EKADIMWELO LO AMBOLA W’OMA LO BIBLE
Alɔmbɔla andja ɔnɛ mɛtɛ?
Otondonga Nzambi mbele ɔnɔmbɔdi w’andja ɔnɛ, onde asui wotonga efula nganɛ?
Anto efula mbutaka ɔnɛ Nzambi ka mɛtɛ mbele ɔnɔmbɔdi w’andja ɔnɛ. Ko naka ngasɔ mbediɔ, onde nkɛtɛ kotololanɛ l’asui? (Euhwelu k’Elembe 32:4, 5) Lo ndjela Bible, andja w’otondo wekɔ lo nɔmbwama oma le kanga kɔlɔ.—Adia 1 Joani 5:19.
Ngande wakayokoma kanga kɔlɔ lo nɔmbɔla andja w’otondo? L’etatelo k’ɔkɔndɔ w’ana w’anto, ondjelo ɔmɔtshi akatɔmbɔkwɛ Nzambi ndo akatshutshuya atshukanyi wa ntondo dia vɔ nsala woho akɔ waamɛ. (Etatelu 3:1-6) Atshukanyi asɔ wakasɔnɛ dia nkitanyiya ondjelo akɔ, mbuta ate Satana lo mbokonya ɔnɔmbɔdi awɔ. Nzambi Kanga-Wolo-Tshɛ oto mbele la lotshungɔ la nɔmbɔla, koko nde nangaka di’anto nsɔna dia ndjela ɛlɔmbwɛlɔ kande l’ɔtɛ wa ngandji kawokawɔ. (Euhwelu k’Elembe 6:6; 30:16, 19) Lonyangu ko, anto efula salaka ɔsɔnwɛlɔ wa kɔlɔ oko wakasale atshukanyi wa ntondo.—Adia Ɛnyɛlɔ 12:9.
Onto akɔna ayokandola ekakatanu w’anto?
Onde Nzambi ayetawɔ dia Satana ntetemala l’ɛlɔmbwɛlɔ kande ka kɔlɔ? Keema. Nzambi ayokamba la Yeso dia minya akambo wa kɔlɔ w’oma le Satana.—Adia 1 Joani 3:8.
Diɛsɛ la wolo wakawosha Nzambi, Yeso ayolanya Satana. (Rɔmɔ 16:20) Oma laasɔ, Nzambi ayɔlɔmbɔla anto tshɛ, ayosha anto lɔsɛnɔ l’ɔngɛnɔngɛnɔ ndo woladi wakandalɔngɔsɔla oma k’etatelo.—Adia Ɛnyɛlɔ 21:3-5.