KIOMBO YA WETSHELO 16B
Kiyana ndo kuma akumu, mbidja djembetelo, ntɛtshatɛtsha etena kakɔna ndo woho akɔna?
Ɛnɛlɔ kele lo Ɛzɛkiyɛlɛ tshapita 9 kekɔ lo kotshama nshi nyɛ. Eokelo kaso ka woho wayosalema awui koka tokimanyiya dia sho ntokomɛ ekomelo ka dikongɛ nɛ di’akambo l’eshikikelo tshɛ
‘Kiyana ndo kuma akumu’
ETENA: Lo nshi y’ekomelo, la ntondo ka mfɔnu ka woke
WOHO: Anto w’etema ɛlɔlɔ mɛnyaka oma l’ɛtɛkɛta ndo l’etsha awɔ dia vɔ petshaka awui wa kɔlɔ wa l’andja ɔnɛ. Anto asɔ pokamɛka esambishelo, tetemalaka ndɔta lonto lele oko la Kristo, batizamaka oko djembetelo ya ndjakimɔ kawɔ le Jehowa ndo sukɛka anango Kristo la kɔlamelo tshɛ
‘Mbidja djembetelo’
ETENA: Lo mfɔnu ka woke
WOHO: Pami kele la ɔlɔndɔ w’ashi wa mukanda wa sekeletɛlɛ ekɔ didjidji dia Yeso Kristo etena kayondoya oko Shushi ya wedja tshɛ. Anto wa l’olui a woke wayɔsama oko anto w’ɛlɔlɔ kana wayodjama djembetelo oko ɛkɔkɔ ndo kɛsɔ ayɛnya dia vɔ wayoshimbamɛ lo Aramangɛdɔna
“Ntɛtshatɛtsha”
ETENA: Lo Aramangɛdɔna
WOHO: Yeso Kristo ndo alembe ande wa l’olongo, mbuta ate andjelo ndo anto ande 144 000 wayolɛ kaamɛ la nde, wayolanya andja wa kɔlɔ ɔnɛ tshɛ lo tshɛ ndo wayosala dia atɛmɔdi wa l’ɔtɛmwɛlɔ wa pudipudi mbɔtɔ l’andja w’oyoyo wa losembwe