Yadja lo dihole di’anto akina

Ndjadja lo dihole di’anto akina ekɔ dikoka dia nshihodia tokanyi, nsaki, kɛnɛ kele ohomba ndo ehomba w’anto akina. Anto akina mbeyaka etena kayadjaso lo dihole diawɔ. Naka sho nangaka mɛtɛ nkimanyiya anto akina, kete dui sɔ diayotokimanyiya dia sho ndjaoka dia tekɔ lo ndjadja lo dihole diawɔ. Etena kayadjaso lo dihole di’anto akina l’esambishelo, sho mbokoyaka ngandji ndo woho wayakiyanya Jehowa lo dikambo di’anto ndo dui sɔ kotolaka anto oya le nde.​—Flp 2:4.

Ndjadja lo dihole di’anto akina bu tsho wetshelo w’anyanya; dui sɔ pombaka mɛnama oma lo woho wahokamɛso, wa tɛkɛtaso, oma lo dionga diaso, tɔjɛstɛ taso ndo oma lo ɛnamelo kaso ka l’elungi. Sho mɛnyaka dia sho ndjadjaka lo dihole di’anto akina etena kayashaso le onto ɔmɔtshi l’otema ɔtɔi. Sho mbidjaka yimba lo kɛnɛ kayashande lɔkɔ, dietawɔ diande ndo akambo wele lande. Sho mboshaka alako w’eshika ndo ekimanyielo kahombama, koko aha mbotshutshuya la wolo dia nde nsala etshikitanu. Etena ketawɔ anto akina ekimanyielo kawashaso, dui sɔ fudiaka ɔngɛnɔngɛnɔ aso l’esambishelo.

NYENDE VIDƐO YELE L’ƆTƐ A DUI ƆNƐ: TONGE L’ƆNGƐNƆNGƐNƆ WAYA LO MBETƐ ANTO AMBEKI​—TOLOWANYA AKOKA ASO​—LO NDJADJA LO DIHOLE DI’ANTO AKINA NDO OMA LAASƆ, NYOKADIMOLE LO AMBOLA WAYELA ANƐ:

• 

  Ngande wakayadjisha Neeta lo dihole diaki Ehadi etena kakandakomi l’ɔkɔngɔ?

• 

  Ngande wakayadjisha Neeta lo dihole diaki Ehadi etena kakandatshi dia nde hateka Bible l’ɔtɛ wende l’ekiyanu efula?

• 

  Ngande wakayadjisha Neeta lo dihole diaki Ehadi etena kakandatshi dia nde heye ndjakongɛ dimɛna?