WEKELO 17

Tokanyi tokɛma le anto akina

1 Kɔrɛtɔ 14:9

LO TSHENA PE: Kimanyiya ampokami ayɛ dia nshihodia kitshimudi ya losango layɛ.

Eka dimɛna dimɛna awui wayoyɔmbɔla. Shihodia dimɛna dui diayangayɛ mɔmbɔla dia wɛ diɔmbɔla lo yoho ya wɔdu ndo l’ɛtɛkɛta ayɛ hita.
Kamba la ditelo dia tomondo ndo dia wɔdu. Kaanga mbetawɔma ditelo di’etale, ɔmbɔla akambo w’ohomba la nkamba la ditelo dia tomondo.

Tokambake la towuiwui tele bu ohomba takoka mbidja ampokami l’okandokando ndo mbaakɔmɔla. Kamba l’ɛtɛkɛta wa wɔdu koko aha wa wolo.
Lembetshiya tɔtɛkɛta tahaleke mbeyama. Naka kokaka, tokambake la ditelo diahaleke ampokami ayɛ mbeya. Naka wɛ pombaka nkamba la tshɛkɛta yahaweye, onto ɔmɔtshi la lo Bible lahaleke mbeyama, kana tɛdikɔ ta wɛdikelo ta lo nshi y’edjedja, mbekelo kɛmɔtshi, kete lembetshiya.