Ele sheke y’ɔngɛnɔngɛnɔ wa lo nkumbo?

KƐNƐ KATA BIBLE

“Diɛsɛ le wanɛ woka ɔtɛkɛta wa Nzambi ndo wawokitanyiya!”​—Luka 11:28, Ekadimwelo k’andja w’oyoyo.

ƐLƆLƆ WAKOKAYƐ NKONDJA

Ayokama ngandji ka mɛtɛ.​—Ɛfɛsɔ 5:28, 29.

Ayɔlɛmiyama lo yoho ya dimɛna.​—Ɛfɛsɔ 5:33.

Ayonga la lotui tshitshi la mɛtɛ.​—Makɔ 10:6-9.

ONDE SHO KOKAKA MƐTƐ MBETAWƆ KƐNƐ KATA BIBLE?

Eelo, l’ɔtɛ w’ɛkɔkɔ ehende ɛnɛ:

• Nzambi mbele Otungi wa nkumbo. Bible mbutaka dia Jehowa Nzambi “mbɔlɛ nkumbo tshɛ . . . lokombo.” (Ɛfɛsɔ 3:14, 15) L’ɛtɛkɛta ekina, nkumbo kekɔ nɛ dia Jehowa mbakakitonge. Ko lande na kele dui sɔ ohomba?

  Tokanyiya yema: Naka wɛ ekɔ lo ndɛ mbo y’amɛna efula, ko wɛ nangaka mbeya diangɔ diakawadjisha lɔkɔ, onto akɔna ayoyombola? Aha la taamu, wɛ ayombola ɔnɛ lakayikate.

  Woho akɔ waamɛ mbele, dia sho mbeya awui wakimanyiya dia nkumbo monga l’ɔngɛnɔngɛnɔ, sho pombaka mendɛ le Jehowa, lele Otungi wa nkumbo.​—Etatelu 2:18-24.

• Nzambi ndjakiyanyaka dikambo diayɛ. Ekɔ dui dia lomba di’ase nkumbo nyanga alako washa Jehowa lo tshimbo y’Ɔtɛkɛta ande. Lande na? “Nɛ dia nde ndjakiyanyaka dikambo dia[wɔ].” (1 Petero 5:6, 7) Jehowa ndekaka ndjakiyanya dikambo dia wahɔ ayɛ, ndo alako ande mongaka nshi tshɛ l’etombelo w’ɛlɔlɔ.​—Tukedi 3:5, 6; Isaya 48:17, 18.