Yeso aakinde?

Jehowa akatome Yeso la nkɛtɛ. 1 Joani 4:9

Naka sho nangaka ngɛnyangɛnya Jehowa, kete sho pombaka mpokamɛ onto okina l’ohomba efula. Edja efula la ntondo ka nde ntonga Adama, Jehowa akatonge etongami ka lo nyuma kaki la wolo efula l’olongo.

L’ɔkɔngɔ diko, Jehowa akayôtomaka dia nde ndjotɔ la Bɛtɛlɛhɛma le womoto l’emuma lakawelɛka Mariya. Ɔna ɔsɔ akayelamɛka ɔnɛ Yeso.​—Joani 6:38.

Etena kakinde oko onto la nkɛtɛ, Yeso akakɛnɛmɔla waonga waki Nzambi lo yoho ya kokele. Nde aki la lɔsɛngɔ, la ngandji ndo akadjaka anto lo demba. La dihonga tshɛ, nde aketsha anto akina akambo wa mɛtɛ wendana la Jehowa.

Yeso akasale akambo w’ɛlɔlɔ koko akahetshama. 1 Petero 2:21-24

Yeso akakɔnɔla nto akanga wa hemɔ ndo akolola anto amɔtshi wakavu.

Ewandji w’ɛtɛmwɛlɔ wakahetsha Yeso nɛ dia nde akatondjaka wetshelo awɔ wa kashi ndo mboka yawɔ ya kɔlɔ sɛkɛ.

Ewandji w’ɛtɛmwɛlɔ waketawoya ase Roma dia vɔ nkɔmɔla Yeso ndo mbodiaka.