WESA NSAKI KƐNYISHA ONTO
WEKELO 9
Oka anto kɛtshi
Tɔndɔ: “Nyɔngɛnɛngɛnɛ la wanɛ wangɛnangɛna; nyolele la wanɛ walela.”—Rɔmɔ 12:15.
Kɛnɛ kakasale Yeso
1. Enda VIDƐO kana adia Makɔ 6:30-34. Oma laasɔ, kana yimba lo ambola wayela anɛ:
Lande na kakalange Yeso nde l’ambeki ande ntshɔ lo “dihole dia diɛta”?
Kakɔna kakatshutshuya Yeso dia nsambisha olui w’anto?
Wetshelo akɔna wakondjaso oma le Yeso?
2. Kɛtshi totshutshuyaka aha tsho dia nsambisha anto lokumu l’ɔlɔlɔ, koko ndo dia mbaakimanyiya.
Okoya Yeso
3. Hokamɛ la yambalo tshɛ. Tshika onto akɛnɛmɔlɛ kɛnɛ kele l’otema ande. Toohembolake ɔtɛkɛta kana minya esadi eto yimba lo woho wayaokande, lo ekiyanu ande kana l’awui wende la wengengo. Lo mbohokamɛ la yambalo, wɛ ayowɛnya dia wɛ ndjadjaka lo dihole diande.
4. Kanyiyaka dikambo di’onto lakɛnya nsaki. Lo ndjela kɛnɛ kakanyasawola, yambola ɔnɛ:
‘Lande na kende l’ohomba wa mboka akambo wa mɛtɛ?’
‘Ngande wayolowanya wekelo wa Bible lɔsɛnɔ lande la lushi la lushi ndo nshi yande yayaye?’
5. Tɛkɛta awui wayokoka mbokimanyiya. Oma k’etatelo, ɛnyande woho wakoka wekelo wa Bible nkadimola lo ambola ande ndo mbokimanyiya lo toho ta shikaa.