Ngande wɔsayɛ Bible?
Onde wɛ kiɔsaka oko . . .
dibuku diele la lomba l’anto?
dibuku diele la toshimu ndo la ɛkɔndɔ wa kashi?
Ɔtɛkɛta wa Nzambi?
KƐNƐ KATA BIBLE
“Afundelo tshɛ wakafundama l’ɛlɔmbwɛlɔ ka nyuma kaki Nzambi.”—2 Timɔte 3:16, Ekadimwelo k’andja w’oyoyo.
ƐLƆLƆ WAKOKAYƐ NKONDJA
Ekadimwelo w’eshika lo ambola w’ohomba wa lo lɔsɛnɔ.—Tukedi 2:1-5.
Ɛlɔmbwɛlɔ k’oshika lo lɔsɛnɔ la lushi la lushi.—Osambu 119:105.
Elongamelo ka mɛtɛ lo dikambo dia nshi yayaye.—Rɔmɔ 15:4.
ONDE SHO KOKAKA MƐTƐ MBETAWƆ KƐNƐ KATA BIBLE?
Eelo, l’ɔtɛ w’ɛkɔkɔ esato ɛnɛ:
Awui wa lɔkɔ mbɔtɔnɛka lo yoho ya diambo efula. Bible kakafundama l’edja k’ɛnɔnyi 1 600 oma le anto oko 40. Efula ka l’atei awɔ kɔmɛnana ndooko lushi. Koko awui wa lo Bible k’otondo mbɔtɔnɛka ndo tɔ mɔmbɔlaka ɔtɛ a dui ɔtɔi!
Tɔ mbutaka mɛtɛ lo awui w’ɛkɔndɔ. Ambeyi w’ɛkɔndɔ wa l’andja ɔnɛ mongaka suke dia dinyadinya munga y’ase wodja awɔ. Koko, afundji wa Bible wakafunde munga yawɔ hita ndo y’ase wodja awɔ.—2 Ekondo 36:15, 16; Osambu 51:1-4.
Alaka wa lo Bible kotshamaka nshi tshɛ. Bible kakatɛkɛta di’elanyelo k’osomba w’edjedja wa Babilɔna ɛnɔnyi oko 200 la ntondo. (Isaya 13:17-22) Tɔ kakɛnya aha tsho yoho yakahombe Babilɔna nɛndjama, koko ndo lokombo l’onto lakahombe kilɛndja!—Isaya 45:1-3.
Efula k’alaka akina wa lo Bible wakakotshama tshɛ lo tshɛ. Shi ngasɔ mbahomba monga mɛtɛ Ɔtɛkɛta wa Nzambi?—2 Petero 1:21.
DIMBOLA DIA NKANA LA DIƆ YIMBA
Ngande wakoka Ɔtɛkɛta wa Nzambi ndowanya lɔsɛnɔ layɛ?
Bible kadimolaka dimbola sɔ lo ISAYA 48:17, 18 ndo lo 2 TIMƆTE 3:16, 17.