Lande na kahombayɛ nsɛdingola ɔtɛmwɛlɔ ayɛ?

Ohɔsa dia wɛ ekɔ l’ohomba w’onganga l’ɔtɛ weyɛ la hemɔ. Ondo ayonga ohomba wɛ tongi l’eshikikelo k’efula ɔnɛ nde sakaka dimɛna nɛ dia lɔsɛnɔ layɛ layonga l’anya ande. Shi ayonga nto dimɛna wɛ tambodi anto wambondosakɛka?

Woho akɔ waamɛ mbele, ayonga dui dia lomba dia wɛ nsɛdingola ɔtɛmwɛlɔ ayɛ dimɛna. Naka wɛ ekɔ lo ɔtɛmwɛlɔ ɔmɔtshi, kete eya dia lonyuma ndo panda kayɛ nemanɛka l’ɔtɛmwɛlɔ akɔ.

Yeso akasha elembetshiyelo wokɛma hwe wakoka tokimanyiya dia sho mbeya nsɔna ɔtɛmwɛlɔ. Nde akate ate: “Osongo tshɛ mbeyamaka oma lo elowa awɔ.” (Luka 6:44) Ɛnyɛlɔ, etena kasɛdingolayɛ ɔtɛmwɛlɔ ɔmɔtshi, etsha wa ngande wele l’anto wa l’ɔtɛmwɛlɔ akɔ? Onde waa pastɛrɛ tshimbaka l’esambishelo kawɔ paka lo kɛnɛ kendana la falanga? Onde ase ɔtɛmwɛlɔ akɔ ndjelaka atɔndɔ wa lo Bible wendana l’ata ndo la lɔkɛwɔ? Ko onde laasɔ ndooko ɔtɛmwɛlɔ ɔmɔtshi wakokayɛ mbɛkɛ otema? Tambokɔlɔmba dia wɛ mbadia asawo wayela.