotshɔ otsha lo Ndjale ka Ngalileya. Elui w’anto wamboya le nde nto, ko nde ambotatɛ mbaetsha. Wonya watandête, nde ambɛna Mateo, ɔnɛ lelɛwɔ nto ɔnɛ: Lɛwi, odjashi lo bilɔ k’elambo. Yeso mbawetande ate: “Undjeli.”

Aha la tamu, Mateo akashile la mbeya wetshelo wa Yeso, oko akeyaka ndo Petero, Andɛlɛ, Jakɔba la Joani lam’akawaete Yeso dia vɔ mboyela. Lo ndjela ɛnyɛlɔ kawɔ, Mateo ambetawɔ leeta lakɔ aha la tshimbatshimba. Nde ambemala, ambotshika ɛkɛndɛ ande w’olongodi w’elambo ko amboyela Yeso.

L’ɔkɔngɔ diko, ondo dia nde sala difɛstɔ dia leeta lande, Mateo ambosala dambo dimɔtshi dia woke lakande. Lâdiko dia Yeso l’ambeki Ande, ndo angɛnyi w’edjedja waki Mateo mbele lâwɔ. Anto asɔ mɔnywamaka oma le Ase Juda akina, nɛ dia vɔ kɔngɔlɛka emboledi w’Ase Rɔmɔ wahetshawɔ elambo. Lâdiko dia lâsɔ, anto asɔ wekɔ la lokeso esangɔ efula, nɛ dia vɔ nɔmbaka anto falanga efula oleki ndo lofulo lahombawɔ futa.

Lam’ɛnyiwɔ Yeso lo dambo sɔ kâmɛ l’anto wa ngasɔ, Afarisɛ wambombola ambeki ande vate: “Dikambu kuna diale Umbetsha anyu la elongodi w’elambu la antu wa kolo?” Yeso akoki dimbola diawɔ, ɔnɛ atɛnde Afarisɛ ate: “Wane weli la wulu hawuhumbi wetshi, paka wane weli la kandji. Keli nyutshu, nyuteki kitshimudi ya diui ne, ati: Ketshi kalangami aha ulambu. Ne dia dimi kundja dia ndjeta antu w’ololo, keli lakayi dia ndjeta antu wa kolo.”

Ondo Mateo akelɛ elungudi ɛsɔ w’elambo oya lakande dia vɔ ndjohokamɛ Yeso ko ndjɔkɔnɔ lo nyuma. Ɔnkɔnɛ, Yeso ekɔ lo nsawola kâmɛ la wɔ dia mbakimanyiya dia vɔ monga la diokanelo di’ɔlɔlɔ lam’asawɔ la Nzambi. Yeso hawaɔnyɔla, oko Afarisɛ wayaɛna akanga a losembwe lo asho awɔ. Koko, oko wende la kɛtshi k’efula, nde ekɔ oko onganga wa lo nyuma le wɔ.

Ɔnkɔnɛ, naka Yeso ekɔ lo mboka atshi wa pɛkato kɛtshi, kete aha l’ɔtɛ w’ɔnɛ nde ekɔ lo ndjiha asho lo pɛkato yawɔ, koko nde mbaɔsaka oko akanga a hemɔ ya lo demba. Ohɔ dia, lam’akandasembola lonya otsha le kanga sudi, ndo lam’akandawonanda, nde akawotɛ ate: “Dimi nangaka, okono.” Lo ndjela ɛnyɛlɔ ka Yeso, ndo sho lawɔ tɛ̂nya kɛtshi kokaso anto akina lo kimanyiyaka wanɛ wele l’ohomba, djekoleko lo nyuma. Mateu 8:3; 9:9-13; Mako 2:13-17; Luka 5:27-32.

▪ Lende ele Mateo etena kowɛnyi Yeso?

▪ Olimu akɔna wakamba Mateo, ndo lande na kɔ̂nywama anto wa ngasɔ oma le Ase Juda akina?

▪ Afarisɛ anyangawɔ lo dikambo dia Yeso, ndo atena ambondâkadimola?

▪ Lande na kasawola Yeso kâmɛ l’akanga a pɛkato na?