Etsha lo yoho ya wɔdu

Kɛnɛ kakasale Yeso

VIDƐO: Yeso ɛnya woho wayakiyanya Shɛso dikambo diaso

1. Enda VIDƐO kana adia Mateo 6:25-27. Oma laasɔ, kana yimba lo ambola wayela anɛ:

1. Ngande wakɛnya Yeso woho wayakiyanya Jehowa dikambo diaso?

2. Kaanga mbakeyaka Yeso awui efula wendana la tofudu, lo dui diakɔna dia wɔdu diakandaleke ntɔtɔmiya? Lande na kele ɔsɔ aki yoho ya dimɛna ya mbetsha?

Wetshelo akɔna wakondjaso oma le Yeso?

2. Etena ketshaso lo yoho ya wɔdu, anto wayohɔka kɛnɛ kakatawaetsha ndo etema awɔ wayonandema.

Okoya Yeso

3. Aha ntɛkɛta efula. Lo dihole dia ntɛkɛta tshɛ keyayɛ lo dikambo dimɔtshi, komɛ paka lo kɛnɛ kofundami lo okanda wekanyu. L’ɔkɔngɔ wa mboka dimbola, konga la solo dia lotutsha di’ombeki nkadimola. Naka nde heye okadimwelo kana ambota dui diahɔtɔnɛ la Bible, kamba la ambola akina dia nkana lande yimba. Naka ombeki amboshihodia dui di’ohomba, ko nyu mbeta l’etenyi kekina.

4. Kimanyiya ombeki dia mbɔtɔnganyiya kɛnɛ kamondeka la kɛnɛ kokondeyaka. Ɛnyɛlɔ, ntondo ka ntatɛ wekelo wendana la eolwelo, wɛ koka nyanga ntondo dia mbeya kɛnɛ keya ombeki lo dikambo di’anto wambovɔ.

5. Kamba dimɛna la bɛnyɛlɔ. La ntondo ka nkamba l’ɛnyɛlɔ, yambola ɔnɛ:

1. ‘Onde ɛnyɛlɔ kakɔ kekɔ wɔdu?’

2. ‘Onde ombeki ayokishihodia esadi eto?’

3. ‘Onde tɔ kayokimanyiya ombeki dia mbohɔ dui diele ohomba, koko aha ɛnyɛlɔ keto?’